പിഎസ്‌സി പരിശീലനം: ക്ലബ്ബുകള്‍ക്ക് ധനസഹായം വിതരണം ചെയ്തു

സംസ്ഥാന യുവജന ക്ഷേമ ബോര്‍ഡിന്റെ പിഎസ്‌സി പരിശീലന പരിപാടിയുടെ ഭാഗമായി ക്ലബ്ബുകള്‍ക്കുള്ള ധനസഹായം വിതരണം ചെയ്തു. സംസ്ഥാന യുവജന ക്ഷേമ ബോര്‍ഡ് അംഗം ബിജു കണ്ടക്കൈയുടെ അധ്യക്ഷതയില്‍ ചേര്‍ന്ന യോഗത്തില്‍ ജില്ലാ പഞ്ചായത്ത് പ്രസിഡണ്ട് കെ വി സുമേഷ് ഉദ്ഘാടനം നിര്‍വഹിച്ചു. ജില്ലയിലെ 70 ക്ലബ്ബുകള്‍ക്കായി മൂന്നര ലക്ഷം രൂപയാണ് പിഎസ്‌സി പരിശീലന പരിപാടിക്കായി നല്‍കിയത്. ജില്ലാ പഞ്ചായത്ത് ആരോഗ്യ-വിദ്യാഭ്യാസ സ്റ്റാന്റിങ്ങ് കമ്മിറ്റി ചെയര്‍മാന്‍ കെ പി ജയബാലന്‍, സാക്ഷരതാ മിഷന്‍ ജില്ലാ കോ ഓര്‍ഡിനേറ്റര്‍ ഷാജു ജോണ്‍ എന്നിവര്‍ സംസാരിച്ചു. ജില്ലാ യൂത്ത് പ്രോഗ്രാം ഓഫീസര്‍ വിനോദന്‍ പൃത്തിയില്‍ സ്വാഗതവും യൂത്ത് കോ ഓര്‍ഡിനേറ്റര്‍ കെ പി പ്രദീപ് നന്ദിയും പറഞ്ഞു.
പി എന്‍ സി/500/2018