എല്‍.ബി.എസ് സെന്റര്‍ ഫോര്‍ സയന്‍സ് ആന്‍ഡ് ടെക്നോളജിയുടെ ആലത്തൂര്‍ പാലക്കാട് ഉപകേന്ദ്രത്തില്‍ നോര്‍ക്ക റൂട്ട്സിന്റെ ആഭിമുഖ്യത്തില്‍ ഓഫീസ് ഓട്ടോമേഷന്‍ ആന്‍ഡ് പി.സി.മെയ്ന്റനന്‍സ് ,  മൊബൈല്‍ റിപ്പയറിങ് , കംപ്യൂട്ടറൈസ്ഡ് ഫിനാന്‍ഷല്‍ അക്കൗണ്ടിങ്   കോഴ്സുകളിലേക്ക് എസ്.എസ്.എല്‍.സി യോഗ്യതയുളളവരില്‍ നിന്ന് അപേക്ഷ ക്ഷണിച്ചു.അപേക്ഷ നവംബര്‍ 15 വരെ സ്വീകരിക്കും.

അപേക്ഷഫോമും വിശദവിവരവും ഓഫീസര്‍ ഇന്‍ ചാര്‍ജ്, എല്‍.ബി.എസ് ഉപകേന്ദ്രം , ആലത്തൂര്‍ വിലാസത്തില്‍ ലഭിക്കും. ഫോണ്‍: 04922 222660.   

ഭാരതീയ തപാല്‍ വകുപ്പിന്റെ ആഭിമുഖ്യത്തില്‍ പാലക്കാട്-ഒറ്റപ്പാലം പോസ്റ്റല്‍ ഡിവിഷനുകള്‍ സംയുക്തമായി നടത്തുന്ന ജില്ലാതല സ്റ്റാംപ് പ്രദര്‍ശനം (പാംപെക്‌സ് 2018) ജനുവരി 11,12 തീയതികളില്‍ പാലക്കാട് കോര്‍ട്ട് റോഡിലുള്ള തൃപ്തി ഹാളില്‍ നടക്കുമെന്ന് പാലക്കാട് ഡിവിഷന്‍ സീനിയര്‍ സൂപ്രണ്ട് കെ.അനില്‍ അറിയിച്ചു.

അറ്റകുറ്റപണികള്‍ നടക്കുന്നതിനാല്‍ പട്ടാമ്പി-പളളിപ്പുറം സ്റ്റേഷനുകള്‍ക്കിടയിലെ റെയില്‍വെ ഗെയ്റ്റ് നവംബര്‍ 11-ന് രാവിലെ ഏഴ് മുതല്‍ 12-ന് വൈകീട്ട് അഞ്ച് വരെ അടച്ചിടും.

അതിനാല്‍ പട്ടാമ്പി-പള്ളിപ്പുറം റോഡിലൂടെയുളള വാഹനങ്ങള്‍ പട്ടാമ്പി-വെള്ളിയാങ്കല്ല് പാലം-പള്ളിപ്പുറം റോഡ് വഴി പോകണമെന്ന് അസിസ്റ്റന്റ് ഡിവിഷനല്‍ എഞ്ചിനീയര്‍ അറിയിച്ചു.  
 

മലമ്പുഴ ഗവ.വൊക്കേഷനല്‍ ഹയര്‍സെക്കന്‍ഡറി സ്‌ക്കൂളിലെ വി.എച്ച്.എസ്.ഇ വിഭാഗത്തിലെ സീനിയര്‍ നോണ്‍ വൊക്കേഷനല്‍ ഗസ്റ്റ് അധ്യാപകരുടെ താത്ക്കാലിക ഒഴിവിലേക്കുളള കൂടിക്കാഴ്ച്ച നവംബര്‍ 13-ന് രാവിലെ 11 ന് മലമ്പുഴ ജി.വി.എച്ച്.എസ്.എസ് ഓഫീസില്‍ നടക്കും.എം.എസ്. സി ഫിസിക്സ്, ബി.എഡ്, സെറ്റ് അല്ലെങ്കില്‍ നെറ്റ് ആണ് യോഗ്യതയായി പരിഗണിക്കുക.

താത്പര്യമുളളവര്‍ അസ്സല്‍ സര്‍ട്ടിഫിക്കറ്റുകള്‍ സഹിതം കൂടിക്കാഴ്ച്ചയ്ക്ക് എത്തണം. ഫോണ്‍: 0491-2815066.
 

ജില്ലാ ടൂറിസം പ്രമോഷന്‍ കൗണ്‍സിലിന്റെ ആഭിമുഖ്യത്തില്‍ നവംബര്‍ നാല്, അഞ്ച് തിയതികളില്‍ പാലക്കാട് ഫൈന്‍ ആര്‍ട്സ് സൊസൈറ്റി ഹാളില്‍ നടന്ന കര്‍ണ്ണാടക സംഗീത മത്സരത്തിലെ  വിജയികളെ പ്രഖ്യാപിച്ചു.

