ചികിത്സ പദ്ധതികളിൽ ഉൾപ്പെടാത്തവർക്ക് പ്രത്യേക തദ്ദേശീയ പദ്ധതി 

വടവുകോട് പുത്തൻകുരിശ് ഗ്രാമപഞ്ചായത്തിൽ കേരള നോളജ് ഇക്കോണമി മിഷന്റെ  ആഭിമുഖ്യത്തിൽ തൊഴിൽ മേള സംഘടിപ്പിച്ചു.  വിജ്ഞാന തൊഴില്‍ രംഗത്ത് ഉദ്യോഗാർത്ഥികൾക്ക് അവസരം ഉറപ്പാക്കുക എന്ന ലക്ഷ്യത്തോടെയാണ് തൊഴില്‍ മേള സംഘടിപ്പിച്ചത്. പഞ്ചായത്ത് ഹാളിൽ നടന്ന ചടങ്ങ് പ്രസിഡന്റ് സോണിയ മുരുകേശന്‍ ഉദ്ഘാടനം ചെയ്തു.

നേര്യമംഗലത്ത് പണികഴിപ്പിച്ചിട്ടുള്ള പി.ഡബ്ല്യൂ.ഡി പരിശീലന കേന്ദ്രം പ്രവർത്തനമാരംഭിക്കുന്നു. സെപ്റ്റംബർ 16 ന് രാവിലെ 10 ന് പൊതുമരാമത്ത് വകുപ്പ് മന്ത്രി പി.എ മുഹമ്മദ്‌ റിയാസ് പ്രവർത്തനോദ്ഘാടനം നിർവഹിക്കും.

ഉദ്യോഗസ്ഥർക്ക് ആവശ്യമായ പരിശീലനം ഉറപ്പാക്കുകയാണ് പദ്ധതിയുടെ പ്രധാന ലക്ഷ്യം. ട്രെയിനിങ്ങ് സെന്റർ പ്രവർത്തനം ആരംഭിക്കുന്നതോടെ മികച്ച രീതിയിൽ ശാസ്ത്രീയ പരിശീലനം ഉറപ്പാക്കാൻ കഴിയും.  ജില്ലയിലെ തിരഞ്ഞെടുക്കപ്പെട്ട 150 പൊതുമരാമത്ത് വകുപ്പ് എഞ്ചിനീയർമാർക്കുള്ള പരിശീലനത്തോടെയാണ് സെന്ററിന്റെ പ്രവർത്തനം തുടങ്ങുന്നത്. 

അങ്കണവാടി - സ്കൂൾ അധ്യാപകർക്കായി പരിശീലന പരിപാടി സംഘടിപ്പിച്ചു

തൃപ്പൂണിത്തുറ ഗവൺമെന്റ് ആയൂർവേദ കോളേജ് ആശുപതി വികസന സമിതിയുടെ കീഴിൽ ന്യായവില മെഡിക്കൽ സ്റ്റോറിൽ ഒഴിവുള്ള സെയിൽസ്മാൻ തസ്തികയിലേയ്ക്ക് ദിവസവേതന അടിസ്ഥാനത്തിൽ നിയമനത്തിനായി വാക്ക്-ഇൻ-ഇന്റർവ്യൂ നടത്തുന്നു. 

ജില്ലയിലെ ഒരു  സർക്കാർ സ്ഥാപനത്തിൽ പ്രോജക്ടിന്റെ ഭാഗമായുള്ള   കൗൺസിലറുടെ   തസ്തികയിൽ  ഒരു  ഒഴിവ് നിലവിലുണ്ട്. നിശ്ചിത യോഗ്യതയുള്ള ഉദ്യോഗാർത്ഥികൾ എല്ലാ അസൽ സർട്ടിഫിക്കറ്റുകളും സഹിതം സെപ്റ്റംബർ 23 ന്  മുമ്പ് അതത് എംപ്ലോയ്‌മെന്റ് എക്സ്ചേഞ്ചിൽ  രജിസ്റ്റർ ചെയ്യണം. പ്രായ പരിധി : 18-39  ( 01.01.2023 ന്). 

