സഹവാസ ക്യാമ്പ് തുടങ്ങി
വനിതാ ശിശുവികസന വകുപ്പിന്റെ കീഴില്‍ ജില്ലാ ശിശുസംരക്ഷണ യൂണിറ്റ് ഔവ്വര്‍ റെസ്‌പോണ്‍സിബിലിറ്റി ടു ചില്‍ഡ്രന്‍ പദ്ധതിയുടെ നേതൃത്വത്തില്‍ ത്രിദിന സ്മാര്‍ട്ട് 40 സഹവാസ ക്യാമ്പ് തലപ്പുഴ ഗവ.ഹയര്‍സെക്കണ്ടറി സ്‌കൂളില്‍ തുടങ്ങി. ജില്ലാ പഞ്ചായത്ത് വൈസ് പ്രസിഡന്റ് പി.കെഅസ്മത്ത് ഉദ്ഘാടനം ചെയ്തു. കുട്ടികളുടെ കഴിവുകള്‍, അഭിരുചികള്‍, മനോഭാവം തുടങ്ങിയവ തിരിച്ചറിയുന്നതിനും പരിപോഷിപ്പിക്കുന്നതിനും വെല്ലുവിളികള്‍ ഏറ്റെടുത്തുകൊണ്ട് കൂട്ടായ്മയോടെ പരിഹരിക്കുന്നതിനുമുള്ള ആത്മവിശ്വാസം പ്രദാനം ചെയ്യുക എന്ന ലക്ഷ്യത്തോടെയുള്ളതാണ് ക്യാമ്പ്. സ്‌കൂള്‍പിറ്റി.എ പ്രസിഡന്റ് വി.ടി.ഷാജി അദ്ധ്യക്ഷത വഹിച്ചു. ജില്ലാ ശിശുസംരക്ഷണ ഓഫീസര്‍ കെ.കെ പ്രജിത്ത് ക്യാമ്പ് വിശദീകരണം നടത്തി. പ്രിന്‍സിപ്പാള്‍ പി.ഹരിദാസന്‍, ഓ.ആര്‍.സി സൈക്കോളജിസ്റ്റ് ഹരിത പോള്‍ഡോ എം.എ.ശ്രീനിവാസന്‍,നോഡല്‍ ടീച്ചര്‍ ജ്യോതിലക്ഷ്മി, കെ.പി.റെജി, ടി.എം.മുബീന എന്നിവര്‍ സംസാരിച്ചു.
- Log in to post comments