കൊറോണ കൺട്രോൾ റൂം, കാക്കനാട്,                                 എറണാകുളം, 13/5/20

കൊറോണ കൺട്രോൾ റൂം, കാക്കനാട്,
                                എറണാകുളം, 13/5/20

ബുള്ളറ്റിൻ - 5.30 PM
•    ഇന്ന് (13/5/20) 372 പേരെ കൂടി ജില്ലയിൽ പുതുതായി വീടുകളിൽ നിരീക്ഷണത്തിലാക്കി. നിരീക്ഷണ കാലയളവ് അവസാനിച്ച 37 പേരെ നിരീക്ഷണ പട്ടികയിൽ നിന്നും ഒഴിവാക്കുകയും ചെയ്തു. ഇതോടെ ജില്ലയിൽ വീടുകളിൽ നിരീക്ഷണത്തിൽ ഉള്ളവരുടെ ആകെ എണ്ണം 2481 ആയി. ഇതിൽ 19  പേർ ഹൈറിസ്ക്ക് വിഭാഗത്തിലും, 2462 പേർ ലോ റിസ്ക് വിഭാഗത്തിലുമാണ്.

•    ഇന്ന് 13 പേരെ പുതുതായി ആശുപത്രിയിൽ നിരീക്ഷണത്തിനായി പ്രവേശിപ്പിച്ചു. 
    കളമശ്ശേരി മെഡിക്കൽ കോളേജ്-  6 
    സ്വകാര്യ ആശുപത്രികൾ -  7 

•    ഇന്ന്  വിവിധ ആശുപത്രികളിൽ നിരീക്ഷണത്തിൽ കഴിഞ്ഞിരുന്ന 25 പേരെ ഡിസ്ചാർജ് ചെയ്തു.
    കളമശ്ശേരി മെഡിക്കൽ കോളേജ് – 4 
    കരുവേലിപ്പടി താലൂക്ക് ആശുപത്രി – 2  
    സ്വകാര്യ ആശുപത്രികൾ - 19 

•    ജില്ലയിൽ വിവിധ ആശുപത്രികളിൽ നിരീക്ഷണത്തിലുള്ളവരുടെ എണ്ണം 33  ആണ്.
    കളമശ്ശേരി മെഡിക്കൽ കോളേജ് – 17 
    കരുവേലിപ്പടി താലൂക്ക് ആശുപത്രി – 1  
    സ്വകാര്യ ആശുപത്രികൾ - 15 

•    ഇന്ന് ജില്ലയിൽ നിന്നും 43 സാമ്പിളുകൾ കൂടി പരിശോധനയ്ക്ക് അയച്ചിട്ടുണ്ട്.  ഇന്ന് 45 പരിശോധന ഫലങ്ങളാണ് ലഭിച്ചത്. ഇതെല്ലാം നെഗറ്റീവ്  ആണ്. ഇനി 50  ഫലങ്ങൾ കൂടി ലഭിക്കുവാനുണ്ട്.

•    കോവിഡ് പ്രതിരോധ പ്രവർത്തനങ്ങളുടെ ഭാഗമായി വേങ്ങൂർ സാമൂഹികാരോഗ്യ കേന്ദ്രത്തിലേയും,  ഒക്കൽ, അശമന്നൂർ, മുടക്കുഴ, രായമംഗലം എന്നിവിടങ്ങളിലെ പ്രാഥമികാരോഗ്യ കേന്ദ്രങ്ങളിലെയും ,  ഡോക്ടർമാരുൾപ്പെടെയുള്ള ജീവനക്കാർക്ക് പരിശീലനം നടത്തി. വേങ്ങൂർ, ഒക്കൽ എന്നിവിടങ്ങളിലെ കൊറോണ കെയർ സെന്ററുകളിൽ സേവനം അനുഷ്ഠിക്കുന്ന വോളന്റിയര്മാര്ക്കും പ്രതിരോധ മാർഗങ്ങളിൽ പരിശീലനം നൽകി. കൊറോണ കെയർ സെന്ററുകൾ ആയി തിരഞ്ഞെടുത്തിട്ടുള്ള ഹോട്ടലുകളിലെ മാനേജർമാർക്കും വീഡിയോ കോൺഫറൻസ് വഴി പരിശീലനം നൽകി.

•    ഇന്ന് 735 കോളുകൾ ആണ് കൺട്രോൾ റൂമിൽ ലഭിച്ചത്. ഇതിൽ 225 കോളുകൾ പൊതുജനങ്ങളിൽ നിന്നുമായിരുന്നു. പാസ്സിന്റെ ലഭ്യത, ചെക്ക്പോസ്റ്റുകളിലുള്ള നടപടിക്രമങ്ങൾ, കോവിഡ് കെയർ സെന്ററുകളുടെ വിവരങ്ങൾ അറിയുന്നതിനും, കേരളത്തിലേക്കുള്ള ട്രെയിൻ സർവീസുകളെ കുറിച്ചും, നിരീക്ഷണത്തെ കുറിച്ച് അറിയുന്നതിനുമായിരുന്നു കൂടുതൽ വിളികളും.    

