ക്രിസ്തുമസ് / പുതുവത്സര ആഘോഷങ്ങളുമായി ബന്ധപ്പെട്ട് ഭക്ഷ്യസുരക്ഷ ഉറപ്പുവരുത്തുന്നതിന്റെ ഭാഗമായി ബേക്കറികള്‍, ബോര്‍മകള്‍, കേക്ക് / വൈന്‍ ഉല്‍പ്പാദകര്‍, മറ്റ് ബേക്കറി ഉല്‍പ്പന്ന വിതരണ സ്ഥാപനങ്ങള്‍ തുടങ്ങിയവയില്‍ നടത്തിയ രണ്ടാംഘട്ട പരിശോധനയില്‍ തിരുവനന്തപുരം ജില്ലയില്‍ 92 സ്ഥാപനങ്ങളില്‍ പരിശോധന നടത്തി.  89,500 രൂപ പിഴ ഈടാക്കുകയും 40 സ്ഥാപനങ്ങള്‍ക്ക് നോട്ടീസ് നല്‍കുകയും ഒരു സ്ഥാപനത്തിന്റെ പ്രവര്‍ത്തനം നിര്‍ത്തിവെയ്പ്പിക്കുകയും ചെയ്തിട്ടുണ്ടെന്ന് ഭക്ഷ്യസുരക്ഷാ കമ്മിഷണര്‍ അറിയിച്ചു.  വരുംദിവസങ്ങളില്‍ പരിശോധന കര്‍ശനമാക്കുമെന്നും അദ്ദേഹം അറിയിച്ചു.     
 

     ജീവിത സായാഹ്നത്തില്‍ ആകെയുണ്ടായിരുന്ന വീടും മൂന്ന് സെന്റ് സ്ഥലവും കൈക്കലാക്കി മകള്‍ തിരിഞ്ഞു നോക്കാതെ പോയപ്പോള്‍ ഭക്ഷണത്തിനുപോലും വകയില്ലാതെ ആരോഗ്യപ്രശ്‌നങ്ങളാല്‍ വലയുന്ന അമ്മയടക്കം മുന്നൂറോളം പരാതിക്കാരാണ് കാട്ടാക്കട ക്രിസ്ത്യന്‍ കോളേജില്‍ നടന്ന ജില്ല കളക്ടറുടെ പരാതി പരിഹാരവേദിയിലെത്തിയത്. ജനങ്ങളുടെ പരാതികള്‍ ശ്രദ്ധാപൂര്‍വം കേട്ട ജില്ലാ കളക്ടര്‍ ഡോ. കെ. വാസുകി ബന്ധപ്പെട്ട ഉദ്യോഗസ്ഥന്‍മാരില്‍ നിന്നും നേരിട്ട് വിശദീകരണം തേടുകയും അടിയന്തര നടപടികള്‍ക്കുള്ള നിര്‍ദ്ദേശം നല്‍കുകയും ചെയ്തു. 

    ജില്ലാ വികസന സമിതിയോഗം ഈ മാസം 30ന് രാവിലെ 11ന് കളക്ടറേറ്റ് കോണ്‍ഫറന്‍സ് ഹാളില്‍ ചേരും. എല്ലാ ജില്ലാതല ഉദ്യോഗസ്ഥരും വികസന സമിതിയോഗത്തിലും 10.30ന് നടക്കുന്ന പ്രീഡിഡിസി യോഗത്തിലും പങ്കെടുക്കണമെന്ന് ജില്ലാ കളക്ടര്‍ അറിയിച്ചു.                                                  (പിഎന്‍പി 3401/17)
വനിതാ കമ്മീഷന്‍ അദാലത്ത് നാളെ (18ന്)
    വനിതാ കമ്മീഷന്‍ അദാലത്ത് നാളെ (18) രാവിലെ 10.30 മുത ല്‍ കളക്ടറേറ്റ് കോണ്‍ഫറന്‍സ് ഹാളില്‍ നടക്കും.                              (പിഎന്‍പി 3402/17)
 

