കൂവപ്പടി ബ്ലോക്ക് പഞ്ചായത്ത് ഭവന നിര്‍മ്മാണ ധനസഹായം നല്‍കുന്നു

കൊച്ചി: കൂവപ്പടി ബ്ലോക്ക് പട്ടികജാതി വികസന ഓഫീസില്‍ നിന്നും 2007-08 സാമ്പത്തിക വര്‍ഷം മുതല്‍ 2015-16 സാമ്പത്തിക വര്‍ഷം വരെ ഭവന നിര്‍മ്മാണ ധനസഹായം അനുവദിച്ചതും പണി പൂര്‍ത്തീകരിക്കാത്തതുമായ വീടുകളുടെ പൂര്‍ത്തീകരണത്തിനായി ബന്ധപ്പെട്ട ഗുണഭോക്താക്കളെ ലൈഫ് മിഷന്‍ പദ്ധതിയില്‍ ഉള്‍പ്പെടുത്തിയിരുന്നു. എന്നാല്‍ ഇതു വരെ നിര്‍ദിഷ്ട പ്രവൃത്തികള്‍ ആരംഭിക്കാത്ത ഗുണഭോക്താക്കളെ ലൈഫ് മിഷന്‍ പദ്ധതിയില്‍ നിന്നും ഒഴിവാക്കും. ഈ ഗുണഭോക്താക്കള്‍ കൂവപ്പടി ബ്ലോക്ക് പട്ടികജാതി വികസന ഓഫീസുമായി ബന്ധപ്പെടണമെന്ന് കൂവപ്പടി ബ്ലോക്ക് പട്ടികജാതി വികസന ഓഫീസര്‍ അറിയിച്ചു.