ആലപ്പുഴ: ജലജീവന്‍ മിഷന്റെയും കുടുംബശ്രീയുടെയും ആഭിമുഖ്യത്തില്‍ മാവേലിക്കര താമരക്കുളം ഗ്രാമപഞ്ചായത്തില്‍ ജലസംരക്ഷണ പ്രവര്‍ത്തന മാതൃകയുടെ പ്രദര്‍ശനം സംഘടിപ്പിച്ചു. എട്ടോളം സ്‌കൂളുകളിലെ എല്‍.പി, യു.പി വിഭാഗം വിദ്യാര്‍ഥികള്‍ നിര്‍മിച്ച മാതൃകകളാണ് പ്രദര്‍ശിപ്പിച്ചത്. 

ആലപ്പുഴ: പുന്നപ്ര തെക്ക് ഗ്രാമപഞ്ചായത്ത് നടപ്പാക്കിയ വണ്‍ ടേബിള്‍ വണ്‍ ചെയര്‍ പദ്ധതിയുടെ പൂര്‍ത്തീകരണ പ്രഖ്യാപനം ഗവ. ജെ.ബി. സ്‌കൂളില്‍ എച്ച്. സലാം എം.എല്‍.എ. നിര്‍വഹിച്ചു. സര്‍ക്കാര്‍ സ്‌കൂളുകളുടെ നിലവാരം മെച്ചപ്പെടുത്താനായി പഞ്ചായത്തിലെ എല്ലാ സര്‍ക്കാര്‍ സ്‌കുളുകളിലും ആധുനിക മേശയും കസേരയും നല്‍കുന്നതാണ് പദ്ധതി. 

കേരള ഇൻസ്റ്റിറ്റ്യൂട്ട് ഫോർ എന്റർപ്രണർഷിപ്പ് ഡെവലപ്‌മെന്റ് ഏഴ് ദിവസത്തെ ബിസിനസ് എസ്റ്റാബ്ലിഷ്‌മെന്റ് പരിശീലനം സംഘടിപ്പിക്കുന്നു. ഒക്ടോബർ നാല് മുതൽ 11 വരെ കളമശ്ശേരിയിലെ ഇൻസ്റ്റിറ്റ്യൂട്ടിൽ നടക്കുന്ന പരിശീലനത്തിൽ പങ്കെടുക്കാൻ www.kied.info എന്ന വൈബ്സൈറ്റിൽ അപേക്ഷ നൽകണം. അപേക്ഷിക്കേണ്ട അവസാന തീയതി സെപ്റ്റംബർ 25. നിലവിൽ സംരംഭം തുടങ്ങി അഞ്ച് വർഷത്തിൽ താഴെ പ്രവൃത്തി പരിചയമുള്ള സംരംഭകർക്ക് പങ്കെടുക്കാം. താമസവും ഭക്ഷണവും ഉൾപ്പടെ 4130 രൂപയാണ് ഫീസ്. ഫോൺ: 0484 2532890, 2550322, 9605542061.
 

എസ് സി/ എസ് ടി കോർപ്പറേഷൻ കുടിശ്ശിക ഈടാക്കുന്നതിനായി ജപ്തി ചെയ്ത മക്രേരി അംശം മുണ്ടലൂർ ദേശത്ത്  റീ സ 31/4ൽ പെട്ട 61/2 സെന്റ് ഭൂമി സെപ്റ്റംബർ 21ന് രാവിലെ 11 മണിക്ക് മക്രേരി വില്ലേജ് വില്ലേജ് ഓഫീസിൽ ലേലം ചെയ്യും. കൂടുതൽ വിവരങ്ങൾ മക്രേരി വില്ലേജ് ഓഫീസിലും കണ്ണൂർ താലൂക്ക് ഓഫീസിലെ ആർ ആർ സെക്ഷനിലും ലഭിക്കും.

തലശ്ശേരി ഗവ. ബ്രണ്ണൻ കോളേജിലേക്ക് സ്‌പോർട്‌സ് ജേഴ്‌സികൾ വിതരണം ചെയ്യുന്നതിന് ക്വട്ടേഷൻ ക്ഷണിച്ചു. സെപ്റ്റംബർ 25ന് വൈകിട്ട് അഞ്ച് മണി വരെ ക്വട്ടേഷൻ സ്വീകരിക്കും. ഫോൺ: 0490 2346027.

