മോട്ടോര്‍ വാഹന  നികുതി കുടിശിക; ഒറ്റതവണ തീര്‍പ്പാക്കല്‍ പദ്ധതി മൂന്നാഴ്ച കൂടി

2014 ഏപ്രിന്‍ ഒന്നിന് ശേഷമുളള കാലയളവിലേക്കു നികുതി അടയ്ക്കാത്ത  വാഹനങ്ങള്‍ക്കു സംസ്ഥാന  സര്‍ക്കാര്‍ ഏര്‍പ്പെടുത്തിയ  ഒറ്റതവണ തീര്‍പ്പാക്കല്‍  പദ്ധതി ഈ മാസം 31 ന് അവസാനിക്കും.   2019 മാര്‍ച്ച് 31 ന് അഞ്ച് വര്‍ഷമോ, അതിലധികമോ  നികുതി കുടിശികയുളള  ട്രാന്‍സ്പോര്‍ട്ട് വാഹനങ്ങള്‍ക്ക്  അവസാനത്തെ  അഞ്ച് വര്‍ഷത്തെ  നികുതിയുടെ  20 ശതമാനം  അടച്ചും  നോണ്‍ ട്രാന്‍സ്പോര്‍ട്ട്  വാഹനങ്ങള്‍ക്ക്  30 ശതമാനം  അടച്ചും നാളിതുവരെയുളള നികുതി കുടിശിക  തീര്‍പ്പാക്കി ഈ വാഹനങ്ങളില്‍ നിന്നും  ഭാവിയില്‍  ഉണ്ടാകാവുന്ന നികുതി  ബാധ്യതകള്‍ ഒഴിവാക്കാം.  വാഹനം  കൈവശം  ഇല്ലെങ്കിലോ,  കൈമാറ്റം ചെയ്തതോ, പൊട്ടിപൊളിഞ്ഞു പോകുകയോ ചെയ്തിട്ടുളള വാഹന ഉടമകള്‍ക്ക് ഈ അവസരം  പ്രയോജനപ്പെടുത്താവുന്നതാണെന്നും  ഡിസംബര്‍ 31 ന് ശേഷം ഈ സൗകര്യം  ലഭ്യമാകുന്നതല്ലെന്നും  റാന്നി ജോയിന്റ് റീജിണല്‍   ട്രാന്‍സ്പോര്‍ട്ട് ഓഫീസര്‍  അറിയിച്ചു