ജില്ലാ കളക്ടറുടെ മല്ലപ്പള്ളി താലൂക്ക്തല ഓണ്ലൈന് അദാലത്ത് ജൂലൈ 18ന്
ജില്ലാ കളക്ടര് പി.ബി. നൂഹിന്റെ നേതൃത്വത്തില് നടത്തുന്ന മല്ലപ്പള്ളി താലൂക്ക് തല ഓണ്ലൈന് അദാലത്ത് ജൂലൈ 18ന്. ജില്ലാ കളക്ടര് കളക്ടറേറ്റില് നിന്നും വീഡിയോ കോണ്ഫറന്സിലൂടെ അക്ഷയ കേന്ദ്രങ്ങള് മുഖേന ജനങ്ങളുടെ പരാതികള് കേള്ക്കും.
മല്ലപ്പള്ളി താലൂക്കിലുള്ള അപേക്ഷകര്ക്ക് ജൂണ് 12 മുതല് ജൂലൈ മൂന്നിന് വൈകിട്ട് അഞ്ചു വരെ മല്ലപ്പള്ളിയിലെ അക്ഷയകേന്ദ്രങ്ങളില് ഫോണ് മുഖേന രജിസ്റ്റര് ചെയ്യാം. രജിസ്റ്റര് ചെയ്യുന്ന അപേക്ഷയും അപേക്ഷകന്റെ ഫോണ് നമ്പരും അക്ഷയ കേന്ദ്രം രേഖപ്പെടുത്തും. വീഡിയോ കോണ്ഫറന്സിന്റെ സമയം അപേക്ഷകരുടെ ഫോണില് സംരംഭകന് അറിയിക്കും. തുടര്ന്ന് ഓരോ പരാതിക്കാരനും തങ്ങള്ക്ക് നിര്ദേശിച്ചിരിക്കുന്ന സമയത്ത് വീഡിയോ കോണ്ഫറന്സില് പങ്കെടുക്കുന്നതിന് അക്ഷയ കേന്ദ്രത്തില് എത്തണം. ജില്ലാ കളക്ടറോട് വീഡിയോ കോണ്ഫറന്സിലൂടെ പൊതുജനങ്ങള് ബോധിപ്പിക്കുന്ന പരാതികള് ഇ-ആപ്ലിക്കേഷന് വഴി സമര്പ്പിക്കുന്നതിനുള്ള സൗകര്യവും അക്ഷയ കേന്ദ്രങ്ങളിലുണ്ട്.
കോവിഡിന്റെ പശ്ചാത്തലത്തില് പൊതുജനപരാതിപരിഹാര അദാലത്തുകള് ഓണ്ലൈനില് സംഘടിപ്പിക്കുന്നതിന്റെ സാധ്യത പരിശോധിക്കണമെന്ന മുഖ്യമന്ത്രിയുടെ നിര്ദേശത്തെ തുടര്ന്നാണ് ഓണ്ലൈന് പരാതിപരിഹാര സംവിധാനം ഏര്പ്പെടുത്തിയത്.
വീഡിയോ കോണ്ഫറന്സില് പങ്കെടുക്കുന്നതിന് അനുവദിച്ചിട്ടുള്ള സമയത്ത് മാത്രമേ പരാതിക്കാരന് എത്താന് പാടുള്ളൂ. കോവിഡ് 19 പ്രതിരോധ പ്രവര്ത്തനങ്ങളുമായി ബന്ധപ്പെട്ട എല്ലാ സര്ക്കാര് നിര്ദേശങ്ങളും പാലിച്ചായിരിക്കും ഓണ്ലൈന് പരാതിപരിഹാര അദാലത്ത് സംഘടിപ്പിക്കുന്നത്. ഇതുമായി ബന്ധപ്പെട്ട ഉദ്യോഗസ്ഥര് അവരവരുടെ ഓഫീസുകളില് നിന്ന് വീഡിയോ കോണ്ഫറന്സില് പങ്കെടുക്കണം.
- Log in to post comments