മുഖ്യമന്ത്രിയുടെ തദ്ദേശ റോഡ് പുനരുദ്ധാരണ പദ്ധതി; ഉദ്ഘാടനം ഇന്ന്(ഓഗസ്റ്റ് 4)

കഴിഞ്ഞ രണ്ടു വര്‍ഷങ്ങളില്‍ പ്രളയത്തില്‍ തകര്‍ന്ന ഗ്രാമീണ റോഡുകളുടെ പുനര്‍ നിര്‍മാണം മുഖ്യമന്ത്രിയുടെ തദ്ദേശ റോഡ് പുനരുദ്ധാരണ പദ്ധതിവഴി നടപ്പാക്കുന്നതിന്‍റെ സംസ്ഥാനതല ഉദ്ഘാടനം ഇന്ന് ( ഓഗസ്റ്റ് 4) നടക്കും. വൈകുന്നേരം മൂന്നിന്  മുഖ്യമന്ത്രി പിണറായി വിജയന്‍ ഓണ്‍ലൈനിലാണ് 1000 കോടി രൂപയുടെ പദ്ധതിയുടെ ഉദ്ഘാടനം നിര്‍വഹിക്കുക. 

ഇതോടനുബന്ധിച്ച് ജില്ലാതല ഉദ്ഘാടനച്ചടങ്ങ് പുതുപ്പള്ളി പഞ്ചായത്ത് ബസ് സ്റ്റാന്‍റ് കമ്യൂണിറ്റി ഹാളില്‍ നടക്കും.
മുന്‍ മുഖ്യമന്ത്രി ഉമ്മന്‍ ചാണ്ടി എം.എല്‍.എ,  തോമസ് ചാഴികാടന്‍ എംപി, ജില്ലാ പഞ്ചായത്ത് പ്രസിഡന്‍റ് സെബാസ്റ്റ്യന്‍ കുളത്തുങ്കല്‍, വൈസ് പ്രസിഡന്‍റ് ഡോ. ശോഭ സലിമോന്‍, പള്ളം ബ്ലോക്ക് പഞ്ചായത്ത് പ്രസിഡന്‍റ് ടി.ടി. ശശീന്ദ്രനാഥ്, ഗ്രാമ പഞ്ചായത്ത് പ്രസിഡൻ്റ് നിബു ജോൺ തുടങ്ങിയവര്‍ പങ്കെടുക്കും.