2023-24 അധ്യയന വർഷത്തിൽ മലപ്പുറം ഗവ. കോളേജിൽ ഒന്നാം വർഷ ബി.എസ്.സി കെമിസ്ട്രി കോഴ്സില്‍ ഒഴിവുള്ള സീറ്റുകളിലേക്ക് സ്പോട്ട് അഡ്മിഷൻ നടത്തുന്നു. എസ്.സി/എസ്.ടി-2, ഇ.ഡബ്ല്യു.എസ്-1, പി.ഡബ്ല്യു.ഡി-2, ലക്ഷദ്വീപ് -1 എന്നീ വിഭാഗങ്ങളിലാണ് ഒഴിവുകൾ. താത്പര്യമുള്ള വിദ്യാർഥികൾ സെപ്റ്റംബർ 18ന് രാവിലെ 10 മുതൽ മൂന്ന് വരെ  കോളേജ് പ്രിൻസിപ്പൽ മുൻപാകെ അസ്സൽ യോഗ്യതാ സർട്ടിഫിക്കറ്റുകളുമായി ഹാജരാകേണ്ടതാണ്. ഫോൺ: 9061734918.

 കേരള മീഡിയ അക്കാദമി ഇൻസ്റ്റിറ്റ്യൂട്ട് ഓഫ് കമ്യൂണിക്കേഷനിലെ വീഡിയോ എഡിറ്റിങ് കോഴ്‌സില്‍ ഒഴിവുള്ള ഏതാനും സീറ്റുകളിലേക്കുള്ള സ്പോട്ട് അഡ്മിഷൻ സെപ്റ്റംബർ 19ന് നടക്കും. 34,500 രൂപയാണ് കോഴ്‌സ് ഫീസ്.  പട്ടികജാതി/പട്ടികവർഗ/ഒ.ഇ.സി വിദ്യാർഥികൾക്ക് ഫീസ് ആനുകൂല്യം ലഭിക്കും. പ്രായപരിധി 30 വയസ്സ്. പട്ടികജാതി/ പട്ടികവർഗ്ഗ വിഭാഗക്കാർക്ക് നിയമാനുസൃത വയസ്സിളവുണ്ട്. പ്ലസ്ടുവാണ് അടിസ്ഥാന യോഗ്യത. ജനറൽ വിഭാഗത്തിന് അപേക്ഷാഫീസ് 300 രൂപ, എസ്.സി/ എസ്.ടി/ ഒ.ഇ.സി വിഭാഗങ്ങൾക്ക് 150 രൂപ. ഫോൺ:  0484-2422275, 9447607073. വെബ്‌സൈറ്റ്:www.keralamediaacademy.org.
 

സമഗ്രശിക്ഷ കേരളയും കെ ഡിസ്‌ക്കും സംയുക്തമായി സംഘടിപ്പിക്കുന്ന വൈ.ഐ.പി ശാസ്ത്രപഥം -5.0 പരിപാടിയുടെ ഡി.ആർ.ജി പരിശീലനം മലപ്പുറം മലബാർ ഹെറിറ്റേജ് ഹോട്ടലില്‍ വച്ച് നടന്നു. സമഗ്ര ശിക്ഷാ കേരളം മലപ്പുറം ജില്ലാ പ്രോഗ്രാം ഓഫീസർ എം.ഡി മഹേഷ് ഉദ്ഘാടനം ചെയ്തു. ബ്ലോക്ക് പ്രോജക്ട് കോ ഓർഡിനേറ്റർ എം.പി സുധീർ ബാബു അധ്യക്ഷത വഹിച്ചു. കെ-ഡിസ്‌ക് പ്രോഗ്രാം എക്സിക്യൂട്ടീവ് ടി ജുൽഫർ സ്വാഗതവും വൈ.ഐ.പി ജില്ലാ കോർഡിനേറ്റർ ഹിഷാം നന്ദിയും പറഞ്ഞു. അശോക് നെന്മാറ, നിതിൻ നങ്ങോത്ത്, എൻ.കെ രശ്മി എൻകെ, എ. ജയൻ എന്നിവർ പരിശീലനത്തിന് നേതൃത്വം നൽകി.

ജില്ലയിലെ ആധാർ അപ്ഡേഷനുമായി ബന്ധപ്പെട്ട പ്രവർത്തനങ്ങൾ ഏകോപിപ്പിക്കുന്നതിന്റെ ഭാഗമായി ജില്ലാതല ആധാർ മോണിറ്ററിങ് കമ്മിറ്റി യോഗം ചേർന്നു. അഡീഷണല്‍ ജില്ലാ മജിസ്ട്രേറ്റ് എന്‍.എം മെഹറലി അധ്യക്ഷത വഹിച്ചു. നിലവിൽ ജില്ലയിലെ ആധാർ കാർഡ് പുതുക്കുന്നതുമായി ബന്ധപ്പെട്ട പ്രവർത്തനങ്ങളും ആധാർ കേന്ദ്രങ്ങളുടെ പ്രവർത്തനങ്ങളും വിലയിരുത്തി. ആധാര്‍ പുതുക്കുന്നതില്‍ നിലവില്‍ സംസ്ഥാനതലത്തില്‍ മലപ്പുറം ജില്ലയാണ് മുന്നില്‍.  

