കോവിഡ് 19 കൊറോണ കെയര്‍ സെന്ററുകള്‍  122 ആയി ഉയര്‍ത്തി

കോവിഡ് 19 നിയന്ത്രണത്തിന്റെ ഭാഗമായി 122 കൊറോണ കെയര്‍ സെന്ററുകളിലായി ഒറ്റയ്ക്ക് കഴിയുന്നതിന് കിടക്ക സൗകര്യമുള്ള 3,351 മുറികളാണ് ഇവിടെ സജ്ജീകരിച്ചിട്ടുള്ളത്. എല്ലാ മുറികളും പൂര്‍ണ സജ്ജമായിട്ടുണ്ട്. ഇന്നലെ  11 സെന്ററുകളിലായി 179  പേര്‍ മാത്രമേ ഐസൊലേഷനില്‍ ഉള്ളൂ. മറ്റു സംസ്ഥാനങ്ങളില്‍ നിന്നും ജില്ലകളില്‍ നിന്നും എത്തുന്നവരെയാണ് കൊറോണ കെയര്‍ സെന്ററുകളില്‍ നേരിട്ട് പ്രവേശിപ്പിക്കുന്നത്. ഇവര്‍ 14 ദിവസം നിരീക്ഷണത്തില്‍  തുടരണം. ആരോഗ്യ തദ്ദേശ സ്വയംഭരണ വകുപ്പുകളും ജില്ലാ ഭരണകൂടവും സംയുക്തമായി ചുരുങ്ങിയ സമയത്തിനുള്ളില്‍ ദൗത്യം പൂര്‍ത്തിയാക്കുകയായിരുന്നു. ഇനി 3,173 റൂമുകള്‍ ഒഴിവുണ്ട്. രോഗപരിചരണം, ഭക്ഷണം, അനുബന്ധ സൗകര്യങ്ങള്‍ തുടങ്ങിയവ  കുറ്റമറ്റ രീതിയില്‍ ഏര്‍പ്പെടുത്തിയിട്ടുണ്ടെന്നും ജില്ലാ കലക്ടര്‍ ബി അബ്ദുല്‍ നാസര്‍ അറിയിച്ചു.