കുട്ടനെല്ലൂർ സി അച്യുതമേനോൻ ഗവ. കോളജിൽ ബി എ ഇക്കണോമിക്സ്, ഹിസ്റ്ററി, ഇംഗ്ലീഷ്, ബി എസ് സി  സ്റ്റാറ്റിസ്റ്റിക്സ്, മാത്തമാറ്റിക്സ്, സൈക്കോളജി, ബി ബി എ, ബി കോം ഫിനാൻസ്, എം എ ഇക്കണോമിക്സ്, ഇംഗ്ലീഷ്, ഹിസ്റ്ററി, എം കോം മാർക്കറ്റിങ്, എം എസ് സി സൈക്കോളജി തുടങ്ങിയ വിഷയങ്ങളിൽ വിവിധ സംവരണ സീറ്റുകളിൽ ഒഴിവുണ്ട്. 

അസൽ സർട്ടിഫിക്കറ്റുകൾ, പകർപ്പുകൾ,യൂണിവേഴ്സിറ്റി കാപ് രജിസ്ട്രേഷൻ രേഖകൾ സഹിതം ഇന്ന് (സെപ്റ്റംബർ 15) വൈകീട്ട് 3 നകം കോളജിൽ ഹാജരാകണം. വിവരങ്ങൾക്ക് www.govtcollegethrissur.ac. in സന്ദർശിക്കുക. ഫോൺ 0487 2353022.

ഡി എൽ എഡ് കോഴ്സിന്‍റെ സർക്കാർ/ എയ്ഡഡ്, ടി ടി ഐകളിലെ സയൻസ്, ഹ്യൂമാനിറ്റീസ്, കൊമേഴ്സ് എന്നീ വിഷയങ്ങളിലേക്കുള്ള ഒന്നാംഘട്ട പ്രവേശന അഭിമുഖം (പ്രമാണ പരിശോധന) സെപ്റ്റംബർ 18 മുതൽ 21 വരെ സിഎംഎസ് ഹൈസ്കൂളിൽ നടത്തും. അർഹരായവരുടെ പട്ടിക കളക്ടറേറ്റിലെ വിദ്യാഭ്യാസ ഉപഡയറക്ടറുടെ  ഓഫീസിലെ നോട്ടീസ് ബോർഡിൽ പ്രസിദ്ധീകരിച്ചിട്ടുണ്ട്. യോഗ്യത, ആനുകൂല്യം തെളിയിക്കുന്ന അസൽ രേഖകൾ സഹിതം രാവിലെ 10ന് മുമ്പായി ഹാജരാകണം. പിഎസ്‌സി  റാങ്ക് ലിസ്റ്റ് പ്രകാരമാണ് പ്രവേശനം  നൽകുക. ഫോൺ: 0487 2360810.

ചാവക്കാട് ഐ സി ഡി എസ് പ്രോജക്ട് ഓഫീസിലേക്ക് വാഹനം വാടകയ്ക്ക് നൽകാൻ താല്പര്യമുള്ള വ്യക്തികൾ/ സ്ഥാപനങ്ങളിൽ നിന്നും ദർഘാസ് ക്ഷണിച്ചു. 2400 രൂപയാണ് നിരതദ്രവ്യം. സെപ്റ്റംബർ 21 ഉച്ചയ്ക്ക് രണ്ടുവരെ സമർപ്പിക്കാം. ഫോൺ: 0487 2507707.

കുന്നംകുളം അസാപ് കമ്മ്യൂണിറ്റി സ്‌കിൽ പാർക്കിൽ ഏകദിന ഫാബ്രിക് പെയിന്റിങ് ശിൽപശാല സംഘടിപ്പിക്കുന്നു. ലിക്വിഡ് എംബ്രോയ്ഡറി, പെയിന്റ് ഉപയോഗിച്ചുള്ള എംബ്രോയ്ഡറി വർക്ക്, ഗോട്ട പതി വർക്ക് തുടങ്ങി നിരവധി സാങ്കേതിക വിദ്യകൾ ശിൽപശാലയിൽ ഉൾപ്പെടുന്നു. പങ്കെടുക്കാൻ താല്പര്യമുള്ളവർ 
https://bit.ly/asapcspkkmfab ലിങ്കിൽ രജിസ്റ്റർ ചെയ്യുക. മുൻപരിചയം ആവശ്യമില്ല.  എല്ലാ സാമഗ്രികളും അസാപ് കേരള നൽകും.ഫോൺ: 9947797719.

സർക്കാർ മെഡിക്കൽ കോളജുകളിൽ സീനിയർ റെസിഡന്റ് താൽക്കാലിക ഒഴിവുകളുണ്ട്. എം ബി ബി എസ് ബിരുദവും എം ഡി / എം എസ്/ ഡി എൻ ബി ബിരുദാനന്തര യോഗ്യതയും കൗൺസിൽ രജിസ്ട്രേഷനും ഉണ്ടായിരിക്കണം. 2023 ജനുവരി ഒന്നിന് 50 വയസ് കവിയരുത്. താല്പര്യമുള്ളവർ സെപ്റ്റംബർ 20 നകം ബന്ധപ്പെട്ട പ്രൊഫഷണൽ ആൻഡ് എക്സിക്യൂട്ടീവ് എംപ്ലോയ്മെന്റ് എക്സ്ചേഞ്ചിൽ പേര് രജിസ്റ്റർ ചെയ്യണം. ഫോൺ: 0484- 2312944.

