Post Category
കോവിഡ് 19 അരിപ്പ: സൗജന്യ റേഷന് നല്കും - മന്ത്രി കെ രാജു
അരിപ്പയില് കുടില്കെട്ടി സമരം ചെയ്യുന്നവര്ക്ക് കൂടി സൗജന്യ റേഷന് വിതരണം ചെയ്യുമെന്ന് മന്ത്രി കെ രാജു അറിയിച്ചു. ഒരാള് പോലും പട്ടിണി കിടക്കരുതെന്ന സര്ക്കാര് തീരുമാനത്തിന്റെ അടിസ്ഥാനത്തിലാണ് നടപടി. വീഡിയോ കോണ്ഫറന്സിലൂടെ ജില്ലയിലെ കോവിഡ് 19 പ്രതിരോധ നടപടികള് അവലോകനം ചെയ്യുകയായിരുന്നു മന്ത്രി. ഇവരുടെ നിലവിലുള്ള റേഷന് കാര്ഡുകളോ ആധാര് കാര്ഡുകളോ പരിശോധിച്ച് റേഷന് ക്രമീകരണം നടത്തുന്നതിന് പുനലൂര് ആര് ഡി ഒ, ജില്ലാ സപ്ലൈ ഓഫീസര് എന്നിവരെ ചുമതലപ്പെടുത്തിയതായി ജില്ലാ കലക്ടര് ബി അബ്ദുല് നാസര് അറിയിച്ചു.
date
- Log in to post comments