ജില്ലയിലെ ഒരു  തദ്ദേശ സ്വയംഭരണ സ്ഥാപനത്തിലേക്ക്  പ്രോജക്ടിന്റെ ഭാഗമായുള്ള ഡ്രാഫ്റ്റ്‌സ്മാൻ (സിവിൽ) താത്കാലിക  തസ്തികയിൽ (കോൺട്രാക്ട്)  ഒരു  ഒഴിവ് നിലവിലുണ്ട്. നിശ്ചിത യോഗ്യതയുളള ഉദ്യോഗാർത്ഥികൾ എല്ലാ അസൽ  സർട്ടിഫിക്കറ്റുകളും സഹിതം  സെപ്റ്റംബർ 23 ന് മുമ്പ് അതത് എംപ്ലോയ്‌മെന്റ് എക്സ്ചേഞ്ചിൽ  രജിസ്റ്റർ ചെയ്യണം. 

പ്രായ പരിധി 18 -41   (01.01.2023 ന്). നിയമാനുസൃത വയസിളവ് അനുവദനീയം. വിദ്യാഭ്യാസ യോഗ്യത  ഐടിഐ സിവിൽ ആൻറ് ഓട്ടോകാഡും രണ്ടു വർഷത്തെ പ്രവൃത്തി പരിചയവും.  ശമ്പളം ഒരു മാസം 21175 രൂപ.  

കളമശ്ശേരി ഗവ പോളിടെക്നിക് കോളജിൽ ഒഴിവുളള സീറ്റുകളിലേക്ക്  സ്പോട്ട് അഡ്മിഷൻ നടത്തുന്നു. സെപ്റ്റംബർ 15(വെള്ളി) നാണ് സ്പോട്ട് അഡ്മിഷൻ നടത്തുന്നത്. 

(ഓട്ടോമൊബൈൽ - (കുടുംബി), കമ്പ്യൂട്ടർ -2 ( മറ്റ് ഹിന്ദു പിന്നാക്ക വിഭാഗം, ഇ.ഡബ്ല്യു എസ്), സിവിൽ എഞ്ചിനീയറിങ് -(Hearing Impaired)-1- ജനറൽ) രജിസ്ട്രേഷൻ സമയം രാവിലെ 9.30 മുതൽ 10.00 വരെ. റാങ്ക് ലിസ്റ്റിൽ ഉൾപ്പെട്ടിട്ടുള്ള 1 മുതൽ 40000 റാങ്ക് വരെയുള്ള - കുടുംബി, മറ്റ് ഹിന്ദു പിന്നാക്ക വിഭാഗം, ഇ.ഡബ്ല്യു.എസ് എന്നീ വിഭാഗങ്ങളിൽപ്പെട്ടവർക്ക് സ്പോട്ട് അഡ്മിഷനിൽ പങ്കെടുക്കാം. 

കൃഷി ഭവനുകളിലെ ഇൻന്റേൺഷിപ്പ് അറ്റ് കൃഷി ഭവൻ പദ്ധതി പ്രകാരം 180 ദിവസത്തെ പരിശീലനത്തിനായി വി.എച്ച്.എസ്.ഇ (അഗ്രികൾച്ചർ)/ ഡിപ്ലോമ ഇൻ അഗ്രികൾച്ചർ/ ഓർഗാനിക് ഫാമിംഗ് ഇൻ അഗ്രികൾച്ചർ എന്നീ യോഗ്യതയുള്ള ഉദ്യോഗാർത്ഥികളിൽ നിന്നും അപേക്ഷ ക്ഷണിക്കുന്നു. 

www.keralaagriculture.gov.in എന്ന വെബ്സൈറ്റ് വഴി ഓൺലൈനായും ജില്ലാ കൃഷി ഓഫീസ് എറണാകുളം, ബ്ലോക്ക് തലത്തിൽ അസിസ്റ്റന്റ് ഡയറക്ടർ ഓഫീസ്, കൃഷി ഭവനുകൾ എന്നിവിടങ്ങളിൽ ഓഫ് ലൈനായും അപേക്ഷ സ്വീകരിക്കുന്നതാണ്.