കോവിഡ് 19:പ്ലാസ്‌മ തെറാപ്പിയിൽ സ്വയം പര്യാപ്‍തത നേടി ആലപ്പുഴ മെഡിക്കൽ കോളേജ്. 

റ്റി. ഡി മെഡിക്കൽ കോളേജ് വണ്ടാനം പ്ലാസ്മ തെറാപ്പിയിൽ സ്വയം പര്യാപ്തത നേടിയെന്ന് മെഡിക്കൽ കോളേജ് സൂപ്രണ്ട് അറിയിച്ചു.

. കോവിഡ് ചികിത്സക്കായി ആശുപത്രിയുടെ ബ്ലഡ്‌ ബാങ്കിലുള്ള അഫേർസിസ് (apheresis) മെഷീൻ വഴി കോവിഡ് കോൺവാലെന്റ് പ്ലാസ്മ ശേഖരിച്ചു. തണ്ണീർമുക്കം സ്വദേശി സജിമോനാണ് പ്ലാസ്മ നൽകിയത്. ഇപ്പോൾ ചികിത്സയിലുള്ള ഒരു കോവിഡ് രോഗിക്ക് ഇത് നൽകും. 

ആലപ്പുഴ മെഡിക്കൽ കോളേജിലെ പ്രൊഫസർ ഡോ. മായയുടെ നേതൃത്വത്തിൽ അസിസ്റ്റന്റ് പ്രൊഫസർ ഡോ. ഷിഫി, സയന്റിഫിക്ക് അസിസ്റ്റന്റ് രവീന്ദ്രൻ, ഡോ. ഷാഹിദ, ഡോ. മഗ്ദലിൻ, ഡോ. റിതി എന്നിവർ അടങ്ങുന്ന മെഡിക്കൽ സംഘമാണ് പ്ലാസ്മ ശേഖരിച്ചത്. 

കഴിഞ്ഞ ദിവസം പ്ലാസ്മ ചികിത്സ നടത്തിയതിനെ തുടർന്ന് മെഡിക്കൽ കോളേജിൽ കോവിഡ് ബാധിച്ചു ചികത്സലായിരുന്ന രോഗി പ്ലാസ്മ തെറാപ്പിയിലൂടെ രോഗമുക്തി നേടിയിരുന്നു, മഞ്ചേരി ഗവ. മെഡിക്കൽ കോളേജിൽ നിന്നാണ് പ്ലാസ്മ എത്തിച്ചത്. ഈ സാഹചര്യത്തിലാണ് ആലപ്പുഴ മെഡിക്കൽ കോളേജിൽ തന്നെ പ്ലാസ്മ ശേഖരിക്കാൻ തിരുമാനിച്ചത്.

ചിത്ര വിവരണം: തണ്ണീർമുക്കം സ്വദേശി സജിമോൻ കൺവാലസൻറ് പ്ലാസ്മ വണ്ടാനം ടി ഡി മെഡിക്കൽ കോളേജിൽ നൽകുന്നു

--