ജാഗ്രതാ നിര്ദേശം
കാലാവസ്ഥാ നിരീക്ഷണ കേന്ദ്രവും, സംസ്ഥാന ദുരന്ത നിവാരണ അതോറിറ്റിയും ജില്ലയില് ശക്തമായ മഴയ്ക്കുള്ള (യെല്ലോ അലര്ട്ട്) മുന്നറിയിപ്പ് നല്കിയിട്ടുള്ള സാഹചര്യത്തില് ബാരേജിലെ ജലനിരപ്പ് ഉയരുന്ന പക്ഷം ജലനിരപ്പ് 34.62 മീറ്ററായി ക്രമീകരിക്കുന്നതിനായി മുന്നറിയിപ്പ് പിന്വലിക്കുന്നതുവരെ ഏതു സമയത്തും മണിയാര് ബാരേജിന്റെ ഷട്ടറുകള് 50 സെന്റിമീറ്റര് എന്ന തോതില് സെപ്റ്റംബര് എട്ടിന് രാവിലെ ആറിനു ശേഷം ഉയര്ത്തേണ്ടതായി വന്നേക്കാം.
ഇപ്രകാരം ഷട്ടറുകള് ഉയര്ത്തുന്നത് മൂലം കക്കാട്ടാറില് 100 സെന്റിമീറ്റര് വരെ ജലനിരപ്പ് ഉയര്ന്നേക്കാമെന്നുള്ള സാഹചര്യത്തില് കക്കാട്ടാറിന്റെയും, പമ്പയാറിന്റെയും തീരത്ത് താമസിക്കുന്നവരും മണിയാര്, പെരുനാട്, വടശേരിക്കര, റാന്നി, കോഴഞ്ചേരി, ആറന്മുള നിവാസികളും പൊതുജനങ്ങളും ജാഗ്രത പുലര്ത്തേണ്ടതും, നദികളില് ഇറങ്ങുന്നത് ഒഴിവാക്കേണ്ടതുമാണെന്ന് ജില്ലാ കളക്ടര് അറിയിച്ചു.
- Log in to post comments