കോഴിയിറച്ചി വില കുറയ്ക്കണം

വിപണിയില്‍ കോഴി ഇറച്ചിയുടെ വില കുറഞ്ഞിട്ടുണ്ട്. താലൂക്കിലെ മിക്കവാറും കടകളിലും കിലോയ്ക്ക് 180 രൂപയാണ് വില. ആയതിനാല്‍ താലൂക്കിലെ മുഴുവന്‍ വ്യാപാരികളും കോഴി ഇറച്ചി (ബ്രോയിലര്‍) നിര്‍ബന്ധമായും കിലോയ്ക്ക് 180 രൂപയ്ക്ക് മാത്രമേ വില്‍പന നടത്താവൂയെന്ന് വടകര താലൂക്ക് സപ്ലൈ ഓഫീസര്‍ അറിയിച്ചു. കോഴി ഇറച്ചി സ്റ്റാളിലെ ജീവനക്കാര്‍ നിര്‍ബന്ധമായും ഹെല്‍ത്ത് കാര്‍ഡ് ഉള്ളവരായിരിക്കണം. കൂടാതെ ജീവനക്കാര്‍ നിര്‍ബന്ധമായും മാസ്‌ക് ധരിക്കണം.