അഭ്യസ്തവിദ്യരായ യുവജനങ്ങൾക്ക് ജില്ലയിലെ കൃഷിഭവനകളിൽ ഇന്റേൺഷിപ്പ് ചെയ്യാൻ കാർഷിക വികസന കർഷക ക്ഷേമ വകുപ്പ് അവസരം ഒരുക്കുന്നു. വി എച്ച് എസ് സി (അഗ്രി) പൂർത്തിയാക്കിയവർക്കും അഗ്രികൾച്ചർ/ ഓർഗാനിക് ഫാമിംഗ് എന്നിവയിൽ ഡിപ്ലോമ ഉള്ളവർക്കും അപേക്ഷിക്കാം. 2023 ഓഗസ്റ്റ് ഒന്നിന് പ്രായപരിധി 18 -41 വയസ്. സെപ്റ്റംബർ 19 വരെ www.keralaagriculture.gov.in ൽ ഓൺലൈനായും കൃഷിഭവൻ/ കൃഷി അസിസ്റ്റന്റ് ഡയറക്ടർ ഓഫീസുകൾ വഴി ഓഫ് ലൈനായും അപേക്ഷ നൽകാം. സെപ്റ്റംബർ 21 മുതൽ ബ്ലോക്ക്തല കൃഷി അസിസ്റ്റന്റ് ഡയറക്ടറുടെ ഓഫീസുകളിൽ അഭിമുഖം നടത്തും. വിശദവിവരങ്ങൾ അതത് കൃഷിഭവനകളിൽ ലഭിക്കും.

അരിമ്പൂർ ഗ്രാമപഞ്ചായത്തിൽ കുടുംബശ്രീ പ്രവർത്തകർക്ക് സ്വന്തമായി ഒരു ഓഫീസ് എന്ന സ്വപ്നം യാഥാർഥ്യമായി. കുടുംബശ്രീ പ്രസ്ഥാനം ആരംഭിച്ച് 25 വർഷം പിന്നിടുന്ന വേളയിൽ  ഗ്രാമപഞ്ചായത്തിന് അടുത്തായി മഹാത്മാ ഗ്രന്ഥശാലയുടെയും കുടുംബശ്രീ ജനകീയ ഹോട്ടലിന്റെയും സമീപത്തായാണ്  പ്രവർത്തനങ്ങൾ ഏകോപിക്കുന്നതിന് പുതിയ ഓഫീസ് തുറന്നത്. 

രാജ്യത്തെ മികച്ച ശുചിത്വ നഗരങ്ങളെ തെരഞ്ഞെടുക്കുന്നതിനായി നടക്കുന്ന ഇന്ത്യന്‍ സ്വച്ഛതാ ലീഗില്‍ ഗുരുവായൂര്‍ ദി ന്യൂ മില്ലേനിയം ടീം എന്ന പേരില്‍ മത്സരിക്കുന്ന ഗുരുവായൂര്‍ നഗരസഭ, ശുചിത്വ സന്ദേശം വിളംബരം ചെയ്ത് ജനകീയ മാരത്തോണ്‍ സംഘടിപ്പിച്ചു. നഗരസഭ ഓഫീസ് പരിസരത്ത് പ്രത്യേകം സജ്ജീകരിച്ച സ്വച്ഛതാ സ്ക്വയറില്‍  നിന്നും ആരംഭിച്ച മാരത്തോണ്‍ നഗരസഭാ ചെയര്‍മാന്‍ എം കൃഷ്ണദാസ് ഫ്ളാഗ് ഓഫ് ചെയ്തു.   
      

18 വയസ്സ് വരെയുള്ള കുട്ടികളിലെ രോഗനിർണയം ലക്ഷ്യം

കുഷ്ഠരോഗ നിർമാർജനത്തിന്റെ ഭാഗമായി കുട്ടികളിലെ രോഗനിർണയം നടത്തുന്നതിന് ജില്ലയിൽ ബാലമിത്ര 2.0 ക്യാമ്പയിൻ സെപ്റ്റംബർ 20 മുതൽ നവംബർ 30 നടത്തുന്നു. ജില്ലാ കലക്ടറിന്റെ അധ്യക്ഷതയിൽ വിവിധ വകുപ്പുകളുടെ യോഗം ചേർന്നു.

കുഷ്ഠരോഗത്തെ നേരിടാം...

തൃശൂർ ജില്ലാ ശിശുക്ഷേമ സമിതിയുടെ നേതൃത്വത്തിൽ ക്ലിന്റ് സ്മാരക സംസ്ഥാന ബാലചിത്രരചനാ മത്സരം നടത്തുന്നു. സെപ്റ്റംബർ 16 ന് രാവിലെ 9 മുതൽ ഉച്ചയ്ക്ക് 1 വരെ തൃശ്ശൂർ ഗവ. മോഡൽ എച്ച്.എസ്.എസിൽ നടക്കുന്ന പരിപാടി ജില്ലാ പഞ്ചായത്ത് പ്രസിഡന്റ് പി.കെ ഡേവിസ് മാസ്റ്റർ ഉദ്ഘാടനം ചെയ്യും. കൂടുതൽ വിവരങ്ങൾക്ക് 8281094209, 9447711 814, 9447992333, 9961910081 എന്നീ നമ്പറുകളിൽ ബന്ധപ്പെടുക.