ലോക ജലദിനം : അമ്പാട്ടുതോട് ശുചീകരിച്ചു

ലോക ജലദിനത്തോടനുബന്ധിച്ച് ജില്ലാ പഞ്ചായത്തും ഹരിതകേരള മിഷനും ചേര്‍ന്ന്  അകത്തേത്തറ ഗ്രാമപഞ്ചായത്ത് ശാസ്താനഗറിലെ അമ്പാട്ടുതോട് ശുചീകരിച്ചു.  ജില്ലാപഞ്ചായത്ത് വൈസ് പ്രസിഡന്‍റ് ടി.കെ.നാരായണദാസ് പരിപാടി ഉദ്ഘാടനം ചെയ്തു. ജലസംഭരണവും  ജലസേചനവും ഉറപ്പാക്കേണ്ടതിനെക്കുറിച്ചും ജലസ്രോതസ്സുകള്‍ നശിച്ചാലുണ്ടാകുന്ന   പ്രതൃാഘാതങ്ങളെക്കുറിച്ചും ഹരിതകേരളം മിഷന്‍ ജില്ലാ കോഡിനേറ്റര്‍  വൈ.കല്ലൃാണകൃഷ്ണന്‍  വിശദീകരിച്ചു. ഗ്രാമ പഞ്ചായത്ത് പ്രസിഡന്‍റ് ഡി.സദാശിവന്‍  അധ്യക്ഷനായ പരിപാടിയില്‍ വൈസ് പ്രസിഡന്‍റ് സുനിത, ഗ്രാമപഞ്ചായത്തംഗങ്ങള്‍, രാഷ്ട്രീയ പാര്‍ട്ടി പ്രതിനിധികള്‍ പങ്കെടുത്തു. തുടര്‍ന്ന് മഹാത്മാഗാന്ധി തൊഴിലുറപ്പ് പദ്ധതി അംഗങ്ങള്‍, ജനപ്രതിനിധികള്‍, സി.ഡി.എസ് ചെയര്‍പേഴ്സണ്‍മാര്‍ തടയണ നിര്‍മാണം നടത്തി.