പത്രപ്രവര്‍ത്തക പെന്‍ഷന്‍: വര്‍ധിപ്പിച്ച വിഹിതം അടയ്ക്കണം
പത്രപ്രവര്‍ത്തക പെന്‍ഷന്‍ അംശദായം 2019 ഏപ്രില്‍ മുതല്‍ 300 രൂപയില്‍ നിന്നും 500 രൂപയായി വര്‍ധിപ്പിച്ചിട്ടുണ്ട്. നേരത്തെ അംശദായം അടച്ചവരില്‍ കുടിശ്ശിക അടക്കാന്‍ ബാക്കിയുള്ളവര്‍ നവംബര്‍ മാസത്തെ പെന്‍ഷന്‍ വിഹിതത്തോടൊപ്പം ബാക്കി തുക ഒടുക്കേണ്ടതാണെന്ന് ഐ-പി.ആര്‍.ഡി മേഖലാ ഡെപ്യൂട്ടി ഡയറക്ടര്‍ അറിയിച്ചു. കുടിശ്ശിക അടക്കാതെ തുടര്‍ മാസങ്ങളിലെ വിഹിതം സ്വീകരിക്കുന്നതല്ല.
മാധ്യമ പെന്‍ഷന്‍ പ്രൊഫോര്‍മ: തിയ്യതി നീട്ടി
പത്രപ്രവര്‍ത്തക/ പത്രപ്രവര്‍ത്തകേതര പെന്‍ഷന്‍ കംപ്യൂട്ടര്‍വത്ക്കരണത്തിന്റെ ഭാഗമായി പ്രൊഫോര്‍മ സമര്‍പ്പിക്കുന്നതിനുള്ള തിയ്യതി നവംബര്‍ 16 വരെ നീട്ടി. പ്രോഫോര്‍മയും പാസ്ബുക്കിന്റെ പകര്‍പ്പുകളും ഇനിയും സമര്‍പ്പിക്കാത്ത പത്രപ്രവര്‍ത്തക- പത്രപ്രവര്‍ത്തകേതര പെന്‍ഷന്‍ കൈപ്പറ്റുന്നവരും പദ്ധതിയില്‍ അംശദായം അടച്ചു വരുന്നവരും ഈ സൗകര്യം ഉപയോഗപ്പെടുത്തണമെന്ന് ഐ-പി.ആര്‍.ഡി മേഖലാ ഡെപ്യൂട്ടി ഡയറക്ടര്‍ അറിയിച്ചു.
- Log in to post comments