വികസന കുതിപ്പിന്റെ നാഴികക്കല്ലാണ് അസാപ് കമ്മ്യൂനിറ്റി സ്‌കില്‍ പാര്‍ക്കുകള്‍: മന്ത്രി ഡോ.കെ.ടി ജലീല്‍ അസാപ് കമ്മ്യൂനിറ്റി സ്‌കില്‍ പാര്‍ക്കിന്റെ നിര്‍മാണോദ്ഘാടനം മന്ത്രി നിര്‍വഹിച്ചു
വികസന കുതിപ്പിന്റെ നാഴികക്കല്ലാണ് അസാപ് കമ്മ്യൂനിറ്റി സ്‌കില്‍ പാര്‍ക്കുകളെന്ന് ഉന്നത വിദ്യഭ്യാസ വകുപ്പ് മന്ത്രി ഡോ.കെ .ടി ജലീല്‍. തവനൂര്‍ മദിരശ്ശേരിയില്‍ ആരംഭിക്കുന്ന അസാപ് കമ്മ്യൂനിറ്റി സ്‌കില്‍ പാര്‍ക്കിന്റെ നിര്‍മാണോദ്ഘാടനവും ശിലാസ്ഥാപനവും നിര്‍വഹിച്ച് സംസാരിക്കുകയായിരുന്നു അദ്ദേഹം.
കമ്മ്യൂനിറ്റി സ്‌കില്‍ പാര്‍ക്കിന്റെ നിര്‍മ്മാണം മദിരശ്ശേരിയില്‍ എട്ട് മാസത്തിനുള്ളില്‍ പൂര്‍ത്തിയാക്കുമെന്നും വളര്‍ന്നു വരുന്ന യുവതലമുറയ്ക്ക് കമ്മ്യൂനിറ്റി സ്‌കില്‍ പാര്‍ക്കിലൂടെ മികച്ച തൊഴില്‍ പരിശീലനവും തൊഴിലും ലഭിക്കുമെന്നും മന്ത്രി പറഞ്ഞു. വികസന പ്രവര്‍ത്തനങ്ങള്‍ പുതിയൊരു തലത്തിലേക്ക് മാറുകയാണെന്നും സമഗ്ര വികസനമാണ് മണ്ഡലത്തില്‍ നടപ്പാക്കുന്നതെന്നും മന്ത്രി കൂട്ടിച്ചേര്‍ത്തു.
വെളളാഞ്ചേരി ഗവ.യു.പി സ്‌കൂളിന്റെ അധീനതയിലുള്ള അസാപിനായി അനുവദിച്ച 1.50 ഏക്കറിലാണ് പദ്ധതി നടപ്പിലാക്കുന്നത്. സംസ്ഥാനത്ത് 16 സ്‌കില്‍ പാര്‍ക്കുകള്‍ നിര്‍മ്മിക്കാനാണ് സര്‍ക്കാര്‍ ലക്ഷ്യം. ഇതിനോടകം ഒമ്പത് സ്‌കില്‍ പാര്‍ക്കുകള്‍ ആരംഭിച്ചിട്ടുണ്‍്.
അസാപിന്റെ സേവനങ്ങള്‍ ജനങ്ങള്‍ കൂടി ലഭ്യമാക്കുക എന്ന ലക്ഷ്യത്തോടെയാണ് കമ്മ്യൂനിറ്റി സ്‌കില്‍ പാര്‍ക്കുകള്‍ സംസ്ഥാനത്ത് നടപ്പിലാക്കുന്നത്. പ്രമുഖ വ്യവസായ സ്ഥാപനകളുമായി ചേര്‍ന്ന് പൊതു സ്വകാര്യ പങ്കാളിത്ത മാതൃകയില്‍ പ്രവര്‍ത്തിക്കുന്ന കമ്യൂനിറ്റി സ്‌കില്‍ പാര്‍ക്കുകളില്‍ ദേശീയ അന്തര്‍ദേശീയ നിലവാരമുള്ള കോഴ്‌സുകളില്‍ പരിശീലനം ലഭിക്കും.
ചടങ്ങില്‍ പൊന്നാനി ബ്ലോക്ക് പഞ്ചായത്ത് പ്രസിഡന്റ് കെ.ലക്ഷ്മി അധ്യക്ഷയായി. അസാപ് കമ്മ്യൂനിറ്റി സ്‌കില്‍ പാര്‍ക്ക് ഡിവിഷന്‍ ഹെഡ് ടി.വി വിനോദ് വിഷയാവതരണം നടത്തി. തവനൂര്‍ ഗ്രാമപഞ്ചായത്ത് പ്രസിഡന്റ് പി. പി അബ്ദുള്‍ നാസര്‍, വൈസ് പ്രസിഡന്റ് എം.കെ മിസിരിയ, മെമ്പര്‍മാരായ കെ.പി സുബ്രഹ്മണ്യന്‍, ടി.വി ശിവദാസ്, അസാപ് ജില്ലാ പ്രോഗ്രാം മാനേജര്‍ പി.അനീഷ്, മറ്റു ജനപ്രതിനിധികള്‍, രാഷ്ട്രീയ നേതാക്ക•ാര്‍, ഉദ്യോഗസ്ഥര്‍ തുടങ്ങിയവര്‍ പങ്കെടുത്തു.
- Log in to post comments