ആലപ്പുഴ: പ്രധാനമന്ത്രി പോഷന്‍ അഭിയാന്‍ പദ്ധതിയുടെ ഭാഗമായി തഴക്കര കുന്നം എല്‍.പി. സ്‌കൂളില്‍ നിര്‍മിച്ച കിച്ചന്‍ കം സ്റ്റോര്‍ ഗ്രാമപഞ്ചായത്ത് പ്രസിഡന്റ് ഷീബ സതീഷ് ഉദ്ഘാടനം ചെയ്തു.

ആലപ്പുഴ: അംബേദ്കര്‍ ഗ്രാമവികസന പദ്ധതിയില്‍ ഉള്‍പ്പെടുത്തി തൈക്കാട്ടുശ്ശേരി ഗ്രാമപഞ്ചായത്തിലെ ഉളവയ്പ്പില്‍ നടത്തുന്ന വികസന പദ്ധതികളുടെ നിര്‍മാണോദ്ഘാടനം  ദലീമ ജോജോ എം.എല്‍.എ. നിര്‍വഹിച്ചു. തൈക്കാട്ടുശ്ശേരി ഗ്രാമപഞ്ചായത്ത് പ്രസിഡന്റ് ഡി. വിശ്വംബരന്‍ അധ്യക്ഷത വഹിച്ചു.

അരൂര്‍ മണ്ഡലത്തിലെ പട്ടികജാതി കോളനികളില്‍ ഒന്നായ ഉളവയ്പ്പില്‍ മൂന്ന് പ്രധാന റോഡുകളും കള്‍വര്‍ട്ടും ഉള്‍പ്പടെ ഒരു കോടി രൂപ ചെലവിട്ടുള്ള വികസന പ്രവര്‍ത്തനങ്ങളാണ് നടത്തുന്നത്. 75 ഓളം കുടുംബങ്ങളാണ് ഇവിടെയുള്ളത്.

ആലപ്പുഴ: സ്വന്തം ശരീരത്തെ അത്രമേല്‍ ഇഷ്ടപ്പെടുന്നവര്‍ക്ക് മാത്രമേ പുറത്ത് നിന്നുള്ളവരുടെ ആധിപത്യം ഇല്ലാതാക്കി ലഹരിയില്‍ നിന്നും സ്വയം സുരക്ഷിതരാവാന്‍ സാധീക്കൂവെന്ന് കൃഷി മന്ത്രി പി. പ്രസാദ് പറഞ്ഞു. എക്‌സൈസ് വകുപ്പും വിമുക്തി മിഷനും ചേര്‍ന്ന് നടത്തിയ ചേര്‍ത്തല മണ്ഡലതല ഏകദിന ക്യാമ്പ് ഉദ്ഘാടനം ചെയ്ത് സംസാരിക്കുകയായിരുന്നു മന്ത്രി. 
 

ആലപ്പുഴ: കളക്ടറെന്ന നിലയില്‍ ജില്ലയിലെ വിദ്യാര്‍ഥികള്‍ക്കായി മാഡം എന്തൊക്കെയാണ് ചെയ്യാന്‍ ഉദ്ദേശിക്കുന്നത്? സ്‌കൂള്‍ കോളജ് തലം മുതല്‍ ഇന്നുവരെ കളക്ടര്‍ മാഡത്തെ  സ്വാധീനിച്ച പ്രധാന വ്യക്തികള്‍ ആരൊക്കെ? ശുദ്ധമായ മലയാളി ഭാഷാശൈലിയില്‍ സംസാരിക്കാന്‍ എങ്ങനെ കഴിയുന്നു? തുടങ്ങി സ്‌കൂള്‍ വിദ്യാര്‍ഥികളുടെ പക്വതയാര്‍ന്ന ചോദ്യങ്ങള്‍ക്ക് മറുപടി നല്‍കിയും സംവദിച്ചും ജില്ല കളക്ടര്‍ ഹരിത വി. കുമാര്‍.

