കോവിഡ് അപ്ഡേറ്റ് ആലപ്പുഴ

ആലപ്പുഴ: റിയാദിൽ നിന്നും ഇന്ന് പുലർച്ചെ കരിപ്പൂർ  വിമാനത്താവളത്തിൽ എത്തിയ ആലപ്പുഴ ജില്ലയിൽ നിന്നുള്ള മൂന്ന് പേർ, ദമാമിൽ നിന്നും  നെടുമ്പാശ്ശേരി വിമാനത്താവളത്തിൽ എത്തിയ അഞ്ച് പേർ, ക്വാലാലംപൂരിൽ നിന്നും ഇന്ന് പുലർച്ചെ നെടുമ്പാശ്ശേരി വിമാനത്താവളത്തിൽ എത്തിയ  മൂന്ന് പേർ എന്നിവരെ അമ്പലപ്പുഴ താലൂക്കിലെ കോവിഡ് കെയർ സെൻററിൽ പ്രവേശിപ്പിച്ചു. ആകെ ജില്ലക്കാരായ 11  പേരെയാണ് ഇന്ന് അമ്പലപ്പുഴ താലൂക്കിലെ കോവിഡ് കെയർ സെൻററുകളിൽ പ്രവേശിപ്പിച്ചത്

 ലണ്ടനിൽ നിന്നും ഇന്ന് രാവിലെ 6.45 ഓടെ നെടുമ്പാശ്ശേരി വിമാനത്താവളത്തിൽ എത്തിയ ആലപ്പുഴ ജില്ലക്കാരായ ഏഴ് പേരെ ചേർത്തല താലൂക്കിലെ കോവിഡ് കെയർ സെൻററിൽ പ്രവേശിപ്പിച്ചു. നാല് പുരുഷന്മാരും മൂന്ന് സ്ത്രീകളുമാണുള്ളത്. 12.30 ഓടെയാണിവർ കോവിഡ് കെയർ സെൻററിൽ എത്തിയത്.