ഹോമിയോ ആശുപത്രികളില്‍ ഒഴിവ്
കൊറ്റനാട് ഗവണ്‍മെന്റ് ഹോമിയോ ആശുപത്രിയിലേക്ക് ദിവസ വേതനാടിസ്ഥാനത്തില്‍ അറ്റന്‍ഡര്‍, യോഗ ട്രെയിനര്‍ എന്നിവരെയും പന്തളം ഹോമിയോ ഡിസ്‌പെന്‍സറിയിലേക്ക് ഡിറ്റിപി ഓപ്പറേറ്ററേയും ആവശ്യമുണ്ട്. അറ്റന്‍ഡര്‍ തസ്തികയിലേക്കുള്ള യോഗ്യത എസ്എസ്എല്‍സിയും സര്‍ക്കാര്‍/സ്വകാര്യ സ്ഥാപനങ്ങളില്‍ ഹോമിയോ മരുന്ന് കൈകാര്യം ചെയ്തതിലുള്ള മൂന്ന് വര്‍ഷത്തെ പ്രവൃത്തിപരിചയവുമാണ്.
അംഗീകൃത സര്‍വകലാശാലയില്‍ നിന്നുള്ള ബിഎന്‍വൈഎസ് അല്ലെങ്കില്‍ തത്തുല്യ യോഗ്യതയാണ് യോഗ ട്രെയിനര്‍ക്ക്് വേണ്ടത്. എസ്എസ്എല്‍സി, ടൈപ്പ് റൈറ്റിംഗ് ഇംഗ്ലീഷ് ഹയര്‍, മലയാളം ലോവര്‍, സര്‍ട്ടിഫിക്കറ്റ് കോഴ്‌സ് ഇന്‍ വേഡ് പ്രോസസിംഗ് എന്നിവയാണ് ഡിറ്റിപി ഓപ്പറേറ്ററുടെ യോഗ്യത.
കൂടിക്കാഴ്ചകള്‍ ഈ മാസം 10ന് അടൂര്‍ റവന്യു ടവറിലുള്ള ജില്ലാ ഹോമിയോ മെഡിക്കല്‍ ഓഫീസില്‍ നടക്കും. അറ്റന്‍ഡര്‍ തസ്തികയിലേക്കുള്ള കൂടിക്കാഴ്ച രാവിലെ 10നും യോഗ ട്രെയിനറുടേത് രാവിലെ 11നും ഡിറ്റിപി ഓപ്പറേറ്ററുടേത് ഉച്ചയ്ക്ക് 12നുമാണ്.
(പിഎന്‍പി 2976/17)
- Log in to post comments