മഴവെള്ളം കെട്ടിനിന്ന് കൊതുക് വളരാനുള്ള സാഹചര്യങ്ങള്‍ ഒഴിവാക്കണം.  ഡെങ്കിപ്പനിക്ക് കാരണമാകുന്ന ഈഡിസ് കൊതുകുകള്‍ വെള്ളം കെട്ടിനല്‍ക്കാന്‍ അനുവദിക്കരുത്.  തീരപ്രദേശങ്ങളില്‍ ഉപയോഗശൂന്യമായതും മത്സ്യബന്ധനത്തിന് പോകാത്തതുമായ വള്ളങ്ങളില്‍ വെള്ളം കെട്ടി നിന്ന് കൊതുക് വളരാന്‍ സാധ്യതയുള്ളതിനാല്‍ വള്ളങ്ങള്‍ കമഴ്ത്തിവക്കുകയോ മഴവെള്ളം കെട്ടിനില്‍ക്കാതെ സൂക്ഷിക്കുകയോ വേണം.  ടെറസ്സ്, സണ്‍ഷൈയ്ഡ് എന്നിവിടങ്ങളിലെ ചവറുകള്‍ നീക്കി വെള്ളം കഴുക്കിക്കളയുക.  വിവിധ ആവശ്യങ്ങള്‍ക്കായി ടാര്‍പോളിന്‍ ഉപയോഗിക്കുമ്പോള്‍ വെള്ളം കെട്ടിനില്‍ക്കാതിരിക്കാന്‍ ശ്രദ്ധിക്കുക.  വെള്ളം കെട്ടിനില്‍ക്കാന്‍ സാധ്യതയുള്ള ചിരട്ടകള്‍, പ്ലാസ

പട്ടികജാതി വികസന വകുപ്പു നടപ്പിലാക്കുന്ന വിവിധ പദ്ധതികള്‍ ഉള്‍പ്പെടുത്തി ഷോര്‍ട്ട് ഫിലിമുകള്‍ നിര്‍മ്മിക്കുന്നതിനു താല്പര്യമുള്ള സ്ഥാപനങ്ങളില്‍ നിന്നും/വ്യക്തികളില്‍ നിന്നും താല്‍പര്യപത്രം ക്ഷണിച്ചു.  ഒരു ഷോര്‍ട്ട് ഫിലിമിന്റെ പരമാവധി ദൈര്‍ഘ്യം രണ്ട് മിനിട്ട് ആണ്.  ഷോര്‍ട്ട് ഫിലിം നിര്‍മ്മിക്കാന്‍ താല്പര്യമുള്ളവര്‍ പ്രവര്‍ത്തന പരിചയം തെളിയിക്കുന്നതിനുള്ള രേഖകളും മുമ്പ് നിര്‍മ്മിച്ചിട്ടുള്ള ഷോര്‍ട്ട് ഫിലിമുകളുടെ (കുറഞ്ഞത് രണ്ട്) പകര്‍പ്പുകള്‍ സഹിതം വെള്ളക്കടലാസില്‍ തയ്യാറാക്കിയ അപേക്ഷ പട്ടികജാതി വികസന ഡയറക്ടര്‍ക്ക് 20നകം നല്‍കണം.  

പി.എന്‍.എക്‌സ്.5376/17

പത്തനംതിട്ട, ഇടുക്കി ജില്ലാ പഞ്ചായത്തുകളില്‍ നിലവില്‍ ഒഴിവുള്ള ജില്ലാ പഞ്ചായത്ത് സെക്രട്ടറി തസ്തികയില്‍ ഡെപ്യൂട്ടേഷന്‍ വ്യവസ്ഥയില്‍ നിയമിക്കുന്നതിന് ഗവണ്‍മെന്റ് സെക്രട്ടേറിയറ്റിലെ (പൊതുഭരണം, നിയമം, ധനകാര്യം) വകുപ്പുകളിലെ അണ്ടര്‍ സെക്രട്ടറി (ഹയര്‍ഗ്രേഡ്) തസ്തികയിലും അതിനു മുകളിലും ഉള്ളവരില്‍ നിന്നും മറ്റു വികസന വകുപ്പുകളില്‍ 68700-110400 (റിവൈസ്ഡ്) എന്ന ശമ്പള സ്‌കെയിലിലും അതിനു മുകളിലും ഉള്ള ബിരുദധാരികളായ ഉദ്യോഗസ്ഥരില്‍ നിന്നും അപേക്ഷ ക്ഷണിച്ചു.

