കായംകുളം നഗരസഭ: ലൈഫ് ഗുണഭോക്തൃ സംഗമം ജനുവരി രണ്ടാം വാരം

 
ആലപ്പുഴ: കായംകുളം നഗരസഭ പരിധിയിലെ ലൈഫ് മിഷന്‍ ഗുണഭോക്തൃ സംഗമം ജനുവരി രണ്ടാം വാരം നടക്കും. ഇതിന്റെ ഭാഗമായുള്ള സ്വാഗത സംഘം രൂപികരിച്ചു. ലൈഫ് മിഷന്‍ വഴി 2 ലക്ഷം വീടുകളുടെ നിര്‍മ്മാണം പൂര്‍ത്തീകരിച്ചതിന്റെ സംസ്ഥാന തല പ്രഖ്യാപനത്തിന് മുന്നോടിയായാണ് നഗരസഭാ തലത്തില്‍ കുടുംബ സംഗമം നടത്തുന്നത്. കുടുംബ സംഗമത്തോടനുബന്ധിച്ച് വിവിധ വകുപ്പുകളുടെ നേതൃത്വത്തില്‍ അദാലത്തും സംഘടിപ്പിക്കും. യോഗത്തില്‍ നഗരസഭ ചെയര്‍മാന്‍ എന്‍. ശിവദാസന്‍ അധ്യക്ഷനായി. വിവിധ വകുപ്പ് ഉദ്യോഗസ്ഥരെയും ജനപ്രതിനിധികളെയും ഉള്‍പ്പെടുത്തി സബ് കമ്മറ്റികളും രൂപികരിച്ചു.