ಕೇರಳದಲ್ಲಿ 62 ಜನರಿಗೆ ಕೂಡ ಕೋವಿಡ್ -19; ಮೂವರು ಗುಣಮುಖರಾದರು

ಚಿಕಿತ್ಸೆಯಲ್ಲಿರುವವರು 275 ಜನರು,9 ಹೊಸ ಹಾಟ್ ಸ್ಪಾಟ್‌ಗಳು

ಕೇರಳದಲ್ಲಿ ಶನಿವಾರ 62 ಜನರಿಗೆ ಕೋವಿಡ್ -19 ದೃಡಪಡಿಸಿರುವುದಾಗಿ ಆರೋಗ್ಯ ಸಚಿವೆ ಕೆ.ಕೆ. ಶೈಲಾಜಾ ಟೀಚರ್ ತಿಳಿಸಿದರು. ಪಾಲಕ್ಕಾಡ್‌ ಜಿಲ್ಲೆಯಿಂದ 19 ಮಂದಿಗೆ, ಕಣ್ಣೂರು ಜಿಲ್ಲೆಯಿಂದ 16 ಮಂದಿಗೆ, ಮಲಪ್ಪುರಂ ಜಿಲ್ಲೆಯಿಂದ 8 ಮಂದಿಗೆ, ಆಲಪ್ಪುಳ ಜಿಲ್ಲೆಯಿಂದ 5 ಮಂದಿಗೆ, ಕೋಳಿಕೋಡ್‌, ಕಾಸರ್‌ಗೋಡ್‌ ಜಿಲ್ಲೆಗಳಿಂದ ತಲಾ ನಾಲ್ವರಿಗೆ, ಕೊಲ್ಲಂ ಜಿಲ್ಲೆಯಿಂದ 3 ಮಂದಿಗೆ, ಕೊಟ್ಟಾಯಂ ಜಿಲ್ಲೆಯಿಂದ ಇಬ್ಬರಿಗೆ ಮತ್ತು ವಯನಾಡ್ ಜಿಲ್ಲೆಯಿಂದ ಒಬ್ಬರಿಗೆ ಸೋಂಕು ತಗುಲಿರುವುದು. ಈ ಪೈಕಿ 18 ಮಂದಿ ವಿದೇಶದಿಂದ ಬಂದವರು (ಯು.ಎ.ಇ -9, ಸೌದಿ ಅರೇಬಿಯಾ -3, ಕುವೈತ್ -2, ಮಾಲಿ ದ್ವೀಪ -1, ಸಿಂಗಾಪುರ್ -1, ಮಸ್ಕತ್ -1, ಕತಾರ್ -1) ಮತ್ತು 31 ಮಂದಿ ಇತರ ರಾಜ್ಯಗಳಿಂದ (ಮಹಾರಾಷ್ಟ್ರ- 13, ತಮಿಳುನಾಡು -12, ಗುಜರಾತ್ -2, ಕರ್ನಾಟಕ -2, ಉತ್ತರ ಪ್ರದೇಶ -1, ದೆಹಲಿ -1) ಬಂದವರು. 13 ಜನರಿಗೆ ಸಂಪರ್ಕದ ಮೂಲಕ ರೋಗ ದೃಡಪಟ್ಟಿರುವುದು. ಈ ಪೈಕಿ 7 ಮಂದಿ ಆರೋಗ್ಯ ಕಾರ್ಯಕರ್ತರು. ಈ ಪೈಕಿ 3 ಪಾಲಕ್ಕಾಡ್ ಜಿಲ್ಲೆಯವರು ಮತ್ತು ತಲಾ ಇಬ್ಬರು ಕಣ್ಣೂರು ಮತ್ತು ಕೋಳಿಕೋಡ್ ಜಿಲ್ಲೆಯವರು.