തുഞ്ചത്ത് എഴുത്തച്ചന്‍ മലയാളം സര്‍വകലാശാലയുടെ പുതിയ വൈസ് ചാന്‍സലര്‍ നിയമനവുമായി ബന്ധപ്പെട്ട് സംസ്ഥാന ചീഫ് സെക്രട്ടറി, കലാമണ്ഡലം വൈസ് ചാന്‍സലര്‍ പ്രൊഫ. കെ.ജി. പൗലോസ്, മദ്രാസ് യൂണിവേഴ്‌സിറ്റി വൈസ് ചാന്‍സലര്‍ ഡോ. പി. ദുരൈസാമി എന്നിവരടങ്ങിയ സെര്‍ച്ച് കമ്മിറ്റിയെ നിയോഗിച്ച് ഗവര്‍ണറുടെ വിജ്ഞാപനമായി.

പി.എന്‍.എക്‌സ്.5374/17

സംസ്ഥാനത്ത് ക്രിസ്തുമസ്/പുതുവത്സര ആഘോഷങ്ങളുമായി ബന്ധപ്പെട്ട് പൊതുജനങ്ങള്‍ക്ക് ഭക്ഷ്യസുരക്ഷ ഉറപ്പുവരുത്തുന്നതിന്റെ ഭാഗമായി ബേക്കറികള്‍, ബോര്‍മകള്‍, കേക്ക്/വൈന്‍ ഉല്‍പ്പാദകര്‍, മറ്റ് ബേക്കറി ഉല്‍പ്പന്ന വിതരണ സ്ഥാപനങ്ങള്‍ തുടങ്ങിയവയില്‍ ഭക്ഷ്യസുരക്ഷാ ഗുണനിലവാരം ഉറപ്പു വരുത്താന്‍ സ്‌ക്വാഡുകള്‍ രൂപീകരിച്ചു.  സംസ്ഥാന വ്യാപകമായി ഭക്ഷ്യസുരക്ഷാ ഉദ്യോഗസ്ഥര്‍ പരിശോധന ആരംഭിച്ചു.  ഗുരുതരമായ പിഴവുകള്‍ കണ്ടെത്തിയ സ്ഥാപനങ്ങളുടെ പ്രവര്‍ത്തനം നിര്‍ത്തിവെയ്പ്പിക്കുകയും പിഴ ഈടാക്കുകയും ചെയ്തു.

എട്ട് ജില്ലകളിലെ 15 തദ്ദേശ സ്വയം'ഭരണ വാര്‍ഡുകളില്‍ 2018 ജനുവരി 11ന് ഉപതെരഞ്ഞെടുപ്പ് നടത്താന്‍ സംസ്ഥാന തെരഞ്ഞെടുപ്പു കമ്മീഷന്‍  വിജ്ഞാപനം പുറപ്പെടുവിച്ചു. തിരുവനന്തപുരം, കൊല്ലം, കോട്ടയം, ഇടുക്കി, പാലക്കാട്, മലപ്പുറം ജില്ലകളിലെ 12 ഗ്രാമപഞ്ചായത്ത് വാര്‍ഡുകളിലും എറണാകുളം ഏലൂര്‍ നഗരസഭയിലെ പാറയ്ക്കല്‍ വാര്‍ഡിലും മലപ്പുറം പൊന്നാനി നഗരസ'യിലെ അഴീക്കല്‍ വാര്‍ഡിലും കാസര്‍ഗോഡ് കാറഡുക്ക ബ്ലോക്ക് പഞ്ചായത്തിലെ ബേഡകം വാര്‍ഡിലുമാണ് ഉപതെരഞ്ഞെടുപ്പ്.

