കടുങ്ങല്ലൂർ ഗ്രാമപഞ്ചായത്തിൽ ഓണത്തിനോടനുബന്ധിച്ച് കൃഷിഭവൻ സംഘടിപ്പിച്ച ഓണച്ചന്തയിൽ 80,531 രൂപയുടെ പച്ചക്കറികൾ വിറ്റഴിച്ചു. പഞ്ചായത്തിന്റെ സ്ഥലത്ത് ഓഗസ്റ്റ് 25 മുതൽ 28 വരെ നടത്തിയ ജൈവ പച്ചക്കറികളുടെ ഓണച്ചന്തയിലാണ് കൃഷിഭവന് റെക്കോർഡ് തുകയുടെ വിൽപ്പന സാധ്യമായത്.

വെണ്ട, പയർ, മത്തൻ, ചീര തുടങ്ങി വിഷരഹിതമായ വിവിധയിനം പച്ചക്കറികൾ കർഷകരിൽ നിന്ന് ശേഖരിച്ച് ഓണച്ചന്തയിലൂടെ മിതമായ നിരക്കിലാണ് കൃഷിഭവൻ ജനങ്ങളിലേക്കെത്തിച്ചത്. ഓണത്തിന് ഒരു മുറം പച്ചക്കറി പദ്ധതിയുടെ ഭാഗമായി 1250 പേർക്ക് കൃഷിഭവന്റെ നേതൃത്വത്തിൽ പച്ചക്കറി വിത്തുകൾ വിതരണം ചെയ്തിരുന്നു. 

എറണാകുളം ഗവ.ലോ കോളേജ് വളപ്പിൽ അപകടകരമായി നിന്നിരുന്ന വൃക്ഷങ്ങളുടെ മുറിച്ചു മാറ്റിയ ശിഖരങ്ങൾ വിൽക്കുന്നതിനുള്ള ലേലം സെപ്റ്റംബർ 21  (വ്യാഴാഴ്ച) രാവിലെ 11.30 ന് ലോ കോളേജിൽ നടക്കും. ലേലത്തിൽ പങ്കെടുക്കാൻ താത്പര്യമുള്ളവർ അന്നേ ദിവസം ലേലസമയത്തിന് ഒരു മണിക്കൂർ മുൻപ് 200 രൂപ നിരതദ്രവ്യം കെട്ടിവയ്ക്കണം. കൂടുതൽ തുക വിളിക്കുന്ന ആളിന്റെ ലേലം സ്ഥിരപ്പെടുത്തുന്നതും അന്ന് തന്നെ നിരതദ്രവ്യം കഴിച്ചുള്ള തുക അടയ്ക്കേണ്ടതുമാണ്. ലേലത്തിൽ പങ്കെടുക്കുന്ന മറ്റുള്ളവരുടെ നിരതദ്രവ്യം അന്നേ ദിവസം തന്നെ തിരികെ നൽകും. 

          നിപയുമായി ബന്ധപ്പെട്ട് കോഴിക്കോട് ജില്ലയിലുണ്ടായ അടിയന്തര സാഹചര്യത്തെ അഭിമുഖീകരിക്കാൻ പൊതുവിദ്യാഭ്യാസ വകുപ്പ് എല്ലാ വിധത്തിലും സജ്ജമാണെന്നു പൊതുവിദ്യാഭ്യാസ വകുപ്പ് മന്ത്രി വി. ശിവൻകുട്ടി പറഞ്ഞു. ജില്ലയിലെ നൂറ് ശതമാനം വിദ്യാലയങ്ങളിലും ഓൺലൈൻ സംവിധാനങ്ങൾ ഒരുക്കിയിട്ടുണ്ട്. പൊതു വിദ്യാഭ്യാസ വകുപ്പ് തയ്യാറാക്കിയ ജി - സ്യൂട്ട് സംവിധാനം ജില്ലയിലെ മുഴുവൻ കുട്ടികൾക്കും ഉറപ്പാക്കാനായി എല്ലാ അധ്യാപകർക്കും പരിശീലനം നൽകിയിട്ടുണ്ട്.

          2024ലെ എസ്.എസ്.എൽ.സി. പരീക്ഷ മാർച്ച് നാലു മുതൽ 25 വരെ നടക്കുമെന്നു പൊതുവിദ്യാഭ്യാസ വകുപ്പ് മന്ത്രി വി. ശിവൻകുട്ടി വാർത്താ സമ്മേളനത്തിൽ പറഞ്ഞു. ഒന്നും രണ്ടും വർഷ ഹയർ സെക്കണ്ടറി പൊതു പരീക്ഷകൾ 2024 മാർച്ച് 1 മുതൽ 26 വരെ നടക്കുമെന്നും മന്ത്രി അറിയിച്ചു.

