കൊറോണ കൺട്രോൾ റൂം, കാക്കനാട്,

കൊറോണ കൺട്രോൾ റൂം, കാക്കനാട്,
                                എറണാകുളം, 6/5/20

ബുള്ളറ്റിൻ - 5 PM
•    ഇന്ന് (6/5/20) 76 പേരെ കൂടി ജില്ലയിൽ പുതുതായി വീടുകളിൽ നിരീക്ഷണത്തിലാക്കി. നിരീക്ഷണ കാലയളവ് അവസാനിച്ച 224 പേരെ നിരീക്ഷണ പട്ടികയിൽ നിന്നും ഒഴിവാക്കുകയും ചെയ്തു. ഇതോടെ ജില്ലയിൽ വീടുകളിൽ നിരീക്ഷണത്തിൽ ഉള്ളവരുടെ ആകെ എണ്ണം  360  ആയി. ഇതിൽ 13  പേർ ഹൈറിസ്ക്ക് വിഭാഗത്തിൽ ഉൾപ്പെട്ടതിനാൽ 28 ദിവസത്തെ നിരീക്ഷണത്തിലും, 347 പേർ ലോ റിസ്ക് വിഭാഗത്തിൽ ഉൾപ്പെട്ടതിനാൽ 14 ദിവസത്തെ നിരീക്ഷണത്തിലും ആണ്.

•    ഇന്ന് 4 പേരെ പുതുതായി സ്വകാര്യ ആശുപത്രിയിൽ നിരീക്ഷണത്തിനായി പ്രവേശിപ്പിച്ചു. 

•    ഇന്ന് സ്വകാര്യ ആശുപത്രിയിൽ നിരീക്ഷണത്തിൽ ഉണ്ടായിരുന്ന 2 പേരെ ഡിസ്ചാർജ്  ചെയ്തു. 

•    ജില്ലയിൽ വിവിധ ആശുപത്രികളിൽ നിരീക്ഷണത്തിലുള്ളവരുടെ എണ്ണം  13 ആണ്
o    കളമശ്ശേരി മെഡിക്കൽ കോളേജ് – 2
o    ആലുവ ജില്ലാ ആശുപത്രി-   1
o    കരുവേലിപ്പടി താലൂക്ക് ആശുപത്രി – 1
o    സ്വകാര്യ ആശുപത്രികൾ -  9     

•    ഇന്ന് ജില്ലയിൽ നിന്നും 37 സാമ്പിളുകൾ കൂടി പരിശോധനയ്ക്ക് അയച്ചിട്ടുണ്ട്.  ഇന്ന്  44 പരിശോധന ഫലങ്ങളാണ് ലഭിച്ചത്. ഇവയെല്ലാം തന്നെ നെഗറ്റീവ് ആണ്. ഇതിൽ 21 എണ്ണം സമൂഹ വ്യാപനം ഉണ്ടോ എന്നറിയാനായി ഫീൽഡിൽ നിന്നും എടുത്ത സാമ്പിളുകളിലൂടെ പരിശോധന ഫലമാണ്.. ഇനി 40 സാമ്പിൾ ഫലങ്ങൾ കൂടി ലഭിക്കാനുണ്ട്. .

•    കോവിഡ് പ്രതിരോധ പ്രവർത്തനങ്ങളുടെ ഭാഗമായി പള്ളുരുത്തി താലൂക്ക് ആശുപത്രി. ഇടക്കൊച്ചി, മൂലംകുഴി എന്നീ നഗരാരോഗ്യ കേന്ദ്രങ്ങളിലെയും ഡോക്ടർമാർ  ഉൾപ്പെടെയുള്ള   ജീവനക്കാർക്കും, കുമ്പളങ്ങി സാമൂഹികാരോഗ്യകേന്ദ്രത്തിലെ ആരോഗ്യ പ്രവർത്തകർക്കും, പിറവം നഗരസഭ പ്രദേശത്തെ  അതിഥി തൊഴിലാളികൾക്കും, മാലിപ്പുറം ,വരാപ്പുഴ, ചേരാനല്ലൂർ, കുമ്പളങ്ങി, രായമംഗലം  മൂവാറ്റുപുഴ ജനറൽ ആശുപത്രി എന്നിവിടങ്ങളിലെ ഓ.പി വിഭാഗത്തിൽ വന്ന പൊതുജനങ്ങൾക്കും ബോധവൽക്കരണ പരിപാടികൾ സംഘടിപ്പിച്ചു.

