ശക്തമായ കാറ്റടിക്കും; മത്സ്യത്തൊഴിലാളികള്‍ കടലില്‍ പോകരുത്

 കന്യാകുമാരിക്ക് തെക്ക് ശ്രീലങ്കയ്ക്ക് തെക്ക് പടിഞ്ഞാറ് ഉള്‍ക്കടലില്‍ രൂപപ്പെട്ട ന്യൂനമര്‍ദ്ദം തീവ്ര ന്യൂനമര്‍ദ്ദമായ പശ്ചാത്തലത്തില്‍ അടുത്ത 48 മണിക്കൂറിനുള്ള കാറ്റിന്റെ വേഗത മണിക്കൂറില്‍ 75 കിലോമീറ്ററാകാന്‍ സാധ്യതയുണ്ട്. കേരളത്തിന്റെ തീരങ്ങളില്‍ നിന്ന് മത്സ്യത്തൊഴിലാളികള്‍ ഒരു കാരണവശാലും മീന്‍പിടിക്കാന്‍ കടലില്‍ പോകരുതെന്ന് ദുരന്തനിവാരണ അതോറിട്ടി അറിയിച്ചു. ഈ മാസം 15 വരെ ഈ നിര്‍ദേശത്തിന് പ്രാബല്യമുണ്ടായിരിക്കും.