പട്ടികജാതി വിഭാഗത്തില്‍പ്പെട്ട അംഗീകൃത പെട്രോളിയം ഡീലര്‍മാര്‍ക്ക് നിലവിലെ പെട്രോള്‍/ഡീസല്‍ വില്‍പ്പനശാലകള്‍ പ്രവര്‍ത്തനനിരതമാക്കുന്നതിനും വിപുലീകരിക്കുന്നതിനുമായി പ്രവര്‍ത്തനമൂലധന വായ്പയ്ക്ക് അപേക്ഷിക്കാം. സംസ്ഥാന പട്ടികവര്‍ഗ വികസന കോര്‍പ്പറേഷനാണ് വായ്പ നല്‍കുന്നത്. ആഗസ്റ്റ് 31 ആണ് അവസാന തീയതി. പട്ടികജാതി വിഭാഗത്തില്‍പ്പെട്ടയാളും പൊതുമേഖലയിലുള്ള ഏതെങ്കിലും ഒരു പെട്രോളിയം കമ്പനിയുടെ അംഗീകൃത ഡീലറുമായിരിക്കണം. സംരംഭം നടത്തുന്നതിനാവശ്യമായ അടിസ്ഥാന സൗകര്യങ്ങള്‍, ലൈസന്‍സുകള്‍, ടാക്‌സ് രജിസ്‌ട്രേഷന്‍ എന്നിവ ഉണ്ടായിരിക്കണം. അപേക്ഷന്റെ വാര്‍ഷിക കുടുംബ വരുമാനം ആറ് ലക്ഷം രൂപയില്‍ കവിയരുത്.

സംയോജിക ശിശു സംരക്ഷണ പദ്ധതിയുടെ ഭാഗമായി സ്റ്റേറ്റ് അഡോപ്ഷന്‍ ഏജന്‍സിയോടനുബന്ധിച്ചുള്ള കൗണ്‍സിലിങ് സെന്ററില്‍ കരാര്‍ അടിസ്ഥാനത്തില്‍ കൗണ്‍സിലര്‍ നിയമനത്തിന് അപേക്ഷ ക്ഷണിച്ച. സോഷ്യല്‍ വര്‍ക്കിലോ/സൈക്കോളജിയിലോ ബിരുദാനന്തര ബിരുദവും കൗണ്‍സിലിങ് മേഖലയില്‍ രണ്ട് വര്‍ഷത്തെ പ്രവൃത്തിപരിചയവും വേണം. ആഗസ്റ്റ് 19ന് വൈകിട്ട് അഞ്ചിനകം അപേക്ഷ നല്‍കണം. www.sjd.kerala.gov.in -ല്‍ വിശദവിവരം ലഭ്യമാണ്. ഫോണ്‍ : 0484 - 2540727.

പി.എന്‍.എക്‌സ്.3502/17

2017 മാര്‍ച്ചില്‍ ഹയര്‍ സെന്‍ഡറി/വൊക്കേഷണല്‍ ഹയര്‍ സെക്കന്‍ഡറി പരീക്ഷ പാസായ വിദ്യാര്‍ത്ഥികള്‍ക്ക് 2017-18 വര്‍ഷത്തെ സെന്‍ട്രല്‍ സെക്ടര്‍ സ്‌കോളര്‍ഷിപ്പിന് www.scholarships.gov.in മുഖേന ഓണ്‍ലൈനായി അപേക്ഷിക്കാം. ഒക്ടോബര്‍ 31 നകം അപേക്ഷിക്കണം. സയന്‍സ്, കൊമേഴ്‌സ്, ഹ്യൂമാനിറ്റീസ് വിഭാഗങ്ങളില്‍ ഉയര്‍ന്ന മാര്‍ക്ക് നേടിയ ഇരുപത് ശതമാനം വിദ്യാര്‍ത്ഥികള്‍ക്കാണ് അപേക്ഷിക്കാവുന്നത്. മൊത്തം സ്‌കോളര്‍ഷിപ്പിന്റെ 27 ശതമാനം ഒ.ബി.സി വിഭാഗത്തിനും, 15 ശതമാനം എസ്.സി വിഭാഗത്തിനും 7.5 ശതമാനം എസ്.റ്റി വിഭാഗത്തിനും നീക്കിവച്ചിട്ടുണ്ട്.