•    ഇന്ന്  752 കോളുകൾ ആണ് കൺട്രോൾ റൂമിൽ ലഭിച്ചത്. ഇതിൽ 447 കോളുകൾ പൊതുജനങ്ങളിൽ  നിന്നുമായിരുന്നു. മറ്റു സംസ്ഥാനങ്ങളിൽ നിന്നും പാസ് ലഭിച്ചു വരുന്നവർ ചെക്ക്പോസ്റ്റുകളിലുള്ള നടപടിക്രമങ്ങൾ  അറിയുന്നതിനെകുറിച്ചും, കേരളത്തിലെത്തിയ ശേഷം നിരീക്ഷണത്തിൽ കഴിയുന്നതിനെക്കുറിച്ചുള്ള   മാർഗനിർദ്ദേശ്ശങ്ങളെക്കുറിച്ച്  അറിയുവാനും വിളികളെത്തി  ലോക്കഡൗണിൽ കേരളത്തിൽപെട്ടുപോയ മറ്റ് സംസ്ഥാനങ്ങളിൽ നിന്നുള്ളവർ തങ്ങൾക്ക് തിരിച്ചു പോകുവാൻ ട്രെയിൻ സൗകര്യം എന്നു മുതൽ ലഭ്യമാകും എന്ന്  അറിയാനും വിളികൾ എത്തി. 

•    വാർഡ് തലങ്ങളിൽ പ്രവർത്തിക്കുന്ന ആരോഗ്യ പ്രവർത്തകരുടെ സംഘങ്ങൾ ഇന്ന്   4798  വീടുകൾ സന്ദർശിച്ചു ബോധവൽക്കരണം നടത്തി. വീടുകളിൽ നിരീക്ഷണത്തിൽ കഴിയുന്നവരുമായി ഫോൺ വഴി ബന്ധപ്പെട്ട് ആരോഗ്യ സ്ഥിതിയും വിലയിരുത്തി വരുന്നു.

•    അതിഥി ദേവോ ഭവ പരിപാടിയുടെ ഭാഗമായുള്ള മെഡിക്കൽ ടീം അതിഥി തൊഴിലാളികളുടെ ക്യാമ്പുകൾ സന്ദർശിച്ച് 174 പേരെ പരിശോധിച്ചതിൽ 5 പേർക്ക് പനി , ചുമ എന്നീ രോഗലക്ഷണങ്ങൾ കണ്ടതിനെ തുടർന്ന് അടുത്തുള്ള പ്രാഥമിക ആരോഗ്യ കേന്ദ്രത്തിൽനിന്ന് വൈദ്യസഹായം ലഭ്യമാക്കി.

•    ജില്ലയിലെ കോവിഡ് കെയർ സെന്ററുകളിൽ ഇന്ന് പുതിയതായി 4 പേരെ പ്രവേശിപ്പിച്ചു. ഇവിടങ്ങളിൽ നിരീക്ഷണത്തിലുണ്ടായിരുന്ന 10 പേരെ ഇന്ന് വിട്ടയച്ചു.നിലവിൽ  നിരീക്ഷണത്തിലുള്ളവരുടെ എണ്ണം 47 ആണ്. ഇതിൽ 45 പേർ തൃപ്പൂണിത്തുറ കോവിഡ് കെയർ സെന്ററിലും, 2 പേർ സ്വകാര്യ ഹോട്ടലിലുമാണ്.

•    ഇന്ന് ജില്ലയിലെ പ്രധാന മാർക്കറ്റുകളിൽ 120 ചരക്കു ലോറികൾ എത്തി. അതിൽ വന്ന 150   ഡ്രൈവർമാരുടെയും  ക്ളീനർമാരുടെയും വിവരങ്ങൾ ശേഖരിച്ചു. ഇതിൽ  79  പേരെ കൺട്രോൾ റൂമിൽ നിന്നും ഫോൺ വഴി ബന്ധപ്പെട്ട് വിവരങ്ങൾ ശേഖരിച്ചു. ആരിലും രോഗലക്ഷണങ്ങൾ ഇല്ല.