മത്സര വിജയികള്‍ക്കുള്ള സര്‍ട്ടിഫിക്കറ്റും ട്രോഫിയും നവംബര്‍ 13-ന് വൈകീട്ട് ആറിന് സംഗീതോത്സവത്തിന്റെ സമാപന പരിപാടിയില്‍ വിതരണം ചെയ്യും. വിജയികള്‍ സംഗീതോത്സവ വേദിയില്‍ എത്തണമെന്ന് സെക്രട്ടറി അറിയിച്ചു. 

ജില്ലാ ഭാഗ്യക്കുറി ഓഫീസില്‍ നവംബര്‍ 16,17,18 തീയതികളില്‍ നടത്താനിരുന്ന എംപ്ലോയ്‌മെന്റ് എക്‌സ്‌ചേഞ്ച് മുഖേനെയുള്ള താത്കാലിക ക്ലര്‍ക്കുമാരുടെ നിയമനത്തിനുള്ള കൂടിക്കാഴ്ച യഥാക്രമം നവംബര്‍  20,21,22 തീയതികളില്‍ മുന്‍ നിശ്ചയിച്ച സമയക്രമത്തില്‍ നടക്കുമെന്ന് ജില്ലാ ഭാഗ്യക്കുറി ഓഫീസര്‍ അറിയിച്ചു. 
 

ജില്ലാതല കേരളോത്സവം ജില്ലാ പഞ്ചായത്തിന്റേയും കേരള സംസ്ഥാന യുവജനക്ഷമേ ബോര്‍ഡിന്റേയും നേതൃത്വത്തില്‍ കുഴല്‍മന്ദം ബ്ലോക്കില്‍ നവംബര്‍ 11 മുതല്‍ 14 വരെ നടക്കും. 11,12,13,14 തീയതികളില്‍ കുഴല്‍മന്ദം ബ്ലോക്കിലെ വിവിധ വേദികളില്‍ കായികമത്സരങ്ങളും നടക്കും.

കല്‍പ്പാത്തി രഥോത്സവത്തോടനുബന്ധിച്ച് ജില്ലാ ടൂറിസം പ്രമോഷന്‍ കൗണ്‍സിലിന്റെ ആഭിമുഖ്യത്തില്‍  സംസ്ഥാന ടൂറിസം വകുപ്പിന്റെ  സഹകരണത്തോടെ നവംബര്‍ 13 വരെ  കല്‍പ്പാത്തി ദേശീയ സംഗീതോത്സവം നടക്കും. 

കല്‍പാത്തി ചാത്തപ്പുരം മണി അയ്യര്‍ റോഡില്‍ പ്രത്യേകം സജ്ജീകരിച്ച  ലാല്‍ഗുഡി.ജി.ജയരാമന്‍ നഗറില്‍  ഇന്ന് (നവംബര്‍ 10) ശ്യാമശാസ്ത്രി ദിനത്തില്‍ വൈകീട്ട് അഞ്ചിന് എം.മുത്തുകൃഷ്ണന്റെ സംഗീത കച്ചേരിക്ക് ഗോകുല്‍.വി.എസ്.ആലംകോട് (വയലിന്‍), യധുകുല്‍ മുരളീധരന്‍ (മൃദംഗം) .

അന്താരാഷ്ട്ര ബാലാവകാശവാരാചരണത്തോടനുബന്ധിച്ച് ബാലനീതി നിയമം, ബാല ലൈംഗീക പീഢനനിരോധന നിയമം(പോക്സോ) ബാലാവകാശ സംരക്ഷണം എന്നിവയുടെ പ്രചാരണവുമായി ബന്ധപ്പെട്ട് ജില്ലയില്‍ വിവിധ പരിപാടികള്‍ നടക്കും.

വെളിയിട വിസര്‍ജന വിമുക്ത മേഖലയായി പ്രഖ്യാപിക്കപ്പെട്ട ഗ്രാമപഞ്ചാ.ത്തുകളിലെ തിരഞ്ഞെടുക്കപ്പെട്ട വില്ലേജുകളിലെ സുസ്ഥിര ശുചിത്വ പരിപാലന പ്രവര്‍ത്തനങ്ങള്‍ വിലയിരുത്തുന്നതിന് നവംബര്‍ 23 മുതല്‍ കേന്ദ്ര ശുചിത്വ-കുടിവെള്ള മന്ത്രാലയം സര്‍വെ നടത്തും. കേന്ദ്ര സര്‍ക്കാര്‍ നിയോഗിച്ച സ്വതന്ത്ര പരിശോധനാ ഏജന്‍സിയായ കാന്താര്‍ പബ്ലിക് ആന്‍ഡ് ഐ.പി.ഇ. ഗ്ലോബല്‍  ആണ് പരിശോധനാ സൂചകങ്ങളുടെ അടിസ്ഥാനത്തില്‍ ദേശീയ വാര്‍ഷിക ഗ്രാമീണ ശുചിത്വ സര്‍വെ ( എന്‍.എ.ആര്‍.എസ്.എസ്.) നടത്തുന്നത്.