കേരളപ്പിറവി ദിനാഘോഷത്തിനും മലയാള ഭാഷാവാരാഘോഷത്തിനും ഇന്ന്് (നവംബര്‍ 1 ) കളക്ട്രേറ്റില്‍ തുടക്കമാകും
ജില്ലയിലെ കേരളപ്പിറവി ദിനാഘോഷത്തിനും മലയാള ഭാഷാവാരാഘോഷത്തിനും ഇന്ന്് തുടക്കമാകും. ജില്ലാതല ഉദ്ഘാടനം കളക്ട്രേറ്റ് കോണ്‍ഫറന്‍സ് ഹാളില്‍ രാവിലെ 11 മണിക്ക് പ്രശസ്ത സിനിമാ സംവിധായകനും ദേശീയ അവാര്‍ഡ് ജേതാവുമായ പ്രദീപ് നായര്‍ നിര്‍വഹിക്കും. യുവകവിയും പത്രപ്രവര്‍ത്തകനുമായ സന്ദീപ് സലിം മുഖ്യപ്രഭാഷണം നിര്‍വഹിക്കും. ജില്ലാ കളക്ടര്‍ എച്ച്. ദിനേശന്‍ യോഗത്തില്‍ അധ്യക്ഷത വഹിക്കുകയും ഭാഷപ്രതിഞ്ജ ചൊല്ലിക്കൊടുക്കുകയും ചെയ്യും. ജില്ലാ പോലീസ് മേധാവി ടി നാരായണന്‍, എഡിഎം ആന്റണി സ്‌കറിയ, ആര്‍ഡിഒ അതുല്‍ സ്വാമിനാഥ്, ജില്ലാ ലൈബ്രറി കൗണ്‍സില്‍ പ്രസിഡണ്‍് ആര്‍ തിലകന്‍, സെക്രട്ടറി ഇ.ജി സത്യന്‍, പി.എന്‍ പണിക്കര്‍ ഫൗണ്‍േഷന്‍ ജില്ലാ പ്രസിഡണ്‍് എ.ജെ തോമസ്, ജില്ലാ ഇന്‍ഫര്‍മേഷന്‍ ഓഫീസര്‍ എന്‍ സതീഷ്‌കുമാര്‍, അസിസ്റ്റന്റ് എഡിറ്റര്‍ എന്‍.ബി ബിജു, തുടങ്ങിയവര്‍ സംസാരിക്കും. സമ്മേളനത്തെ തുടര്‍ന്ന് കട്ടപ്പന ദേശത്തുടി ബാന്റിലെ ഐശ്വര്യ ഉത്തമനും സംഘവും അവതരിപ്പിക്കുന്ന നാടന്‍പാട്ട് അരങ്ങേറും. സമ്മേളനത്തോടൊപ്പം ജീവനക്കാര്‍ക്കായി ഫോട്ടോ അടിക്കുറിപ്പ് മത്സരവും ഉണ്ടണ്‍ാകും. എല്ലാ വകുപ്പുകളുടെയും സ്ഥാപനങ്ങളുടെയും എല്ലാ ഓഫീസുകളിലും ഓഫീസ് തലവന്റെ അധ്യക്ഷതയില്‍ സംഘടിപ്പിക്കുന്ന ഭരണഭാഷാ സമ്മേളനത്തില്‍ ഉദ്യോഗസ്ഥര്‍ ഭരണഭാഷാ പ്രതിജ്ഞയെടുക്കും.
- Log in to post comments