എറണാകുളം വാര്‍ത്തകള്‍

താത്കാലിക ഒഴിവ്

കാക്കനാട്: ജില്ലയിലെ ഒരു കേരള സര്‍ക്കാര്‍ സ്ഥാപനത്തില്‍ വിമുക്ത ഭടന്‍ വിഭാഗത്തിനായി സംവരണം ചെയ്തിരിക്കുന്ന എയറോ മോഡലിംഗ് ഇന്‍സ്ട്രക്ടര്‍ കം സ്‌റ്റോര്‍ കീപ്പര്‍ തസ്തികയില്‍ ഒരു താത്കാലിക ഒഴിവ് നിലവിലുണ്ട്. അംഗീകൃത സര്‍വകലാശാല ബിരുദം, സി സര്‍ട്ടിഫിക്കറ്റ് എന്‍സിസി എയര്‍ വിംഗ്, എയറോ മോഡലിംഗ് സ്‌റ്റോര്‍ കൈകാര്യം ചെയ്യുന്നതിനുള്ള വൈദഗ്ധ്യം, ഇംഗ്ലീഷ് എഴുതാനും സംസാരിക്കുവാനുമുള്ള കഴിവ്, വിമാന മാതൃകകള്‍ നിര്‍മ്മിക്കുന്നതിനുള്ള പ്രായോഗിക പരിജ്ഞാനം ഉണ്ടായിരിക്കണം. വിമുക്ത ഭടന്മാരുടെ അഭാവത്തില്‍ മേല്‍പ്പറഞ്ഞ യോഗ്യതയുള്ള ജനറല്‍ വിഭാഗക്കാരെയും പരിഗണിക്കും. 2018 ജനുവരി ഒന്നിന് 41 വയസ് കവിയരുത്. നിയമാനുസൃത വയസിളവ് ലഭിക്കും. ശമ്പളം 27800 രൂപ. യോഗ്യരായ ഉദ്യോഗാര്‍ഥികള്‍ മാര്‍ച്ച് 24 നു മുന്‍പ് ബന്ധപ്പെട്ട എംപ്ലോയ്‌മെന്റ് എക്‌സ്‌ചേഞ്ചില്‍ പേര് രജിസ്റ്റര്‍ ചെയ്യണം. 

അറ്റന്‍ഡര്‍ ഒഴിവ്

കാക്കനാട്: എറണാകുളം ജില്ലയിലെ സംസ്ഥാന സര്‍ക്കാര്‍ സ്ഥാപനത്തിലേക്ക് അറ്റന്‍ഡര്‍ (ഹോമിയോ) തസ്തികയില്‍ ഒരു താത്കാലിക ഒഴിവ് നിലവിലുണ്ട്. യോഗ്യത- എസ്എസ്എല്‍സി വിജയിച്ചിരിക്കണം. എ ക്ലാസ് രജിസ്‌ട്രേഡ് ഹോമിയോപ്പതി മെഡിക്കല്‍ പ്രാക്ടീഷണറുടെ കീഴില്‍ മൂന്നു വര്‍ഷത്തെ തൊഴില്‍ പരിചയവും ഉണ്ടായിരിക്കണം. പ്രായം 2018 ജനുവരി ഒന്നിന് 18-41 വയസ്. നിയമാനുസൃത ഇളവ് ലഭിക്കും. ഒഴിവുകളുടെ എണ്ണം ആകെ-1, ഇറ്റിബി മുന്‍ഗണനയുള്ളവര്‍-1. നിശ്ചിത യോഗ്യതയുള്ള ഉദ്യോഗാര്‍ഥികള്‍ എല്ലാ അസ്സല്‍ സര്‍ട്ടിഫിക്കറ്റുകള്‍ സഹിതം ബന്ധപ്പെട്ട എംപ്ലോയ്‌മെന്റ് എക്‌സ്‌ചേഞ്ചില്‍ മാര്‍ച്ച് 22 നു മുന്‍പ് പേര് രജിസ്റ്റര്‍ ചെയ്യണം. ഈഴവ മുന്‍ഗണനയുള്ളവരുടെ അഭാവത്തില്‍ മുന്‍ഗണന ഇല്ലാത്തവരേയും അവരുടെ അഭാവത്തില്‍ മറ്റു വിഭാഗത്തിലുള്ളവരെയും പരിഗണിക്കും. 

ലേലം

കാക്കനാട്: കുട്ടമ്പുഴ വില്ലേജില്‍ സര്‍വെ നമ്പര്‍ 273/2 ല്‍പ്പെടുന്ന 13.90 ആര്‍ സ്ഥലം മാര്‍ച്ച് 12 ന് രാവിലെ 11 ന് എംഎസിടി കുടിശിക തുകയായ 1,41,621 രൂപ ഈടാക്കുന്നതിനായി കുട്ടമ്പുഴ വില്ലേജ് ഓഫീസില്‍ ലേലം ചെയ്യും. വിശദവിവരങ്ങള്‍ക്ക് കോതമംഗലം താലൂക്ക് ഓഫീസുമായി ബന്ധപ്പെടുക. ഫോണ്‍: 0485 2822298. 

അംഗത്വം പുനസ്ഥാപിക്കാം

കാക്കനാട്: കേരള തയ്യല്‍ തൊഴിലാളി ക്ഷേമനിധി ബോര്‍ഡിന്റെ എറണാകുളം ജില്ല ഓഫീസില്‍ അംഗത്വമെടുത്ത് രണ്ട് തവണയില്‍ കൂടുതല്‍ അംശാദായ കുടിശിക വന്ന് അംഗത്വം നഷ്ടപ്പെട്ടവര്‍ക്ക് പൊതുമാപ്പ് നല്‍കി 2018 ജൂണ്‍ 30 വരെ അംഗത്വം പുനസ്ഥാപിക്കാമെന്ന് ജില്ല എക്‌സിക്യൂട്ടീവ് ഓഫീസര്‍ അറിയിച്ചു.