ಅದೇಸಮಯ, ರೋಗ ದೃಪಡಿಸಿ ಚಿಕಿತ್ಸೆಯಲ್ಲಿದ್ದ 3 ರೋಗಿಗಳ ತಪಾಸಣಾ ಫಲಿತಾಂಶ ನಕಾರಾತ್ಮಕವಾಗಿವೆ.  ಕೊಲ್ಲಂ, ಕೊಟ್ಟಾಯಂ ಮತ್ತು ಕಾಸರಗೋಡು ಜಿಲ್ಲೆಗಳಲ್ಲಿನ ಒಬ್ಬೊಬ್ಬರ ತಪಾಸಣಾ ಫಲಿತಾಂಶ ನಕಾರಾತ್ಮಕವಾಗಿರುವುದು. ಈವರೆಗೆ 275 ಜನರಿಗೆ ಈ ರೋಗ ಪತ್ತೆಯಾಗಿದ್ದು ಇನ್ನು ಚಿಕಿತ್ಸೆ ಪಡೆಯುತ್ತಿದ್ದಾರೆ.  ಈವರೆಗೆ 515 ಜನರು ಕೋವಿಡ್‌ನಿಂದ ಗುಣಮುಖರಾಗಿದ್ದಾರೆ.

ವಿಮಾನ ನಿಲ್ದಾಣದ ಮೂಲಕ 7303 ಜನರು, ಸೀಪೋರ್ಟ್ ಮೂಲಕ 1621ಜನರು, ಚೆಕ್ ಪೋಸ್ಟ್ ಮೂಲಕ 76,608 ಜನರು ಮತ್ತು ರೈಲು ಮೂಲಕ 3108 ಜನರು ಸೇರಿದಂತೆ  ರಾಜ್ಯದಲ್ಲಿ ಒಟ್ಟು 88,640 ಜನರು ಆಗಮಿಸಿದ್ದಾರೆ.

ರಾಜ್ಯದ ವಿವಿಧ ಜಿಲ್ಲೆಗಳಲ್ಲಿ ಒಟ್ಟು 91,084 ಜನರು ನಿರೀಕ್ಷಣೆಯಲ್ಲಿದ್ದಾರೆ. ಈ ಪೈಕಿ 90,416 ಜನರು ಮನೆ / ಇನ್ಸ್ಟಿಟ್ಯೂಷನಲ್ ಕ್ವಾರಂಟೈನ್ ನಲ್ಲಿ ಮತ್ತು 668 ಜನರು ಆಸ್ಪತ್ರೆಗಳಲ್ಲಿ ನಿರೀಕ್ಷಣೆಯಲ್ಲಿರುವರು. ಒಟ್ಟು 182 ಜನರನ್ನು ಶನಿವಾರ ಆಸ್ಪತ್ರೆಗೆ ದಾಖಲಿಸಲಾಗಿದೆ. ಇಲ್ಲಿಯವರೆಗೆ, 52,771 ವ್ಯಕ್ತಿಗಳ (ಓಗ್ಮೆಂಟೆಡ್ ಮಾದರಿ ಸೇರಿದಂತೆ) ಮಾದರಿಯನ್ನು ಪರಿಶೀಲನೆಗಾಗಿ ಕಳುಹಿಸಲಾಗಿದೆ.ಇದರಲ್ಲಿ ಲಭ್ಯವಾದ 51,045 ಮಾದರಿಗಳ ತಪಾಸಣಾ ಫಲಿತಾಂಶ ನಕಾರಾತ್ಮಕವಾಗಿವೆ. ಇದಲ್ಲದೆ, ಸೆಂಟಿನೆಲ್ ಸರ್ವೈಲೆನ್ಸ್ ನ ಭಾಗವಾಗಿ ಆರೋಗ್ಯ ಕಾರ್ಯಕರ್ತರು, ಅತಿಥಿ ಕೆಲಸಗಾರರು, ಸಾಮಾಜಿಕ ಸಂಪರ್ಕ ಹೆಚ್ಚಾಗಿರುವ ವ್ಯಕ್ತಿಗಳ ಆದ್ಯತೆಯ ಗುಂಪುಗಳಿಂದ 7672 ಮಾದರಿಗಳನ್ನು ಸಂಗ್ರಹಿಸಿರುವುದರಲ್ಲಿ 7147 ಮಾದರಿಗಳು ಋಣಾತ್ಮಕವಾಗಿವೆ. ಕಳೆದ 24 ಗಂಟೆಗಳಲ್ಲಿ 2026 ಮಾದರಿಗಳನ್ನು ಪರೀಕ್ಷಿಸಲಾಯಿತು. 9 ಪ್ರದೇಶಗಳನ್ನು ಕೂಡ ಹಾಟ್‌ಸ್ಪಾಟ್‌ಗಳಾಗಿ ಮಾಡಲಾಗಿದೆ. ಪ್ರಸ್ತುತ 37 ಹಾಟ್ ಸ್ಪಾಟ್‌ಗಳಿವೆ.