മൃഗസംരക്ഷണ വകുപ്പ് മുഖേന ജില്ലയിൽ രാത്രികാല അടിയന്തിര മൃഗചികിത്സ സേവന പദ്ധതി നടപ്പിലാക്കുന്നതിന്റെ ഭാഗമായി വെറ്ററിനറി സർജൻമാരെ കരാർ അടിസ്ഥാനത്തിൽ നിയമിക്കുന്നു. ഉദ്യോഗാർത്ഥികൾ ബി.വി.എസ്.സി ആൻഡ് എ.എച്ച്, വെറ്ററിനറി കൗൺസിൽ രജിസ്ട്രേഷൻ ഉള്ളവരായിരിക്കണം. 90 ദിവസത്തേക്കാണ് നിയമനം.
താത്പര്യമുള്ളവർ സെപ്റ്റംബർ 13ന് രാവിലെ 10.30ന് വിശദമായ ബയോഡാറ്റയും പ്രവൃത്തി പരിചയ സർട്ടിഫിക്കറ്റും സഹിതം മലപ്പുറം സിവിൽ സ്റ്റേഷനിൽ പ്രവർത്തിക്കുന്ന ജില്ലാ മൃഗസംരക്ഷണ ഓഫീസിൽ അഭിമുഖത്തിന് ഹാജരാവണം. ഫോൺ: 0483 2734917.

ചേളാരിയിൽ പ്രവർത്തിക്കുന്ന തിരൂരങ്ങാടി എ.കെ.എൻ.എം ഗവ. പോളിടെക്‌നിക്ക് കോളേജിൽ ഒഴിവുള്ള വർക്ക്‌ഷോപ്പ് ഇൻസ്ട്രക്ടർ (മെക്കാനിക്കൽ എൻജിനീയറിങ്) തസ്തികയിൽ താത്കാലിക നിയമനം നടത്തുന്നു. മെക്കാനിക്കൽ എൻജിനീയറിങിൽ ഡിപ്ലോമ ബിരുദമാണ് യോഗ്യത. താത്പര്യമുള്ള ഉദ്യോഗാർഥികൾ സെപ്റ്റംബർ 12ന് രാവിലെ പത്തിന് പ്രായം, വിദ്യാഭ്യാസ യോഗ്യത, പ്രവൃത്തി പരിചയം എന്നിവ തെളിയിക്കുന്ന എല്ലാ അസ്സൽ സർട്ടിഫിക്കറ്റുകളും പകർപ്പുകളും സഹിതം പ്രിൻസിപ്പൽ മുമ്പാകെ അഭിമുഖത്തിന് ഹാജരാവണം.

മലപ്പുറം ജില്ലാസൈനിക ക്ഷേമ ഓഫീസിന്റെ ആഭിമുഖ്യത്തിൽ കെൽട്രോണുമായി സഹകരിച്ച് ജില്ലയിലെ വിമുക്തഭടന്മാർക്കും അവരുടെ ആശ്രിതർക്കുമായി നടത്തുന്ന കമ്പ്യൂട്ടർ കോഴ്‌സിലേക്ക് (സർട്ടിഫിക്കറ്റ് കോഴ്‌സ് ഇൻ വേർഡ് പ്രൊസ്സസിങ് ആൻഡ് ഡാറ്റാഎൻട്രി) അപേക്ഷ ക്ഷണിച്ചു. കോഴ്‌സ് സൗജന്യമാണ്. താത്പര്യമുള്ളവർ സെപ്റ്റംബർ 12ന് മുമ്പ് ജില്ലാ സൈനിക ക്ഷേമ ഓഫീസിൽ അപേക്ഷ സമർപ്പിക്കണം. അപേക്ഷ ഫോറത്തിനും വിശദവിവരങ്ങൾക്കും ജില്ലാ സൈനിക ക്ഷേമ ഓഫീസുമായി ബന്ധപ്പെടണം. ഫോൺ: 04832 734932.

