ജില്ലാ ലീഗൽ സർവീസസ് അതോറിറ്റിയുടെ നിയമസേവന പ്രവർത്തനങ്ങൾക്കായി ടൂറിസ്റ്റ് / ടാക്സി പെർമിറ്റ് ഉള്ള ഒരു കാർ മാസവാടക വ്യവസ്ഥയിൽ നിബന്ധനകൾക്ക് വിധേയമായി ലഭിക്കുന്നതിന് കൊട്ടേഷൻ ക്ഷണിച്ചു. വാഹനം നല്ല കണ്ടീഷനിൽ ഉള്ളത് ആയിരിക്കണം. നിയമപരമായ എല്ലാ രേഖകളും ഉണ്ടാകണം. മാസം 1500 കിലോമീറ്റർ ഓടിക്കാനുള്ള തുക കൊട്ടേഷനിൽ കാണിക്കണം. നിബന്ധനകൾ ജില്ലാ നിയമസേവന അതോറിറ്റി ഓഫീസ് നോട്ടീസ് ബോർഡിൽ പ്രദർശിപ്പിച്ചിട്ടുണ്ട്.

വിവിധ പ്രശ്നങ്ങളിൽ അകപ്പെടുന്ന ട്രാൻസ്ജെൻഡർ വ്യക്തികൾക്ക് ആവശ്യമായ കൗൺസിലിംഗ് നൽകുന്നതിന് പിയർ സപ്പോർട്ട് കൗൺസിലറെ നിയമിക്കുന്നതിനായി ബിരുദവും കൗൺസിലിംഗിൽ മുൻപരിചയവും ഉള്ളവരും സേവന സന്നദ്ധവുമായ ട്രാൻസ്ജെൻഡർ വ്യക്തികളിൽ നിന്ന്  അപേക്ഷ ക്ഷണിച്ചു. കൗൺസിൽ കൈകാര്യം ചെയ്യുന്ന ഒരു കേസിന് 500 രൂപ നിരക്കിൽ ഓണറേറിയം നൽകും. താല്പര്യമുള്ളവർ സെപ്റ്റംബർ 20ന് ഉച്ചയ്ക്ക് രണ്ടുമണിക്ക് പൂജപ്പുരയിലെ തിരുവനന്തപുരം ജില്ലാ സാമൂഹിക നതി ഓഫീസിൽ നടക്കുന്ന വാക്ക് ഇൻ ഇൻ്റർവ്യൂവിൽ വിദ്യാഭ്യാസവും പരിചയവും തെളിയിക്കുന്ന അസ്സൽ രേഖകളുമായി നേരിട്ട് ഹാജരാക്കേണ്ടതാണ്. കൂടുതൽ വിവരങ്ങൾക്ക് 0471 2343241.

കോട്ടയം: കെൽട്രോണിന്റെ വഴുതക്കാടുള്ള നോളജ് സെന്ററിൽ ഇന്ത്യയിലും വിദേശത്തും നിരവധി തൊഴിൽ സാധ്യതയുള്ള കമ്പ്യൂട്ടറൈസ്ഡ് ഫിനാൻഷ്യൽ അക്കൗണ്ടിംഗ് വിത്ത് ഇന്ത്യൻ ആൻഡ് ഫോറിൻ അക്കൗണ്ടിംഗ്, പ്രൊഫഷണൽ ഡിപ്ലോമ ഇൻ ലൊജിസ്റ്റിക്ക്സ് ആൻഡ് സപ്ലൈ ചെയ്ൻ മാനേജ്മെന്റെ്, പ്രൊഫഷണൽ ഡിപ്ലോമ ഇൻ കംമ്പ്യൂട്ടർ ഹാർഡ്വെയർ ആൻഡ് നെറ്റ്വർക്ക് മെയിന്റനൻസ് എന്നീ കോഴ്സുകളിലേക്ക് അപേക്ഷ ക്ഷണിച്ചു. വിശദവിവരത്തിന്് ഫോൺ: 8590605260, 0471-2325154.

