കായിക വിദ്യാര്ത്ഥികളെ തെരഞ്ഞെടുക്കുന്നു
തിരുവനന്തപുരം ജി. വി. രാജാ സ്പോര്ട്സ് സ്കൂളിലും കണ്ണൂര് സ്പോര്ട്സ് ഡിവിഷനിലും 2020-2021 അധ്യയന വര്ഷത്തിലേയ്ക്ക് ആറ്, ഏഴ്, എട്ട്, ഒന്പത്, പ്ലസ് വണ്/വിഎച്ച്എസ്.സി എന്നീ ക്ലാസ്സുകളിലേയ്ക്ക് അഡ്മിഷന് നല്കുന്നതിന് തെരഞ്ഞെടുപ്പ് നടത്തുന്നു. അത്ലറ്റിക്സ്, ബാസ്ക്കറ്റ് ബോള്, ഫുട്ബോള്, വോളിബോള്, തായ്ക്കോണ്ടോ, റസ്ലിംങ്, ഹോക്കി, വെയ്റ്റ്ലിഫ്റ്റിംങ്, ബോക്സിംഗ്, ജൂഡോ ക്രിക്കറ്റ്(പെണ്കുട്ടികള്) എന്നീ കായികയിനങ്ങളില് താല്പര്യമുളള കുട്ടികളെ തെരഞ്ഞെടുക്കുന്നതിന് സംസ്ഥാന കായിക യുവജന കാര്യാലയം വിവിധ കേന്ദ്രങ്ങളില് ടാലന്റ് ഹണ്ട് എന്ന പേരില് സെലക്ഷന് ട്രയല് സംഘടിപ്പിക്കുന്നത്. പ്രവേശനം ആഗ്രഹിക്കുന്ന കുട്ടികള് ജനന തീയതി തെളിയിക്കുന്ന രേഖയും ജില്ലാ, സംസ്ഥാനദേശീയ മത്സരങ്ങളില് പങ്കെടുത്തിട്ടുണ്ടെങ്കില് നിലവില് ലഭിച്ചിട്ടുളള സര്ട്ടിഫിക്കറ്റുകളും ഫോട്ടോയുമായി എത്തണം. കക്കട്ടില്, ചെറുപുറം യു.പി സ്കൂള് ജനുവരി 20 ന്, താമരശ്ശേരി വിഎച്ച്എസ്.എസ് - 21 ന്, അത്തോളി ജിവി എച്ച്.എസ്.എസ് - 22 ന്, ബാലുശ്ശേരി ബോയ്സ് ജി.വി എച്ച്.എസ്.എസ് - 23 ന്, കുറ്റിച്ചിറ വി എച്ച്.എസ്.എസ് - 24 ന്, ഉളേള്യരി മോഡല് റസിഡന്ഷ്യല് സ്കൂള് - 24 ന് എന്നിവിടങ്ങളാണ് തെരഞ്ഞെടുപ്പ് കേന്ദ്രങ്ങള്. രാവിലെ എട്ട് മണിക്കകം എത്തണം. താല്പര്യമുളള വിദ്യാര്ത്ഥികള്ക്ക് http://gvrsportsschool.org/talenthunt എന്ന ലിങ്കില് ഓണ്ലൈനായി മുന്കൂട്ടി രജിസ്റ്റര് ചെയ്യാം. കൂടുതല് വിവരങ്ങള്ക്ക് 8921674901.
- Log in to post comments