മലപ്പുറം ജില്ലാ എംപ്ലോയ്‌മെന്റ് എക്‌സ്‌ചേഞ്ചിന്റെയും കാലിക്കറ്റ് യൂണിവേഴ്‌സിറ്റി പ്ലേസ്‌മെന്റ് സെൽ എംപ്ലോയ്‌മെന്റ് ഇർഫർമേഷൻ ആൻഡ് ഹൈഡൻസ് ബ്യുറോ എന്നിവയുടേയും സംയുക്ത ആഭിമുഖ്യത്തിൽ സെപ്റ്റംബർ 16ന് രാവിലെ പത്ത് മുതൽ കാലിക്കറ്റ് യൂണിവേഴ്‌സിറ്റി ഇ.എം.എസ് സെമിനാർ ഹാളിൽ മെഗാ തൊഴിൽ മേള സംഘടിപ്പിക്കുന്നു. മുപ്പതോളം കമ്പനികൾ പങ്കെടുക്കുന്ന തൊഴിൽ മേളയിൽ പ്രവേശനം സൗജന്യമാണ്. ഫോൺ: 0483 2734737, 8078428570.

മലപ്പുറം ജില്ലാ ചൈൽഡ് പ്രൊട്ടക്ഷൻ യൂണിറ്റിലേക്ക് കരാർ അടിസ്ഥാനത്തിൽ ഒരു എ.സി വാഹനം വാടകയ്ക്ക് നൽകുന്നതിന് ഉടമകളിൽ നിന്ന് ടെൻഡർ ക്ഷണിച്ചു. സെപ്തംബർ 14ന് രാവിലെ 11 വരെ ടെൻഡർ ഫോറങ്ങൾ വിൽക്കപ്പെടും. അന്നേ ദിവസം ഉച്ചയ്ക്ക് രണ്ട് വരെ ടെൻഡറുകൾ സമർപ്പിക്കാം. വൈകീട്ട് മൂന്നിന് ടെൻഡറുകൾ തുറക്കും. ജില്ലാ ചൈൽഡ് പ്രൊട്ടക്ഷൻ ഓഫീസർ, ജില്ലാ ചൈൽഡ് പ്രൊട്ടക്ഷൻ യൂണിറ്റ്, മഞ്ചേരി മിനി സിവിൽ സ്റ്റേഷൻ -മൂന്നാം നില, പിൻ: 676121 എന്ന വിലാസത്തിലാണ് ടെൻഡറുകൾ സമർപ്പിക്കേണ്ടത്. ഫോൺ: 0483 2978888, 9995474633.

നിലമ്പൂർ എംപ്ലോയ്മെൻറ് എക്സ്ചേഞ്ച് ഓഫീസ് നിലമ്പൂരിൽ പുതുതായി നിർമിച്ച മിനി സിവിൽ സ്റ്റേഷനിൽ സെപ്റ്റംബർ 11 മുതൽ പ്രവർത്തനം ആരംഭിക്കുമെന്ന് എംപ്ലോയ്മെൻറ് ഓഫീസർ അറിയിച്ചു.

പത്തനംതിട്ട ജില്ലയിലെ കോന്നിയിൽ പ്രവർത്തിക്കുന്ന കൗൺസിൽ ഫോർ ഫുഡ് റിസർച്ച് ആന്റ് ഡെവലപ്‌മെന്റിനു(സി.എഫ്.ആർ.ഡി) കീഴിലുള്ള കോളേജ് ഓഫ് ഇൻഡിജനസ് ഫുഡ് ടെക്‌നോളജി നടത്തുന്ന ബി.എസ്.സി ഫുഡ് ടെക്‌നോളജി ആന്റ് ക്വാളിറ്റി അഷ്വറൻസ് കോഴ്‌സിലെ 2023-26 ബാച്ചിലേക്ക് (എം.ജി യൂണിവേഴ്‌സിറ്റി അഫിലിയേഷൻ) മാനേജ്‌മെന്റ് ക്വാട്ടയിൽ ഒഴിവുള്ള സീറ്റിലേക്ക് സ്‌പോട്ട് അഡ്മിഷൻ നടത്തുന്നു. ഇന്ന് (സെപ്റ്റംബർ എട്ട്, വെള്ളി) രാവിലെ 10.30 മുതൽ പ്രവേശനം നേടാം. ഫോൺ: 0468 2240047, 9846585609.

