തുണിസഞ്ചി, പേപ്പര്‍ബാഗ്, സ്‌ക്രീന്‍പ്രിന്റിങ് പരിശീലനം തുടങ്ങി 

കോഴിക്കോട് ജില്ലാ പഞ്ചായത്ത് സ്‌കില്‍ ഡവലപ്മെന്റ് സെന്ററില്‍ തുണിസഞ്ചി, പേപ്പര്‍ബാഗ്, സ്‌ക്രീന്‍പ്രിന്റിങ് പരിശീലനം പ്രൊഫ. കെ. ശ്രീധരന്‍ ഉദ്ഘാടനം ചെയ്തു. 30 പേരുള്ള ആദ്യബാച്ചിന്റെ ഉദ്ഘാടനമാണ് നടന്നത്. ബിഗ്ഷോപ്പര്‍, തുണികൊണ്ടുള്ള ലേഡീസ്ബാഗ് കം പേഴ്സ്, ചണസഞ്ചി, സാധാരണ തുണിസഞ്ചി, പേപ്പര്‍ കൊണ്ടുള്ള വിവിധ കാരിബേഗുകള്‍ എന്നിവയുടെ നിര്‍മാണ പരിശീലനമാണ് നല്‍കുന്നത്. അഞ്ച് ദിവസമാണ് പരിശീലനം. പ്ലാസ്റ്റിക് ബാഗ് നിരോധിച്ചുകൊണ്ടുള്ള സര്‍ക്കാര്‍ ഉത്തരവ് വിജയിപ്പിക്കുന്നതിന്റെ ഭാഗമായാണ് പരിശീലനം സംഘടിപ്പിച്ചിരിക്കുന്നത്. അടുത്ത ബാച്ച് ജനുവരി 28 ന് ആരംഭിക്കും. താല്‍പര്യമുള്ളവര്‍ക്ക് രജിസ്റ്റര്‍ ചെയ്യാം.   ഫോണ്‍: 0495 2370026