•    ഇന്ന് ജില്ലയിൽ 94 കമ്മ്യൂണിറ്റി കിച്ചനുകൾ പ്രവർത്തിച്ചു. ഇതിൽ   76 എണ്ണം പഞ്ചായത്തുകളിലും,18 എണ്ണം നഗരസഭകളിലുമാണ്. ഇവിടങ്ങൾ വഴി 5041 പേർക്ക് ഫുഡ് കിറ്റുകൾ നൽകി. ഇതിൽ 588 പേർ ഇതര സംസ്ഥാന തൊഴിലാളികൾ ആണ്.

•    ജില്ലാ മാനസികാരോഗ്യ പരിപാടിയുടെ നേതൃത്വത്തിൽ ഇന്ന് നിരീക്ഷണത്തിൽ കഴിയുന്ന 134 പേർക്ക് കൗൺസലിംഗ് നൽകി. ഇത് കൂടാതെ കൺട്രോൾ റൂമിലേക്ക് വിളിച്ച   24  പേർക്കും ഇത്തരത്തിൽ കൗൺസലിംഗ് നൽകി.

•    ഐ.എം.എ ഹൗസിൽ പ്രവർത്തിക്കുന്ന ടെലി ഹെൽത്ത് ഹെൽപ്പ് ലൈൻ സംവിധാനത്തിൽ നിന്ന് വീഡിയോ കോൾ വഴി ഇന്ന് നിരീക്ഷണത്തിൽ കഴിയുന്ന 5  പേർക്ക് സേവനം നൽകി. ഇവർ ഡോക്ടറുമായി നേരിൽ കണ്ട് സംസാരിക്കുകയും ആശങ്കകൾ പരിഹരിക്കുകയും ചെയ്തു.

•    വീടുകളിൽ നിരീക്ഷണത്തിലുള്ള 5 ഗർഭിണികളുടെ ആരോഗ്യ വിവരങ്ങൾ  ആരോഗ്യപ്രവത്തകർ ഫോൺ വഴി ശേഖരിച്ചു. ആവശ്യമായ നിർദ്ദേശങ്ങൾ നൽകി.  

•    ലോക്ക് ഡൗണിൽ ഇളവുകൾ പ്രഖാപിച്ച സാഹചര്യത്തിൽ തുറന്ന് പ്രവർത്തിക്കുന്ന സ്ഥപനങ്ങൾ പ്രതിരോധ പ്രവർത്തങ്ങളുടെ  മാനദണ്ഡങ്ങൾ പാലിക്കുന്നുണ്ടോ എന്നറിയാനായി രൂപീകരിച്ച എൻഫോഴ്സ്മെന്റ സ്ക്വാഡ് കൊച്ചി നഗരസഭ പ്രദേശത്ത് ഇന്ന് 117 സ്ഥാപനങ്ങൾ പരിശോധിച്ചു. ജീവനക്കാർ മാസ്ക്ക് ധരിക്കാത്തതിന്  സ്ഥാപനങ്ങൾക്കെതിരെയും, സാമൂഹിക അകലം പാലിക്കാത്തതിനും, ഇടപാടുകാർക്ക് സാനിറ്റൈസർ നല്കാത്തതിനും 11 സ്ഥാപനങ്ങൾക്കെതിരെ നടപടിക്ക് ശുപാർശ  ചെയ്യുകയും, ബോധവത്ക്കരണം നൽകുകയും  ചെയ്തു.

•    കൊച്ചി തുറമുഖത്ത് 2 കപ്പലുകളിലെ 41 ജീവനക്കാരെയും  പരിശോധിച്ചതിൽ ആർക്കും തന്നെ  രോഗലക്ഷണങ്ങൾ ഇല്ല.
DATA UPDATE        
    
Home quarantine new                                           76
No. of persons released from home quarantine         224
Home quarantine total                                             360
                
New Hospital isolation today        4 (Pvt-4)
Discharge from Isolation         2 (Pvt-2)
Hospital isolation total            13 (GMC-2, DH Aluva -1, Karuvelipady GMTH-1 , Pvt -9 )
                
Positive case today                         Nil
Total positive case till date            25
Total positive cases under treatment         0
                
Sample sent today         37
Results received today        44 (23 routine sample & 21 surveillance)
Results awaiting         40
                
No. of Covid Care Centres/Short Stay Homes         36
Total persons  quarantined at Covid  Care Centres     47
                
Total calls received at Call centre         752
                                              
    

                                    ജില്ലാ കളക്ടർ, 
                                    എറണാകുളം
ജില്ലാ കൺട്രോൾ റൂം നമ്പർ : 0484 2368802