തിരൂരങ്ങാടി താലൂക്ക് ആശുപത്രിയിൽ 2023-24 സാമ്പത്തിക വർഷത്തിലെ മുനിസിപ്പാലിറ്റി പ്രൊജക്ടിൽ ഉൾപ്പെടുത്തി അർബൻ പി.എച്ച്.സിയിലേക്ക് ഫാർമസിസ്റ്റ് തസ്തികയിൽ ദിവസ വേതനാടിസ്ഥനത്തിൽ നിയമനം നടത്തുന്നു. ഫാർമസിയിൽ ഡിപ്ലോമയും ഫാർമസി കൗൺസിൽ രജിസ്ട്രേഷനുമാണ് യോഗ്യത. താത്പര്യമുള്ള ഉദ്യോഗാർഥികൾ സെപ്റ്റംബർ 12ന് രാവിലെ 11ന് മുമ്പായി ആശുപത്രി ഓഫീസിൽ നടക്കുന്ന അഭിമുഖത്തിന് അസ്സൽ രേഖകളുമായി ഹാജരാവണം.

കോട്ടയം: എറണാകുളം റീജണൽ പ്രൊഫഷണൽ ആൻഡ് എക്സിക്യൂട്ടീവ് എംപ്ലോയ്മെന്റ് എക്സ്ചേഞ്ചിൽ പേര് രജിസ്റ്റർ ചെയ്തിട്ടുള്ള ഉദ്യോഗാർഥികളിൽ മുന്നാക്കവിഭാഗങ്ങളിലെ സാമ്പത്തികമായി പിന്നാക്കം നിൽക്കുന്ന(ഇ.ഡബ്ല്യു.എസ്) വിഭാഗത്തിൽപ്പെടുന്നവർ പ്രസ്തുത സർട്ടിഫിക്കറ്റ് രജിസ്ട്രേഷൻ രേഖകളിൽ ചേർക്കണം. അസൽ സർട്ടിഫിക്കറ്റ് സഹിതം നേരിട്ട് എത്താൻ സാധിക്കാത്തവർ സർട്ടിഫിക്കറ്റിന്റെ സ്വയംസാക്ഷ്യപ്പെടുത്തിയ പകർപ്പിൽ പ്രൊഫഷണൽ എംപ്ലോയ്മെന്റ് രജിസ്ട്രേഷൻ നമ്പർ രേഖപ്പെടുത്തി rpeeekm...@kerala.gov.in എന്ന ഇ-മെയിലിൽ അയയ്ക്കണം.

കേന്ദ്ര സർക്കാർ സംരംഭമായ ബിസിൽ ട്രെയിനിങ് ഡിവിഷൻ സെപ്റ്റംബറിൽ ആരംഭിക്കുന്ന മോണ്ടിസോറി, പ്രീ-പ്രൈമറി, നഴ്‌സറി ടീച്ചർ ട്രെയിനിങ് കോഴ്സുകൾക്ക് അപേക്ഷ ക്ഷണിച്ചു. രണ്ടു വർഷം, ഒരു വർഷം, ആറു മാസം ദൈർഘ്യമുള്ള കോഴ്‌സിന് ഡിഗ്രി, പ്ലസ് ടു, എസ്.എസ്.എൽ.സി യോഗ്യതയുള്ളവർക്ക് അപേക്ഷിക്കാം. ഫോൺ:7994449314.