•    വാർഡ് തലങ്ങളിൽ പ്രവർത്തിക്കുന്ന ആരോഗ്യ പ്രവർത്തകരുടെ സംഘങ്ങൾ ഇന്ന് 5321 വീടുകൾ സന്ദർശിച്ചു ബോധവൽക്കരണം നടത്തി. വീടുകളിൽ നിരീക്ഷണത്തിൽ കഴിയുന്നവരുമായി ഫോൺ വഴി ബന്ധപ്പെട്ട് ആരോഗ്യ സ്ഥിതിയും വിലയിരുത്തി വരുന്നു.

•    ഇന്ന് ജില്ലയിലെ പ്രധാന മാർക്കറ്റുകളിൽ 116 ചരക്കു ലോറികൾ എത്തി. അതിൽ വന്ന 91  ഡ്രൈവർമാരുടെയും ക്ളീനർമാരുടെയും വിവരങ്ങൾ ശേഖരിച്ചു. ഇതിൽ 68 പേരെ കൺട്രോൾ റൂമിൽ നിന്നും ഫോൺ വഴി ബന്ധപ്പെട്ട് വിവരങ്ങൾ ശേഖരിച്ചു. ആരിലും രോഗലക്ഷണങ്ങൾ ഇല്ല.

•    ഇന്ന് ജില്ലയിൽ 91 കമ്മ്യൂണിറ്റി കിച്ചനുകൾ പ്രവർത്തിച്ചു. ഇതിൽ   71 എണ്ണം പഞ്ചായത്തുകളിലും, 20 എണ്ണം നഗരസഭകളിലുമാണ്. ഇവിടങ്ങൾ വഴി  4428 പേർക്ക് ഫുഡ് കിറ്റുകൾ നൽകി. ഇതിൽ 264 ഇതര സംസ്ഥാന തൊഴിലാളികൾ ആണ്.

•    ജില്ലാ മാനസികാരോഗ്യ പരിപാടിയുടെ നേതൃത്വത്തിൽ ഇന്ന് നിരീക്ഷണത്തിൽ കഴിയുന്ന 138 പേർക്ക് കൗൺസലിംഗ് നൽകി. ഇത് കൂടാതെ കൺട്രോൾ റൂമിലേക്ക് വിളിച്ച 12 പേർക്കും ഇത്തരത്തിൽ കൗൺസലിംഗ് നൽകി.

•    ഐ.എം.എ ഹൗസിൽ പ്രവർത്തിക്കുന്ന ടെലി ഹെൽത്ത് ഹെൽപ്പ് ലൈൻ സംവിധാനത്തിൽ നിന്ന് വീഡിയോ കോൾ വഴി ഇന്ന് നിരീക്ഷണത്തിൽ കഴിയുന്ന 16 പേർക്ക് സേവനം നൽകി. ഇവർ ഡോക്ടറുമായി നേരിൽ കണ്ട് സംസാരിക്കുകയും ആശങ്കകൾ പരിഹരിക്കുകയും ചെയ്തു.

•    ലോക്കഡൗണിൽ ഇളവുകൾ പ്രഖ്യാപിച്ച സാഹചര്യത്തിൽ തുറന്ന് പ്രവർത്തിക്കുന്ന സ്ഥാപനങ്ങൾ പ്രതിരോധ പ്രവർത്തനങ്ങളുടെ മാനദണ്ഡങ്ങൾ പാലിക്കുന്നുണ്ടോ എന്നറിയാനായി രൂപീകരിച്ച എൻഫോഴ്സ്മെന്റ് സ്ക്വാഡ് കൊച്ചി നഗര സഭ പ്രദേശത്ത് ഇന്ന് 4 സ്ക്വാഡുകൾ  42 സ്ഥാപനങ്ങൾ പരിശോധിച്ചു.മാനദണ്ഡങ്ങൾ ലംഘിച്ച് പ്രവർത്തിച്ച 3 സ്ഥാപനങ്ങൾക്കെതിരെ നടപടിക്ക് ശുപാർശ ചെയ്തു.

•    വീടുകളിൽ നിരീക്ഷണത്തിലുള്ള 24 ഗർഭിണികളുടെ ആരോഗ്യ വിവരങ്ങൾ ആരോഗ്യപ്രവത്തകർ ഫോൺ വഴി ശേഖരിച്ചു. ആവശ്യമായ നിർദ്ദേശങ്ങൾ നൽകി. ജില്ലാ കൺട്രോൾ റൂമിൽ നിന്നും ഐ എം എ ഹൌസിൽ പ്രവർത്തിക്കുന്ന ടെലിമെഡിസിൻ സംവിധാനത്തിലൂടെയും സേവനം ലഭ്യമാക്കിവരുന്നു.

