സംയോജിത കൃഷി ഹരിതകേരളം മിഷന് ഫേസ്ബുക്ക് ലൈവ് ഇന്ന്(മേയ് 7)
സംയോജിത കൃഷി വിഷയമാക്കി ഹരിതകേരളം മിഷന് ഫേസ്ബുക്ക് ലൈവ് സംഘടിപ്പിക്കുന്നു. ഇന്ന്(മേയ് 7) ഉച്ച കഴിഞ്ഞ് മൂന്നു മുതല് നാലു വരെയാണ് പരിപാടി. സംയോജിത കൃഷി രീതികള്, ഇതിന് അനുവര്ത്തിക്കേണ്ട മാര്ഗങ്ങള്, വിത്ത് തയ്യാറാക്കല്, വളപ്രയോഗം തുടങ്ങി എല്ലാ കാര്യങ്ങള്ക്കും വിശദമായ സംശയനിവാരണം ഫേസ്ബുക്ക് ലൈവിലൂടെ നല്കും. ഹരിതകേരളം മിഷന് എക്സിക്യുട്ടീവ് വൈസ് ചെയര്പേഴ്സണ് ഡോ ടി എന് സീമ, കാര്ഷിക സര്വകലാശാലയുടെ കീഴിലുള്ള ഇന്റഗ്രേറ്റഡ് ഫാമിംഗ് സിസ്റ്റംസ് റിസര്ച്ച് സ്റ്റേഷനിലെ വിവിധ വകുപ്പ് മേധാവികളും വിദഗ്ധരുമായ ഡോ ജേക്കബ് ജോണ്, ഡോ എ സജീന, കെ എസ് ഹിരോഷ് കുമാര്, ഹരിതകേരളം മിഷനിലെ കൃഷി ഉപമിഷന് കണ്സള്ട്ടന്റ് എസ് യു സഞ്ജീവ്, ടെക്നിക്കല് ഓഫീസര് വി വി ഹരിപ്രിയാദേവി എന്നിവരാണ് പരിപാടിയില് പങ്കെടുക്കുന്നത്. www.facebook.com/harithakeralamission പേജ് സന്ദര്ശിച്ച് ലൈവ് കാണാവുന്നതാണ്. കൊറോണ കാലത്ത് പച്ചക്കറി കൃഷി ചെയ്യാനും തരിശുനില കൃഷിക്ക് പ്രോത്സാഹനം നല്കാനുമുള്ള മുഖ്യമന്ത്രിയുടെ നിര്ദേശത്തെതുടര്ന്ന് സംസ്ഥാനത്ത് കാര്ഷിക മേഖലയില് ജനങ്ങള്ക്കുണ്ടായ പ്രത്യേക താത്പര്യം മുന്നിര്ത്തിയാണ് ഫേസ്ബുക്ക് ലൈവ് സംഘടിപ്പിക്കുന്നതെന്ന് ഹരിതകേരളം മിഷന് എക്സിക്യുട്ടീവ് വൈസ്ചെയര്പേഴ്സണ് ഡോ ടി എന് സീമ അറിയിച്ചു. ഇതിനോടകം മൈക്രോഗ്രീന് കൃഷി, കിഴങ്ങുവര്ഗ വിളകളുടെ കൃഷി തുടങ്ങിയ വിഷയങ്ങളെ അടിസ്ഥാനമാക്കി ഹരിതകേരളം മിഷന് സംഘടിപ്പിച്ച ഫേസ്ബുക്ക് ലൈവുകള്ക്ക് വന് സ്വീകാര്യതയാണ് ലഭിച്ചത്. പച്ചക്കറി കൃഷിയെ അടിസ്ഥാനമാക്കിയുള്ള ഫേസ്ബുക്ക് ലൈവും വൈകാതെ സംഘടിപ്പിക്കും.
(പി.ആര്.കെ. നമ്പര്. 1311/2020)
- Log in to post comments