സാമ്പത്തിക സ്ഥിതി വിവരക്കണക്ക് വകുപ്പിന്റെ ആഭിമുഖ്യത്തില്‍ നടത്തുന്ന പത്താമത് കാര്‍ഷിക സെന്‍സസിന്റെ മൂന്നാം ഘട്ടമായ ഇന്‍പുട്ട് സര്‍വ്വേയുടെ പ്രവര്‍ത്തനങ്ങള്‍ക്ക് സംസ്ഥാനത്ത് തുടക്കമായി.  ദേശവ്യാപകമായി നടത്തുന്ന സെന്‍സസിന്റെ ഒന്നും (ലിസ്റ്റിംഗ്), രണ്ടും (പ്രധാന സര്‍വ്വെ) ഘട്ടങ്ങളുടെ ഡാറ്റാ ശേഖരണം പൂര്‍ത്തിയായി.  

ജില്ലാ പദ്ധതി രൂപീകരണവുമായി ബന്ധപ്പെട്ട് പ്ലാനിംഗ് അസിസ്റ്റന്റ് (ജി.ഐ.എസ്) തസ്തികയില്‍ കരാറടിസ്ഥാനത്തല്‍ താല്‍ക്കാലികമായി നിയമിക്കുന്നതിനുള്ള വാക്-ഇന്‍-ഇന്റര്‍വ്യൂ ഡിസംബര്‍ 22 ന് രാവിലെ 11 ന് തമ്പാനൂര്‍ എസ്.എസ് കോവില്‍ റോഡിലുള്ള ഹൗസിംഗ് ബോര്‍ഡ് ബില്‍ഡിംഗില്‍ ഒന്നാം നിലയിലെ മേഖലാ നഗരാസൂത്രണ കാര്യാലയത്തില്‍ നടക്കും. പ്രതിമാസം 30,000 രൂപ.  യോഗ്യത : ജ്യോഗ്രഫി/ജിയോളജിയില്‍ ബിരുദാനന്തര ബിരുദം അല്ലെങ്കില്‍ തത്തുല്യ യോഗ്യതയും ജി.ഐ.എസ് സോഫ്റ്റ് വെയറില്‍ പരിജ്ഞാനവും അല്ലെങ്കില്‍ റിമോട്ട് സെന്‍സിംഗിലോ ജി.ഐ.എസിലോ ബിരുദമോ തത്തുല്യ യോഗ്യതയും ജി.ഐ.എസ് ആപ്ലിക്കേഷനില്‍ മികവും. ഫോണ്‍ : 0471 2339945.

ദുരന്ത നിവാരണ മേഖലയില്‍ പ്രവര്‍ത്തിക്കുന്ന സര്‍ക്കാരിതര സ്ഥാപനങ്ങളെ സംസ്ഥാന ദുരന്ത നിവാരണ അതോറിറ്റി എം പാനല്‍ ചെയ്യുന്നതിന് അപേക്ഷ ക്ഷണിച്ചു.  ഓണ്‍ലൈനായി അപേക്ഷിക്കുന്നതിനുളള അവസാന തീയതി ഡിസംബര്‍ 31.  വെബ്‌സൈറ്റ്:www.ksdma.gov.in

പി.എന്‍.എക്‌സ്.5368/17

2018 ഏപ്രില്‍ ഒന്നു മുതല്‍ വ്യാപാരി ക്ഷേമനിധി അംഗത്വ നമ്പര്‍ ഇല്ലാതെ  പുതുക്കാന്‍ കഴിയില്ല.  വ്യാപാരി ക്ഷേമനിധി അംഗത്വ കാര്‍ഡ് ലഭിച്ചിട്ടില്ലാത്ത അപേക്ഷകര്‍ അംഗത്വ ഫീസ് അടച്ച രസീത് നമ്പരും തീയതിയും ഓഫീസില്‍ അറിയിപ്പ് രേഖകള്‍ ഹാജരാക്കി അംഗത്വ നമ്പര്‍ ഉറപ്പാക്കണമെന്ന് വ്യാപാരി ക്ഷേമനിധി എക്‌സിക്യൂട്ടീവ് ഓഫീസര്‍ അറിയിച്ചു. ഇ- മെയില്‍ traders.welfare.board@gmail.com.  ഫോണ്‍:0471 2474054, 0471 2474049, 9446151152.  

പി.എന്‍.എക്‌സ്.5367/17