സംസ്ഥാന സര്‍ക്കാര്‍ കായിക വിദ്യാര്‍ത്ഥികളെ തെരഞ്ഞെടുക്കുന്നു

തിരുവനന്തപുരം ജി.വി. രാജ സ്‌പോര്‍ട്‌സ് സ്‌കൂളിലും കണ്ണൂര്‍ സ്‌പോര്‍ട്‌സ് ഡിവിഷനിലും 2020-2021 അധ്യയന വര്‍ഷത്തിലേക്ക് 6, 7 , 8, 9, പ്ലസ് വണ്‍/ വി.എച്ച്.എസ്.സി  എന്നീ ക്ലാസുകളിലേക്ക് പ്രവേശനം നല്‍കുന്നതിന് അത്‌ലറ്റിക്‌സ്, ബാസ്‌ക്കറ്റ് ബോള്‍, ഫുട്‌ബോള്‍, വോളിബോള്‍, തായ്‌ക്കോണ്ടോ, റസ്ലിംഗ്, ഹോക്കി, വെയ്റ്റ്‌ലിഫ്റ്റിംഗ്, ബോക്‌സിംഗ്, ജൂഡോ , ക്രിക്കറ്റ് (പെണ്‍കുട്ടികള്‍) എന്നീ കായിക ഇനങ്ങളില്‍ താല്‍പര്യമുള്ള കുട്ടികളെ തെരഞ്ഞെടുക്കുന്നതിന് സംസ്ഥാന കായിക യുവജന കാര്യാലയം വിവിധ കേന്ദ്രങ്ങളില്‍ ടാലന്റ് ഹണ്ട് സെലക്ഷന്‍ ട്രയല്‍ സംഘടിപ്പിക്കുന്നു. പ്രവേശനം ആഗ്രഹിക്കുന്ന കുട്ടികള്‍ ജനനതീയതി തെളിയിക്കുന്ന ഏതെങ്കിലും രേഖയും ജില്ലാ , സംസ്ഥാന ദേശീയ മത്സരങ്ങളില്‍ പങ്കെടുത്തതില്‍ ലഭിച്ചിട്ടുള്ള സര്‍ട്ടിഫിക്കറ്റുകളും ഫോട്ടോയുമായി ജില്ലയിലെ തെരഞ്ഞെടുപ്പ് കേന്ദ്രങ്ങളില്‍ നിശ്ചിത ദിവസം രാവിലെ 8ന് മുമ്പായി നേരിട്ട് എത്തണം. ജനുവരി 20ന് ജി.എച്ച്.എസ് അരീക്കുഴ, 21ന് ജി.എച്ച്.എസ്.എസ് രാജാക്കാട് ( ഫോണ്‍ 04868 242482), 22ന് വി.എച്ച്.എസ്.എസ് നെടുങ്കണ്ടം ( ഫോണ്‍ 04868 232094), 23ന് പി.എച്ച്.എസ്.എസ് ഏലപ്പാറ ( ഫോണ്‍ 04869  242329), 24ന് ഏകലവ്യ മോഡല്‍ റസിഡന്‍ഷ്യല്‍ സ്‌കൂള്‍ എന്നിവയാണ് തെരഞ്ഞെടുപ്പ് കേന്ദ്രങ്ങള്‍.    ടാലന്റ് ഹണ്ട് സെലക്ഷന്‍ ട്രയല്‍സില്‍ പങ്കെടുക്കാന്‍ താല്‍പര്യമുള്ളവര്‍ക്ക് http://gvrsportsschool.org/talenthunt    എന്ന ലിങ്കില്‍ ഓണ്‍ലൈനായി മുന്‍കൂട്ടി രജിസ്റ്റര്‍ ചെയ്യാം. കൂടുതല്‍ വിവരങ്ങള്‍ക്ക്  ഫോണ്‍ 8281368778.