മഞ്ചേരി ഗവ. ഇൻസ്റ്റിറ്റ്യൂട്ട് ഓഫ് ഫാഷൻ ഡിസൈനിങിലേക്കുള്ള സ്‌പോട്ട് അഡ്മിഷൻ സെപ്റ്റംബർ 12ന് രാവിലെ ഒമ്പതിന് ഗവ. ടെക്‌നിക്കൽ ഹൈസ്‌കൂൾ ഓഫീസിൽ നടക്കും. പങ്കെടുക്കാൻ ആഗ്രഹിക്കുന്ന വൺ ടൈം രജിസ്‌ട്രേഷൻ പൂർത്തിയാക്കിയവർ അസ്സൽ സർട്ടിഫിക്കറ്റുകളുമായി ഹാജരാവണം. ഫോൺ: 0483 2766185, 9744537484, 9400006489.

മലപ്പുറം ഗവ. കോളേജിൽ ബി.എ ഹിസ്റ്ററി (എസ്.ടി -ഒന്ന്, ലക്ഷദ്വീപ് -ഒന്ന്), ബി.എസ്.സി കെമിസ്ട്രി (ഇ.എസ്.ഡബ്ല്യു -ഒന്ന്, എസ്.സി -രണ്ട്, പി.ഡബ്ല്യു.ഡി -രണ്ട്, ലക്ഷദ്വീപ് -ഒന്ന്), എം.എ ഹിസ്റ്ററി (സ്‌പോർട് ക്വാട്ട -ഒന്ന്, ലക്ഷദ്വീപ് -ഒന്ന്), എം.കോം (സ്‌പോർട്‌സ് ക്വാട്ട -ഒന്ന്, ലക്ഷദ്വീപ് -ഒന്ന്) എന്നീ കോഴ്സുകളില്‍ പ്രവേശനത്തിന് സീറ്റുകൾ ഒഴിവുണ്ട്. താത്പര്യമുള്ള വിദ്യാർഥികൾ സെപ്റ്റംബർ ഏഴിന് രാവിലെ പത്ത് മുതൽ 3.30 വരെ സ്‌പോട്ട് അഡിമിഷന് ഹാജരാവണം. ഫോൺ: 9061734918.

മലപ്പുറം ജില്ലയിലെ താഴേക്കോട് വനിതാ ഐ.ടി.ഐയിൽ ഇലക്ട്രോണിക്‌സ് ട്രേഡിൽ (രണ്ടു വർഷം) പ്രവേശനത്തിന് ഏതാനും സീറ്റുകൾ ഒഴിവുണ്ട്. താത്പര്യമുള്ളവർ സെപ്റ്റംബർ 23ന് ഉച്ചയ്ക്ക് ഒരു മണിക്കകം എല്ലാ അസ്സൽ സർട്ടിഫിക്കറ്റുകളും ഫീസും സഹിതം നേരിട്ടെത്തി പ്രവേശനം നേടണം. ഫോൺ: 8075536612, 9961758942, 9846838621, 9961283536.

കൊണ്ടോട്ടി ഗവ. ആർട്‌സ് ആൻഡ് സയൻസ് കോളേജിൽ ബി.എ ഉറുദു വിഷയത്തിൽ എസ്.സി/ എസ്.ടി സീറ്റുകൾ ഒഴിവുണ്ട്. താത്പര്യമുള്ളവർ സെപ്റ്റംബർ ഏഴിന് അസ്സൽ സർട്ടിഫിക്കറ്റുകളുമായി ഹാജരാവണം. എം.എ ഇംഗ്ലീഷ് വിഷയത്തിൽ സ്‌പോർട്‌സ് ക്വാട്ട -ഒന്ന്, എസ്.ടി -ഒന്ന്, എം.എസ്.സി മാത്‌സ് വിഷയത്തിൽ ഇ.ഡബ്ല്യു.എസ് -എട്ട്, എസ്.സി -മൂന്ന്, എസ്.ടി -ഒന്ന്, സ്‌പോർട്‌സ് ക്വാട്ട -ഒന്ന് എന്നീ സീറ്റുകളും ഒഴിവുണ്ട്. താത്പ്യമുള്ളവർ സെപ്റ്റംബർ 11ന് അസ്സൽ സർട്ടിഫിക്കറ്റുകളുമായി കോളേജിൽ ഹാജാരാവണം.

