വീട്ടുവളപ്പിലെ പച്ചക്കറി കൃഷി ഹരിതകേരളം മിഷന്‍ ഫേസ്ബുക്ക് ലൈവ് ഇന്ന് (മേയ് 9)
വീട്ടുവളപ്പിലെ പച്ചക്കറി കൃഷി വിഷയമാക്കി ഹരിതകേരളം മിഷന്‍ ഫേസ്ബുക്ക് ലൈവ് സംഘടിപ്പിക്കുന്നു. ഇന്ന്(മേയ് 9 ന്) ഉച്ചകഴിഞ്ഞ് മൂന്നു മുതല്‍ 4.30 വരെയാണ് പരിപാടി. വീട്ടുവളപ്പിലെ പച്ചക്കറി കൃഷി രീതികള്‍, ഇതിന് അനുവര്‍ത്തിക്കേണ്ട മാര്‍ഗങ്ങള്‍, വിത്ത് തയ്യാറാക്കല്‍, മണ്ണൊരുക്കല്‍, തൈ ഒരുക്കല്‍, വളപ്രയോഗം തുടങ്ങി എല്ലാ കാര്യങ്ങള്‍ക്കും വിശദമായ സംശയനിവാരണം ഫേസ്ബുക്ക് ലൈവിലൂടെ നല്‍കും. ഹരിതകേരളം മിഷന്‍ എക്സിക്യുട്ടീവ് വൈസ് ചെയര്‍പേഴ്സണ്‍ ഡോ ടി എന്‍ സീമ, കാര്‍ഷിക സര്‍വകലാശാലയിലെ വിവിധ വകുപ്പ് മേധാവികളും വിദഗ്ധരുമായ ഡോ എം ജോയ്, ഡോ ശാരദ, ഡോ എന്‍ എസ് രാധിക, ഡോ അമ്പിളി പോള്‍, ഡോ വിശ്വേശ്വരന്‍, ഹരിതകേരളം മിഷനിലെ കൃഷി ഉപമിഷന്‍ കണ്‍സള്‍ട്ടന്റ് എസ് യു സഞ്ജീവ് എന്നിവരാണ് പരിപാടിയില്‍ പങ്കെടുക്കുന്നത്. www.facebook.com/harithakeralamission പേജ് സന്ദര്‍ശിച്ച് ലൈവ് കാണാവുന്നതാണ്. കൊറോണ കാലത്ത് പച്ചക്കറി കൃഷി ചെയ്യാനും തരിശുനില കൃഷിക്ക് പ്രോത്സാഹനം നല്‍കാനുമുള്ള മുഖ്യമന്ത്രിയുടെ നിര്‍ദ്ദേശത്തെതുടര്‍ന്ന് സംസ്ഥാനത്ത് കാര്‍ഷിക മേഖലയില്‍ ജനങ്ങള്‍ക്കുണ്ടായ പ്രത്യേക താത്പര്യം മുന്‍നിര്‍ത്തിയാണ് ഫേസ്ബുക്ക് ലൈവ് സംഘടിപ്പിക്കുന്നതെന്ന് ഹരിതകേരളം മിഷന്‍ എക്സിക്യുട്ടീവ് വൈസ് ചെയര്‍പേഴ്സണ്‍ ഡോ ടി എന്‍ സീമ അറിയിച്ചു.
(പി.ആര്‍.കെ. നമ്പര്‍. 1328/2020)
- Log in to post comments