ഗാന്ധിജയന്തി ദിനാഘോഷങ്ങളുടെ ഭാഗമായി നടത്തുന്ന ശുചിത്വ പ്രവർത്തനങ്ങൾക്ക് തുടക്കം കുറിച്ച് തളിപ്പറമ്പ് നഗരസഭ. കേന്ദ്ര പാർപ്പിട നഗര കാര്യ മന്ത്രാലയം നടപ്പാക്കുന്ന ഇന്ത്യൻ സ്വച്ഛതാ ലീഗ് 2.0 ക്യാമ്പയിൻ പ്രവർത്തനത്തിന്റെ  ഉദ്ഘാടനം നഗരസഭ അധ്യക്ഷ മുർഷിദ കൊങ്ങായി നിർവഹിച്ചു. ക്യാമ്പയിന്റെ ഭാഗമായി വിവിധ ശുചിത്വ ബോധവൽക്കരണ പരിപാടികൾ സംഘടിപ്പിക്കും. സെപ്റ്റംബർ 17ന് മാസ്സ് ക്ലീനിങ് ഡ്രൈവ് നടത്തും. ടൗൺസ്‌ക്വയറിൽ നടന്ന പരിപാടിയിൽ ആരോഗ്യ സ്റ്റാൻഡിങ് കമ്മിറ്റി ചെയർപേഴ്സൺ നബീസ ബീവി അധ്യക്ഷത വഹിച്ചു.

നാടും നഗരവും ശുചിത്വസുന്ദരമാക്കാനുള്ള ഇന്ത്യൻ സ്വച്ഛതാ ലീഗ് സീസൺ 2 ശുചിത്വ ക്യാമ്പയിന് പയ്യന്നൂർ നഗരസഭയിൽ  തുടക്കമായി. വിദ്യാർഥികൾ, ജനപ്രതിനിധികൾ, ചിത്രകാരൻമാർ, കുടുംബശ്രീ- ഹരിതകർമ്മസേന, ശുചീകരണ തൊഴിലാളികൾ സന്നദ്ധസംഘടന പ്രതിനിധികൾ തുടങ്ങിയവർ മനുഷ്യശൃംഖല തീർത്ത് പ്രതിജ്ഞ ചൊല്ലിയാണ് ക്യാമ്പയിന് തുടക്കമിട്ടത്. പരിപാടികളുടെ ഉദ്ഘാടനം കാപ്പാട് തണൽ ഇക്കോ പാർക്കിൽ നഗരസഭ ചെയർപേഴ്സൺ കെ വി ലളിത നിർവ്വഹിച്ചു.

തോട്ടട ഗവ വൊക്കേഷണല്‍ ഹയര്‍സെക്കണ്ടറി  സ്‌കൂളില്‍  രാമചന്ദ്രന്‍ കടന്നപ്പള്ളി എം എല്‍ എ കെട്ടിട ശിലാസ്ഥാപനം നടത്തി.  ഒരു കോടി രൂപയുടെ കെട്ടിടമാണ് നിര്‍മിക്കുക.

സാക്ഷരതാ മിഷൻ ഹയർ സെക്കണ്ടറി വകുപ്പുമായി ചേർന്ന് നടത്തുന്ന ഹയർ സെക്കണ്ടറി തുല്യതാ കോഴ്‌സിലേക്കുള്ള പൊളിറ്റിക്കൽ സയൻസ്, സോഷ്യോളജി വിഷയങ്ങളിലെ അധ്യാപക ബാങ്കിലേക്ക് അപേക്ഷ ക്ഷണിച്ചു. ബന്ധപ്പെട്ട വിഷയത്തിൽ ബിരുദാനന്തര ബിരുദം, ബിഎഡ്, സെറ്റ് എന്നിവയാണ് യോഗ്യത. താൽപര്യമുള്ളവർ ജില്ലാ കോ-ഓർഡിനേറ്റർ, ജില്ലാ സാക്ഷരതാമിഷൻ, സിവിൽ സ്റ്റേഷൻ പി ഒ കണ്ണൂർ എന്ന വിലാസത്തിൽ ബന്ധപ്പെട്ട സർട്ടിഫിക്കറ്റുകളുടെ കോപ്പി സഹിതം സെപ്തംബർ 20 നകം അപേക്ഷ  നൽകണം.