കേരള സംസ്ഥാന പട്ടികജാതി പട്ടികവര്‍ഗ്ഗ വികസന കോര്‍പ്പറേഷന്‍ സുവര്‍ണ്ണ ജൂബിലിയോടനുബന്ധിച്ച് പ്രഖ്യാപിച്ച ഒറ്റത്തവണ കുടിശ്ശിക തീര്‍പ്പാക്കല്‍ പദ്ധതിയുടെ ഭാഗമായി റവന്യൂ വകുപ്പുമായി സഹകരിച്ച് പാലക്കാട് താലൂക്ക്തല അദാലത്ത് നടത്തി. കോര്‍പ്പറേഷനില്‍ നിന്നുള്ള വായ്പ കുടിശ്ശികയിന്മേല്‍ റവന്യൂ റിക്കവറിയായവര്‍ക്ക് വേണ്ടിയാണ് അദാലത്ത്. വായ്പാ കുടിശ്ശികയുടെ പലിശ, പിഴപലിശയിനത്തില്‍ ആകര്‍ഷകമായ ഇളവുകള്‍ നല്‍കി വായ്പ കണക്ക് അവസാനിപ്പിക്കുവാന്‍ അദാലത്തുവഴി സാധിച്ചു. നിരവധിപേര്‍ പദ്ധതിയുടെ ആനുകൂല്യം പ്രയോജനപ്പെടുത്തി.

റവന്യൂ വകുപ്പില്‍ പാലക്കാട് ജില്ലയില്‍ വില്ലേജ് ഫീല്‍ഡ് അസിസ്റ്റന്റ് തസ്തികയില്‍ ഉണ്ടായ ഒഴിവിലേക്ക് എംപ്ലോയ്മെന്റ് എക്സ്ചേഞ്ച് മുഖേന താല്‍ക്കാലിക നിയമനം നല്‍കുന്നതിനായി സെപ്റ്റംബര്‍ 2 ന് പാലക്കാട് പി.എം.ജി ഹയര്‍ സെക്കന്ററി സ്‌കൂളില്‍ നടത്തിയ എഴുത്ത് പരീക്ഷയില്‍ യോഗ്യരായ ഉദ്യോഗാര്‍ത്ഥികളുടെ സാധ്യത പട്ടിക പാലക്കാട് കളക്ടറേറ്റിലും എല്ലാ താലൂക്ക് ഓഫിസിലും പ്രസിദ്ധീകരിച്ചിച്ചുണ്ടെന്ന് ഹുസൂര്‍ ശിരസ്തദാര്‍ അറിയിച്ചു.

കുഴല്‍മന്ദം മോഡല്‍ റസിഡന്‍ഷ്യല്‍ പോളിടെക്നിക് കോളെജില്‍ കായികാദ്ധ്യാപകന്‍, കമ്പ്യൂട്ടര്‍, മെക്കാനിക്കല്‍ എഞ്ചിനീയറിങ്ങില്‍ ഡെമോണ്‍സ്ട്രേറ്റര്‍ എന്നീ ഒഴിവുകളില്‍ താല്‍ക്കാലിക നിയമനം. കായികാദ്ധ്യാപകന് എംപിഎഡ് ഒന്നാം ക്ലാസ്സോടെയുള്ള ബിരുദവും ഡെമോണ്‍സ്ട്രേറ്റര്‍ക്ക് കമ്പ്യൂട്ടര്‍, മെക്കാനിക്കല്‍ എഞ്ചിനീയറിങ്ങില്‍ ഒന്നാം ക്ലാസ്സോടെയുള്ള ത്രിവത്സര ഡിപ്ലോമയുമാണ് യോഗ്യത. താല്‍പര്യമുള്ളവര്‍ സെപ്റ്റംബര്‍ 19 ന് 9.30 ന് അസ്സല്‍ സര്‍ട്ടിഫിക്കറ്റുകള്‍ സഹിതം കൂടിക്കാഴ്ചക്ക് എത്തണമെന്ന് പ്രിന്‍സിപ്പാള്‍ അറിയിച്ചു. ഫോണ്‍: 8547005086.