    ചെന്നീര്‍ക്കര ഗ്രാമപഞ്ചായത്തിന്‍റെയും പ്രധാനമന്ത്രി കൗശല്‍ യോജനയുടെയും ആഭിമുഖ്യത്തില്‍ ഈ മാസം 22ന് രാവിലെ 10.30ന് ഗ്രാമപഞ്ചായത്ത് കമ്മ്യൂണിറ്റി ഹാളില്‍ സൗജന്യ തൊഴിലധിഷ്ഠിത കോഴ്സുകളുടെ രജിസ്ട്രേഷനും കരിയര്‍ ഗൈഡന്‍സ് സെമിനാറും നടക്കും. ഫോണ്‍: 9895695999.                        (പിഎന്‍പി 3398/17)

    പത്തനംതിട്ട എക്സൈസ് ഡിവിഷനില്‍ വിവിധ അബ്കാരി കേസുകളില്‍ ഉള്‍പ്പെട്ട് സര്‍ക്കാരിലേക്ക് കണ്ടുകെട്ടിയ വാഹനങ്ങള്‍ ഈ മാസം 29ന് രാവിലെ 11ന് ഡിവിഷന്‍ ഓഫീസില്‍ ലേലം ചെയ്യും. കൂടുതല്‍ വിവരം എക്സൈസ് ഓഫീസുകളില്‍ ലഭിക്കും. ഫോണ്‍: 0468 2222873.                                (പിഎന്‍പി 3393/17)

സംസ്ഥാന അസംഘടിത തൊഴിലാളി സാമൂഹ്യ സുരക്ഷാ ബോര്‍ഡില്‍ അംഗങ്ങളായ തൊഴിലാളികളുടെ മക്കള്‍ക്ക് 2017-18 വര്‍ഷത്തെ വിദ്യാഭ്യാസ ആനുകൂല്യത്തിന് അപേക്ഷിക്കുന്നതിനുള്ള തീയതി ഈ മാസം 31 വരെ ദീര്‍ഘിപ്പിച്ചു. വ്യവസ്ഥകള്‍ക്ക് വിധേയമായി ഇനി മുതല്‍ ഓരോ വര്‍ഷവും വിദ്യാഭ്യാസാനുകൂല്യം ലഭിക്കുന്നതിന് അപേക്ഷിക്കാം. 
                                         (പിഎന്‍പി 3392/17)

    ശബരിമല തീര്‍ഥാടനം  പ്രമാണിച്ച് ഇന്ന് (17ന് ) രാത്രി തുറന്നു പ്രവര്‍ത്തിക്കുന്ന മെഡിക്കല്‍ സ്റ്റോറുകള്‍:    ചെറിയാത്ത് മെഡിക്കല്‍സ് മൈലപ്ര പത്തനംതിട്ട, കൃപ മെഡിക്കല്‍സ് കോഴഞ്ചേരി, നീതി മെഡിക്കല്‍ സ്റ്റോര്‍ കോന്നി, മരിയ ഹോസ്പിറ്റല്‍ അടൂര്‍, എന്‍എസ്എസ് മെഡിക്കല്‍സ് മുട്ടാര്‍ ജംഗ്ഷന്‍ പന്തളം, കല്ലാത്തുചിറയില്‍ മെഡിക്കല്‍സ് തിരുവല്ല, ആശ്വാസ് കമ്മ്യൂണിറ്റി ഫാര്‍മസി റാന്നി, നീതി മെഡിക്കല്‍ സ്റ്റോര്‍ പെരിനാട്.
      (53/17) 
നാളെ (18ന്)  രാത്രി തുറന്ന് പ്രവര്‍ത്തിക്കുന്ന മെഡിക്കല്‍ സ്റ്റോറുകള്‍

ജില്ലയില്‍ തദ്ദേശഭരണസ്ഥാപനങ്ങളിലൂടെ പട്ടികജാതി പട്ടികവര്‍ഗവിഭാഗങ്ങള്‍ക്കായി നടപ്പിലാക്കുന്ന പദ്ധതികളുടെ നടത്തിപ്പ് വേഗത്തിലാക്കുന്നതിന് അടിയന്തിര നടപടി സ്വീകരിക്കാന്‍ ജില്ലാ കളക്ടര്‍ ജീവന്‍ബാബു കെ  നിര്‍വ്വഹണ ഉദ്യോഗസ്ഥര്‍ക്ക് നിര്‍ദ്ദേശം നല്‍കി. കളക്ടറേറ്റ് കോണ്‍ഫറന്‍സ് ഹാളില്‍ കളക്ടറുടെ അധ്യക്ഷതയില്‍ ചേര്‍ന്ന അവലോകനയോഗത്തിലാണ് നിര്‍ദ്ദേശം.