കോട്ടയം: തിരുവാർപ്പ് ഗവൺമെന്റ് ഐ.ടി.ഐയിൽ പ്ലംബർ ട്രേഡിൽ ഏതാനും സീറ്റൊഴിവുണ്ട്. താത്പര്യമുള്ളവർ അസൽ സർട്ടിഫിക്കറ്റുകളും പകർപ്പുകളും സഹിതം സ്പോട് അഡ്മിഷനായി സെപ്റ്റംബർ15നകം ഐ.ടി.ഐയിൽ നേരിട്ട് ഹാജരാകണം. ഫോൺ: 0481 2380404, 9447507288

തൃത്താല ഗവ. ആർട്‌സ് ആൻഡ് സയൻസ് കോളജിൽ എം.എസ്.സി മാത്തമാറ്റിക്‌സ് വിത്ത് ഡാറ്റാ സയൻസിൽ എസ്.സി, എസ്.ടി വിഭാഗത്തിൽ ഓരോ സീറ്റുകൾ ഒഴിവുണ്ട്. താത്പര്യമുള്ളവർ സെപ്റ്റംബർ ഏഴിന് രാവിലെ പത്തിന് മുമ്പായി കോളജിൽ അപേക്ഷ സമർപ്പിക്കണം.

കോട്ടയം: കെൽട്രോൺ നടത്തുന്ന ഡിപ്ലോമ ഇൻ മോണ്ടിസോറി ടീച്ചർ ട്രെയിനിംഗ് കോഴ്സിന്റെ സൗജന്യ ഓൺലൈൻ ക്ലാസ് സെപ്റ്റംബർ 16ന് വൈകിട്ട് ഏഴു മുതൽ ഒൻപതു വരെ നടത്തും.  താത്പര്യമുള്ളവർ മുൻകൂട്ടി രജിസ്റ്റർ ചെയ്യണം. വിശദവിവരത്തിന് ഫോൺ : 9072592412, 9072592416.
 

മലമ്പുഴ സർക്കാർ മൃഗസംരക്ഷണ പരിശീലന കേന്ദ്രത്തിന്റെ ആഭിമുഖ്യത്തിൽ 'മുയൽ വളർത്തൽ ലാഭകരമാക്കാം' എന്ന വിഷയത്തിൽ പരിശീലനം നൽകുന്നു. സെപ്റ്റംബർ 12ന് രാവിലെ പത്ത് മുതൽ വൈകീട്ട് അഞ്ച് വരെയാണ് പരിശീലനം. പങ്കെടുക്കുന്നവർ 0491 2815454 9188522713 എന്ന നമ്പറിൽ വിളിച്ച് മുൻകൂട്ടി രജിസ്റ്റർ ചെയ്യണം. പങ്കെടുക്കുന്നവർ ആധാർ കാർഡിന്റെ കോപ്പി കൊണ്ടുവരണം.

പെരുമ്പടപ്പ് ബ്ലോക്ക് പഞ്ചായത്തിൽ ഭിന്നശേഷി കുട്ടികൾക്കുള്ള സ്പീച്ച്, ഒക്യുപ്പേഷൻ തെറാപ്പി പദ്ധതിയിലേക്ക് സൈക്കോളജിസ്റ്റ്, സ്പീച്ച് തെറാപ്പിസ്റ്റ്, ഒക്യുപ്പേഷൻ തെറാപ്പിസ്റ്റ് എന്നിവരെ നിയമിക്കുന്നു. 2024 മാർച്ച് 31 വരെയാണ് നിയമന കാലാവധി. താത്പര്യമുള്ള ഉദ്യോഗാർഥികൾ സർട്ടിഫിക്കറ്റുകളും പകർപ്പുകളുമായി സെപ്റ്റംബർ 14ന് രാവിലെ 10.30ന് ബ്ലോക്ക് പഞ്ചായത്ത് ഓഫീസിൽ നടക്കുന്ന അഭിമുഖത്തിന് ഹാജരാവണം. ഫോൺ :9605373507