•    ജില്ലയിലെ കോവിഡ് കെയർ സെന്റെറുകളായ ഗവണ്മെന്റ് ആയുർവേദ കോളേജ്,  തൃപ്പൂണിത്തുറ, കളമശ്ശേരി  രാജഗിരി കോളേജ് ഹോസ്റ്റൽ, കാക്കനാട്  രാജഗിരി കോളേജ് ഹോസ്റ്റൽ ,പാലിശ്ശേരി എസ് സി എം എസ് ഹോസ്റ്റൽ,മുട്ടം എസ് സി എം എസ്  ഹോസ്റ്റൽ, കളമശ്ശേരി ജ്യോതിർ ഭവൻ, മൂവാറ്റുപുഴ നെസ്റ്റ്, നെല്ലിക്കുഴി മാർ ബസേലിയോസ് ഡെന്റൽ കോളേജ്, ആശീർഭവൻ കച്ചേരിപ്പടി, റിട്രീറ്റ് സെന്റർ ചിറ്റൂർ, ആഷിയാന തൃക്കാക്കര, രാജഗജിരി വിശ്വജ്യോതി സ്കൂൾ വേങ്ങൂർ, നുവാൽസ് കളമശ്ശേരി  എന്നിവിടങ്ങളിലായി 497 പേരാണ്   നിരീക്ഷണത്തിൽ കഴിയുന്നത്. 

•    മറ്റു സംസ്ഥാനങ്ങളിൽ നിന്നും ജില്ലയിലേക്ക് എത്തിയവർ തൊട്ടടുത്ത സർക്കാർ ആശുപത്രി / ആരോഗ്യ കേന്ദ്രത്തിലോ, ജില്ലാ കൺട്രോൾ റൂമിലേക്കോ ഉടൻ തന്നെ ഫോൺ വഴി അക്കാര്യം റിപ്പോർട്ട് ചെയ്യേണ്ടതാണ്.  

•    കോവിഡ് കെയർ സെന്ററുകളിലും വീടുകളിലും നിരീക്ഷണത്തിൽ കഴിയുന്നവർ ആരോഗ്യ പ്രവർത്തകർ നൽകുന്ന നിർദേശങ്ങൾ കർശനമായും പാലിക്കേണ്ടതാണ്.

•    വിദേശങ്ങളിൽ നിന്നും, മറ്റ് സംസ്ഥാനങ്ങളിൽ നിന്നും മടങ്ങിയെത്തിയവർ നിരീക്ഷണ കാലയളവിൽ ചികിത്സക്കായി യാതൊരു കാരണവശാലും നേരിട്ട് സർക്കാർ/ സ്വകാര്യ ആശുപത്രികളിൽ നേരിട്ട് പോകുവാൻ പാടില്ല. ചികിത്സ ആവശ്യ മുള്ളവർ കൺട്രോൾ റൂമിൽ വിളിക്കേണ്ടതും, കൺട്രോൾ റൂമിൽ നിന്നുള്ള നിർദ്ദേശപ്രകാരം പ്രവർത്തിക്കേണ്ടതുമാണ്. ജില്ലാ കൺടോൾ റൂം വഴി IMA ഹൗസിൽ പ്രവർത്തിക്കുന്ന ടെലി മെഡിസിൻ സംവിധാനത്തിലൂടെയും വൈദ്യ സഹായം നൽകി വരുന്നു. നിരീക്ഷണത്തിലിരിക്കുന്ന ഗർഭിണികളും നേരിട്ട് ആശുപത്രികളിൽ പോകുവാൻ പാടില്ല. ജില്ലാ കൺട്രോൾ റൂമിൽ വിളിച്ച് അവിടെ നിന്നുമുള്ള നിർദ്ദേശപ്രകാരം ചികിത്സ തേടേണ്ടതാണ്.
DATA UPDATE    
Home quarantine new - 372
No. of persons released from home quarantine  - 37
Home quarantine total - 2481
    
New Hospital isolation total - 13 (GMC-6 , Pvt- 7)
Discharge from Isolation – 25 (GMC-4,GMTH Karuvelipady – 2, Pvt - 19)
Hospital isolation total -  33 (GMC-17,  Karuvelipady GMTH-  1, Pvt - 15)
     
Positive case today  - Nil
Total positive case till date - 28
Total positive cases under treatment – 3
    
Sample sent today     43
Results received today    45
Results awaiting     50
    
No. of Covid Care Centres/Short Stay Homes     100
Available rooms in Covid Care Centres    5105
No. of Covid care centres started functioning    13
Total persons  quarantined at Covid  Care Centres    497
    
Total calls received at Call centre - 735    
                                                ജില്ലാ കളക്ടർ, 
                                    എറണാകുളം
ജില്ലാ കൺട്രോൾ റൂം നമ്പർ : 0484 2368802