താനൂര്‍ ഗവ. ആര്‍ട്സ് ആന്റ് സയന്‍സ് കോളേജില്‍ ‍ ഒന്നാം വര്‍ഷം ബി.എസ്.സി (ഇലക്ട്രോണിക്സ്), ബി എ ഇംഗ്ലീഷ് , ബി.സി.എ, ബി.ബി.എ , ബി.കോം, ഇന്റഗ്രേറ്റഡ് എം.എ മലയാളം എന്നീ കോഴ്സുകളിൽ ഇ.ഡബ്ല്യു.എസ്, എസ്.ടി, ഒ.ബി.എക്സ്, ലക്ഷദ്വീപ്, സ്പോര്‍ട്സ് എന്നീ സംവരണ വിഭാഗങ്ങളില്‍ ഏതാനും സീറ്റുകള്‍ ഒഴിവുണ്ട് . യോഗ്യരായവര്‍ പ്രവേശനം ലഭിക്കുന്നതിനായി സെപ്റ്റംബര്‍ എട്ടിന് രാവിലെ 11 മണിക്ക് മുമ്പായി യോഗ്യതാ സര്‍ട്ടിഫിക്കറ്റുകളുടെ അസ്സലുകളും സാക്ഷ്യപ്പെടുത്തിയ പകര്‍പ്പും സഹിതം കോളേജ് ഓഫീസില്‍ ഹാജരാവണമെന്ന് പ്രിന്‍സിപ്പല്‍ അറിയിച്ചു.

പി. എം. കിസാന്‍ 15 ാമത് ഗഡു ലഭിക്കാന്‍ ബാങ്ക് അക്കൗണ്ട്, ഇ.കെ.വൈ.സി, പി.എഫ്.എം.എസ് ഡയറക്ടര്‍ ബെനഫിറ്റ് ട്രാന്‍സഫറിന് ബാങ്ക് അക്കൗണ്ട് സജ്ജീകരിക്കുക തുടങ്ങിയ നടപടികള്‍ പൂര്‍ത്തീകരിക്കണമെന്ന് പ്രിന്‍സിപ്പല്‍ കൃഷി ഓഫീസര്‍ അറിയിച്ചു. ഈ നടപടികള്‍ പൂര്‍ത്തീകരിക്കാത്ത ഗുണഭോക്താക്കള്‍ അടുത്തുള്ള പോസ്റ്റ് ഓഫീസ് സന്ദര്‍ശിച്ച് ഇന്ത്യ പോസ്റ്റ് പെയ്‌മെന്റ് ബാങ്ക് അക്കൗണ്ട് തുടങ്ങുന്നതിലൂടെ ആനുകൂല്യം ലഭിക്കാനുള്ള നടപടികള്‍ പൂര്‍ത്തീകരിക്കാവുന്നതാണ്. അവസാന തീയതി സെപ്റ്റംബര്‍ 30.

നെയ്യാറ്റിൻകര ഗവൺമെൻറ് പോളിടെക്നിക് കോളേജിലെ ഒന്നാം വർഷ ഡിപ്ലോമ പ്രവേശനത്തിനായി ഒഴിവുള്ള സീറ്റുകളിലേക്ക് സെപ്റ്റംബർ 15ന് സ്പോട്ട് അഡ്മിഷൻ നടത്തും. സ്ട്രീം ഒന്നിൻ്റെ സ്പോട്ട് രജിസ്ട്രേഷൻ രാവിലെ 9 30നും സ്ട്രീം രണ്ടിന്റെ സ്പോട്ട് രജിസ്ട്രേഷൻ ഉച്ചയ്ക്ക് 1:30നും ആരംഭിക്കും. സ്ട്രീം ഒന്ന് റാങ്ക് ലിസ്റ്റിൽ ഉൾപ്പെട്ടവർക്ക് രാവിലെ 10.30 നും 11 മണിക്കുമായി അഡ്മിഷൻ നടക്കും. സ്ട്രീം രണ്ട് റാങ്ക് ലിസ്റ്റിൽ ഉൾപ്പെട്ട വർക്ക് ഉച്ചയ്ക്ക് രണ്ടുമണി മുതലാണ് സ്പോട്ട് അഡ്മിഷൻ.

കോട്ടയം: ഉന്നതവിദ്യാഭ്യാസ വകുപ്പിനു കീഴിലുള്ള അസാപ്പ് കേരളയുടെ പാമ്പാടി കമ്മ്യൂണിറ്റി സ്‌കിൽ പാർക്കിൽ പ്രധാനമന്ത്രി കൗശൽ വികാസ് യോജനയുടെ കീഴിൽ നടത്തുന്ന പേഴ്സണൽ ട്രെയിനർ, യോഗ ഇൻസ്ട്രക്ടർ എന്നീ സൗജന്യകോഴ്സുകളിലേക്ക് പ്രവേശനം ആരംഭിച്ചു. വിശദവിവരത്തിന് ഫോൺ: 8921636122, 8289810279, 7736645206.