        തിരുവനന്തപുരം കോളജ് ഓഫ് എൻജിനിയറിങ്ങിൽ സർക്കാരിതര ഫണ്ടിൽ നിന്നു വേതനം നൽകുന്ന സ്റ്റാറ്റിസ്റ്റിക്കൽ അസിസ്റ്റന്റ് (IQAC ഓഫീസ്) 

        സെപ്റ്റംബർ 16ന് കേരളത്തിലെ വിവിധ കേന്ദ്രങ്ങളിൽ നടത്തിയ 2023-24 അധ്യയന വർഷത്തെ എൽ.എൽ.എം.പി.ജി.

        പി.ജി മെഡിക്കൽ കോഴ്സ് 2023-ലെ മൂന്നാംഘട്ട അലോട്ട്മെന്റിനായി ഓപ്ഷൻ രജിസ്റ്റർ ചെയ്യുന്നതിനുള്ള സൗകര്യം പ്രവേശന പരീക്ഷാ കമ്മീഷണറുടെ www.cee.kerala.gov.in എന്ന വെബ്സൈറ്റിൽ ലഭ്യമാക്കിയിട്ടുണ്ട്.

          കേരളത്തിലെ ഗവൺമെന്റ് ദന്തൽ കോളജുകളിലേയും സ്വകാര്യ സ്വാശ്രയ ദന്തൽ കോളജുകളിലെയും 2023-ലെ പി.ജി ദന്തൽ കോഴ്സിലേക്കുള്ള മൂന്നാം ഘട്ട അലോട്ട്മെന്റിനായി ഓൺലൈൻ ഓപ്ഷൻ കൺഫർമേഷൻ ചെയ്യുന്നതിന് സെപ്റ്റംബർ 21നു വൈകിട്ട് മൂന്നു വരെ www.cee.kerala.gov.in  എന്ന വെബ്സൈറ്റിൽ സൗകര്യ

 ജില്ലയിലെ കൃഷിഭവനുകളിൽ 'ഇന്റേൺഷിപ്പ് അറ്റ് കൃഷിഭവൻ' പദ്ധതി പ്രകാരം 18 ദിവസത്തെ പരിശീലനത്തിനായി വി.എച്ച്.എസി(കൃഷി), ഡിപ്ലോമ ഇൻ അഗ്രിക്കൾച്ചർ, ഓർഗാനിക് ഫാമിംഗ് ഇൻ അഗ്രിക്കൾച്ചർ എന്നീ യോഗ്യതയുള്ള ഉദ്യോഗാർത്ഥികളിൽ നിന്നും അപേക്ഷ ക്ഷണിച്ചു. അപേക്ഷ ഓൺലൈനായി www.keralaagriculture.gov.in എന്ന വെബ്സൈറ്റ് വഴിയും ഓഫ് ലൈനായി ജില്ലാ കൃഷി ഓഫീസ് എറണാകുളം, ബ്ലോക്ക് തലത്തിൽ അസിസ്റ്റന്റ് ഡയറക്ടർ ഓഫീസ്, കൃഷിഭവനുകൾ എന്നിവിടങ്ങളിൽ അപേക്ഷ സ്വീകരിക്കുന്നതാണ്. അപേക്ഷ ഫോം www.keralaagriculture.gov.in എന്ന വെബ്സൈറ്റിൽ നിന്നും ഡൗൺലോഡ് ചെയ്യാം. പ്രായപരിധി 21.08.2023 ന് 18 മുതൽ 41 വയസ്സ് വരെ.

സംസ്ഥാന സർക്കാർ സ്ഥാപനമായ ഐ.എച്ച്.ആർ.ഡിയുടെ മോഡൽ ഫിനിഷിങ്ങ് സ്കൂൾ കലൂരിൽ ആരംഭിക്കുന്ന വിവിധ കോഴ്‌സുകളിലെ ഒഴിവുളള സീറ്റുകളിലേക്ക് അപേക്ഷ ക്ഷണിച്ചു.  പോസ്റ്റ് ഗ്രാജുവേറ്റ് ഡിപ്ലോമ ഇൻ കംപ്യൂട്ടർ ആപ്ലിക്കേഷൻസ് (യോഗ്യത ബിരുദം), ഡിപ്ലോമ ഇൻ കംപ്യൂട്ടർ ആപ്ലിക്കേഷൻസ് 
(യോഗ്യത പ്ലസ് ടു ) എന്നീ കോഴ്‌സുകളിലാണ് സീറ്റ് ഒഴിവുള്ളത്. താത്പര്യമുള്ളവർ കലൂർ ജവഹർലാൽ നെഹ്രു ഇന്റർ നാഷണൽ സ്റ്റേഡിയത്തിൽ പ്രവർത്തിക്കുന്ന മോഡൽ ഫിനിഷിങ്ങ് സ്കൂൾ ഓഫീസുമായി ബന്ധപ്പെടുക. ഫോൺ- 0484 2985252, 8547005092