അന്തിക്കാട് ബ്ലോക്ക് പഞ്ചായത്ത് ലൈഫ് മിഷൻ കുടുംബ സംഗമം 18 ന്

അന്തിക്കാട് ബ്ലോക്ക് പഞ്ചായത്തിലെ ഗ്രാമ പഞ്ചായത്തുകളിൽ ലൈഫ് മിഷൻ ഭവന നിർമ്മാണം പൂർത്തികരിച്ച ഗുണഭോക്താക്കളുടെ കുടുംബ സംഗമവും ക്ഷേമപദ്ധതികൾക്കായുളള അദാലത്തും ജനുവരി 18 ന്. പെരിങ്ങോട്ടുകര ഹയർസെക്കന്ററി സ്‌കൂളിൽ രാവിലെ 9.30ന് നടക്കുന്ന കുടുംബ സംഗമം മുരളി പെരുനെല്ലി എം.എൽ.എ ഉദ്ഘാടനം ചെയ്യും. ബ്ലോക്ക് പഞ്ചായത്ത് പ്രസിഡന്റ് പി.സി.ശ്രീദേവി അധ്യക്ഷയാകും. ക്ഷേമ പദ്ധതി അദാലത്ത് ഗീതാ ഗോപി എം.എൽ.എ ഉദ്ഘാടനം ചെയ്യും.
അന്തിക്കാട്, അരിമ്പൂർ, മണലൂർ, മണലൂർ, താന്ന്യം, ചാഴൂർ പഞ്ചായത്തുകളിലെ ഗുണഭോക്താക്കൾ അദാലത്തിൽ പങ്കെടുക്കും. അന്തിക്കാട് ബ്ലോക്ക് പഞ്ചായത്ത് പരിധിയിലുള്ള അഞ്ച് ഗ്രാമപഞ്ചായത്തുകളിലായി ലൈഫ്മിഷൻ ഒന്ന് രണ്ട് ഘട്ടങ്ങളിലും പിഎംഎവൈ (ജി) പദ്ധതിയിലുമായി 426 കുടുംബങ്ങളുടെ ഭവന നിർമ്മാണം പൂർത്തികരിച്ചിട്ടുണ്ട്. കേന്ദ്ര-സംസ്ഥാന സർക്കാരുകളുടെ വിവിധ ക്ഷേമപദ്ധതികളും സേവനങ്ങളും ലഭ്യമാക്കുന്നതിനായി 18 വകുപ്പുകളുടെ അദാലത്തിന് സംഗമത്തിൽ ഒരുക്കിയത്.
അരിമ്പൂർ പഞ്ചായത്ത് പ്രസിഡന്റ് സുജാത മോഹൻ ദാസ്, താന്ന്യം പഞ്ചായത്ത് പ്രസിഡന്റ പി.എസ്. രാധാകൃഷ്ണൻ, അന്തിക്കാട് ഗ്രാമപഞ്ചായത്ത് പ്രസിഡന്റ് എ.വി. ശ്രീവത്സൻ, ചാഴൂർ ഗ്രാമപഞ്ചായത്ത് പ്രസിഡന്റ് ജ്യോതിക നാഗരാജ്, മണലൂർ ഗ്രാമപഞ്ചായത്ത് പ്രസിഡന്റ് വി.ജി ശശി എന്നിവർ പങ്കെടുക്കും.