                  കേരള സംസ്ഥാന വ്യവസായ വികസന കോർപ്പറേഷൻ (കെഎസ്‌ഐഡിസി) 'വ്യവസായ കേരളം' എന്ന വിഷയത്തിൽ സംഘടിപ്പിക്കുന്ന ഫോട്ടോഗ്രഫി മത്സരത്തിലേക്ക് എൻട്രികൾ അയക്കാനുള്ള അവസാന തീയതി ഒക്ടോബർ അഞ്ച് വരെ

കേരള പബ്ലിക് സർവ്വീസ് കമ്മീഷൻ വിവിധ സർവ്വകലാശാലകളിൽ ഓഫീസ് അറ്റന്റന്റ്/കൂലി വർക്കർ (കേരളാ വാട്ടർ അതോറിറ്റി) തുടങ്ങിയ തസ്തികകളിലേക്കുള്ള ഒ.എം.ആർ പരീക്ഷ (പ്രിലിമിനറി-നാലാം ഘട്ടം) സെപ്റ്റംബർ 23ന് ഉച്ചയ്ക്ക് 1.30 മുതൽ 03.15 വരെ മലപ്പുറം ജില്ലയിലെ വിവിധ പരീക്ഷാ കേന്ദ്രങ്ങളിൽ നടക്കും. ഉദ്യോഗാർഥികൾ അവരവരുടെ പ്രൊഫൈലിൽ നിന്നും ഡൗൺലോഡ് ചെയ്തിട്ടുള്ള അഡ്മിഷൻ ടിക്കറ്റും കമ്മീഷൻ അംഗീകരിച്ചിട്ടുള്ള തിരിച്ചറിയൽ കാർഡും (അസ്സൽ) സഹിതം അഡ്മിഷൻ ടിക്കറ്റിൽ നിർദ്ദേശിച്ചപ്രകാരം പരീക്ഷാ കേന്ദ്രങ്ങളിൽ എത്തിച്ചേരണം.

           ഗാർഹികാവശ്യങ്ങൾക്കായുള്ള തേക്കുതടിയുടെ ചില്ലറ വിൽപ്പന തിരുവനന്തപുരം തടി വിൽപ്പന ഡിവിഷനു കീഴിലുള്ള തെന്മല ഗവ. തടി ഡിപ്പോയിൽ സെപ്റ്റംബർ 25 ന് ആരംഭിക്കും.

2023-24 അധ്യയന വർഷത്തിൽ മലപ്പുറം ഗവ. വനിതാ കോളേജിൽ ഒന്നാം വർഷ എം.എസ്.സി ബോട്ടണിയിൽ എസ്.സി, ബി.എ ഇംഗ്ലീഷിൽ മുസ്ലിം, ഇ.ടി.ബി എന്നീ വിഭാഗങ്ങളിൽ സീറ്റ് ഒഴിവുണ്ട്. താത്പര്യമുള്ള വിദ്യാർഥിനികൾ സെപ്റ്റംബർ 19ന് ഉച്ചയ്ക്ക് രണ്ട് മണിക്ക്  മുമ്പായി കോളേജ് പ്രിൻസിപ്പൽ മുൻപാകെ അസ്സൽ യോഗ്യതാ സർട്ടിഫിക്കറ്റുകളുമായി ഹാജരാകേണ്ടതാണ്. റാങ്ക് ലിസ്റ്റിൽ ഉൾപ്പെട്ട വിദ്യാർഥിനികൾക്കായിരിക്കും മുൻഗണന. ഫോൺ: 0483 2972200.

        ഐ.എച്ച്.ആർ.ഡി.യുടെ  സോഫ്റ്റ്‌വെയർ ഡെവലപ്മെന്റ് യൂണിറ്റിന് (SDU) പ്രതിമാസം 16800 രൂപ (പതിനാറായിരത്തി

പൊന്നാനി ബ്ലോക്ക് പഞ്ചായത്തിൽ നടപ്പാക്കുന്ന വനിതകൾക്കായുള്ള ബ്യൂട്ടി തെറാപ്പി ബ്രൈഡൽ മേക്കപ്പ് പരിശീലന പരിപാടിയുടെ ഭാഗമായി പരിശീലനം നടത്തുന്നതിനായി ദേശീയ സെക്ട്രൽ സ്‌കിൽ കൗൺസിൽ (എൻ.എസ്.ഡി.സി) അംഗീകരിച്ച സ്ഥാപനങ്ങളിൽ നിന്നും അപേക്ഷ ക്ഷണിച്ചു. അപേക്ഷകർ ഇൻഡസ്ട്രിയൽ എക്‌സ്റ്റെൻഷൻ ഓഫീസർ, പൊന്നാനി ബ്ലോക്ക് ഡെവലപ്പ്‌മെന്റ് ഓഫീസ്, എടപ്പാൾ എന്ന വിലാസത്തിലോ മെയിൽ മുഖേനയോ അയക്കാം. ഇ-മെയിൽ: leopnib@gmail.com. ഫോൺ: 9188127167.