ചിറ്റൂര്‍ ഗവ: കോളെജില്‍ ബിരുദാന്തര ബിരുദ ജ്യോഗ്രഫി കോഴ്സിന് എസ്.ടി 1, തമിഴ് ഭാഷ ന്യൂനപക്ഷം 1, ലക്ഷദ്വീപ് 1 എന്നീ വിഭാഗങ്ങളില്‍ സീറ്റ് ഒഴിവുണ്ട്. താല്‍പര്യമുള്ള വിദ്യാര്‍ത്ഥികള്‍ സെപ്റ്റംബര്‍ 18 ന് രാവിലെ 10 ന് ജ്യോഗ്രഫി വകുപ്പില്‍ റിപ്പോര്‍ട്ട് ചെയ്യണമെന്ന് പ്രിന്‍സിപ്പാള്‍ അറിയിച്ചു. ഫോണ്‍: 9446011887.
 

ജില്ലയിലെ സര്‍ക്കാര്‍/എയിഡഡ് സ്ഥാപനങ്ങളിലേയ്ക്ക് ഡി.എല്‍.എഡ് (ടി.ടി.സി) കോഴ്സിന് അപേക്ഷ ക്ഷണിച്ചു. സയന്‍സ് വിഭാഗം വിദ്യാര്‍ത്ഥികളുടെ കൂടിക്കാഴ്ച സെപ്റ്റംബര്‍ 18 ന് രാവിലെ 9.30 നും കൊമേഴ്സ് വിഭാഗം ഉച്ചയ്ക്ക് 1.30 നും പാലക്കാട് ബി.ഇ.എം.എച്ച്.എസില്‍ നടക്കും. തമിഴ് മീഡിയം എല്ലാ വിഷയങ്ങളിലേയ്ക്കുമുള്ള കൂടിക്കാഴ്ച  സെപ്റ്റംബര്‍ 19 ന് രാവിലെ 11 ന് സിവില്‍ സ്റ്റേഷനിലുള്ള വിദ്യാഭ്യാസ ഉപഡയറക്ടറുടെ ഓഫീസില്‍ നടക്കും. ഷുവര്‍/വെയിറ്റിംഗ് ലിസ്റ്റില്‍ ഉള്‍പ്പെട്ട മുഴുവന്‍ വിദ്യാര്‍ത്ഥികളും അസ്സല്‍ സര്‍ട്ടിഫിക്കറ്റുകള്‍ സഹിതം എത്തണം എന്ന് വിദ്യാഭ്യാസ ഉപഡയറക്ടര്‍ അറിയിച്ചു.

വനിതാ ശിശുവികസന വകുപ്പിനു കീഴിലുള്ള തൃത്താല അഡീഷണല്‍ ഐസിഡിഎസ് ഓഫീസിന്റെ ആവശ്യങ്ങള്‍ക്ക് കരാര്‍ അടിസ്ഥാനത്തില്‍ വാഹനം ആവശ്യമുണ്ട്. താത്പര്യമുള്ള വ്യക്തികള്‍/സ്ഥാപനങ്ങള്‍ എന്നിവരില്‍ നിന്നും ക്വട്ടേഷന്‍ ക്ഷണിച്ചു. വാഹനം ഏഴു വര്‍ഷത്തിലധികം കാലപ്പഴക്കം ഇല്ലാത്തതായിരിക്കണം. വാഹനത്തിന്റെ ഡ്രൈവറുടെ ശമ്പളം, ഇന്ധനച്ചെലവ്, ടാക്സ്, ഇന്‍ഷൂറന്‍സ്, മെയിന്റനന്‍സ്, മറ്റു അനുബന്ധ ചെലവുകളെല്ലാം വാഹന ഉടമ വഹിക്കേണ്ടതാണ്. പ്രതിമാസം 800 കീ.മീ വരെ ഓടുന്നതിനുള്ള വാടകയാണ് ദര്‍ഘാസില്‍ രേഖപ്പെടുത്തേണ്ടത് എന്ന് ചൈല്‍ഡ് ഡെവലപ്പ്മെന്റ് പ്രൊജക്ട് ഓഫീസര്‍ അറിയിച്ചു. അടങ്കല്‍ തുക 2,40,000 രൂപ.