‘ആരോഗ്യമുള്ള നാടിന് വൃത്തിയുള്ള വീട്’ ഹരിതകേരളം മിഷന് ചലഞ്ച് തീയതി നീട്ടി
ലോക്ക് ഡൗണ് കാലത്ത് ഗാര്ഹിക മാലിന്യ സംസ്കരണം മുന്നിര്ത്തി ഹരിത കേരളം മിഷന് സംഘടിപ്പിക്കുന്ന ‘ആരോഗ്യമുള്ള നാടിന് വൃത്തിയുള്ള വീട്’ ചലഞ്ചില് പങ്കെടുക്കാനുള്ള തീയതി മെയ് 15 വരെ നീട്ടി.
ചാലഞ്ച് ഏറ്റെടുക്കുന്നവരുടെ വീടുകളില് മാലിന്യ സംസ്കരണത്തിന്റെ മികവ് എത്രത്തോളമെന്ന് വിലയിരുത്തി ഗ്രേഡ് ചെയ്യാനുള്ള മാനദണ്ഡങ്ങള് ഹരിതകേരളം മിഷന് ഫേസ്ബുക്ക് വഴിയും വെബ്സൈറ്റിലും പ്രസിദ്ധീകരിച്ചിട്ടുണ്ട്. വീടുകളിലെ മാലിന്യ സംസ്കരണത്തിനായുള്ള മാര്ഗങ്ങളും മിഷന്റെ ഫേസ് ബുക്ക് പേജില് ലഭ്യമാണ്. മേയ് രണ്ടാം വാരം ഫൈനല് ഗ്രേഡിങ് നടത്താം. ലഭിച്ച സ്റ്റാറുകള് ഹരിതകേരളം മിഷനെ അറിയിക്കാം. ഇതില് നിന്നും നറുക്കെടുപ്പിലൂടെ വിജയികളാവുന്നവര്ക്ക് സമ്മാനം നല്കും. വീട്ടിലുള്ള മാലിന്യ സംസ്കരണ സംവിധാനങ്ങള്, തരംതിരിക്കുന്ന രീതികള്, ഫോട്ടോകള്, സെല്ഫികള് തുടങ്ങിയവയും ഇതോടൊപ്പം പങ്കുവയ്ക്കാം. അവരവരുടെ ഫേസ്ബുക് പേജില് #MyHomeCleanHome എന്ന ഹാഷ് ടാഗോടു കൂടി ചിത്രങ്ങള്/ വിവരണങ്ങള്/വീഡിയോ എന്നിവ പോസ്റ്റ് ചെയ്യണം. കൂടുതല് വിവരങ്ങള് ഹരിതകേരളം മിഷന് ഔദ്യോഗിക ഫേസ് ബുക്ക് പേജില് ലഭിക്കും.
(പി.ആര്.കെ. നമ്പര്. 1284/2020)
- Log in to post comments