കേരള ഖാദി ഗ്രാമവ്യവസായ ബോര്‍ഡിന്റെ നിയന്ത്രണത്തില്‍ കൊല്ലം, ആലപ്പുഴ, കോട്ടയം, പയ്യന്നൂര്‍, പാലക്കാട് എന്നിവിടങ്ങളില്‍ പ്രവര്‍ത്തിക്കുന്ന റെഡിമെയ്ഡ് വസ്ത്ര നിര്‍മാണയൂണിറ്റിലെ തൊഴിലാളികളുടെ വേതനം ഏകീകരിച്ച് വര്‍ധിപ്പിച്ചു. 30 ശതമാനം വരെയാണ് വര്‍ധന. പുതിയ വേതനം ആഗസ്റ്റ് ഒന്നു മുതല്‍ പ്രാബല്യത്തില്‍ വരും. 2017 ഏപ്രില്‍ മുതല്‍ ജൂലൈ വരെ ഓരോ തൊഴിലാളിയും കൈപ്പറ്റിയ വേതനത്തിന്റെ 10 ശതമാനം പ്രത്യേക ആനുകൂല്യമായി വിതരണം ചെയ്യും. ഇതോടൊപ്പം ബോര്‍ഡ് നടത്തുന്ന നോട്ട്ബുക്ക് നിര്‍മാണ യൂണിറ്റിലെ തൊഴിലാളികളുടെയും വേതനം വര്‍ധിപ്പിച്ചതായി ഖാദി ബോര്‍ഡ് വൈസ് ചെയര്‍മാന്‍ എം.വി.ബാലകൃഷ്ണന്‍ മാസ്റ്റര്‍ അറിയിച്ചു.

കേരള ലൈവ്‌സ്റ്റോക്ക് ഡെവലപ്‌മെന്റ് ബോര്‍ഡ് (കെ.എല്‍.ഡി ബോര്‍ഡ്) വെറ്ററിനറി സര്‍വകലാശാലയുടെ എന്റര്‍പ്രണര്‍ഷിപ്പ് വിഭാഗവുമായി ചേര്‍ന്ന് സാങ്കേതിക വിദ്യയിലൂന്നിയുള്ള വിദൂര വിദ്യാഭ്യാസ കോഴ്‌സുകളും റഗുലര്‍ കോഴ്‌സുകളും ആരംഭിക്കുന്നു. കെ.എല്‍.ഡി ബോര്‍ഡിന്റെ കൊല്ലം ജില്ലയിലെ കുളത്തൂപ്പുഴ ഡയറി ഫാമിലാണ് കോഴ്‌സുകളാരംഭിക്കുന്നത്. അപേക്ഷകര്‍ എസ്.എസ്.എല്‍.സി പാസായവരായിരിക്കണം. ക്ഷീരമേഖലയില്‍ സംരംഭകത്വം ഫ്രോത്സാഹിപ്പിക്കാന്‍ ഒരുവര്‍ഷം ദൈര്‍ഘ്യമുള്ള ഡയറി എന്റര്‍പ്രണര്‍ഷിപ്പ് ഡിപ്ലോമ കോഴ്‌സ് വിദൂര വിദ്യാഭ്യാസ പരിപാടിയില്‍ ഉള്‍പ്പെടുത്തിയാണ് ആരംഭിക്കുന്നത്.

കഴിഞ്ഞവര്‍ഷം ആഗസ്റ്റില്‍ ഒന്നാം വര്‍ഷ ഹയര്‍സെക്കന്ററി തുല്യതാ പരീക്ഷ എഴുതിയ വിദ്യാര്‍ത്ഥികള്‍ക്കുള്ള ഇംപ്രൂവ്‌മെന്റ് പരീക്ഷ സെപ്തംബര്‍ 22, 23, 24 തീയതികളില്‍ സംസ്ഥാനത്തെ വിവിധ പരീക്ഷാ കേന്ദ്രങ്ങളില്‍ നടത്തും. ഇംഗ്ലീഷ്, രണ്ടാം ഭാഷ, പാര്‍ട്ട് - മൂന്ന് വിഷയങ്ങള്‍ ഉള്‍പ്പടെ പരമാവധി മൂന്ന് വിഷയങ്ങള്‍ ഇംപ്രൂവ് ചെയ്യാം. പരീക്ഷാഫീസ് 800 രൂപ. സര്‍ട്ടിഫിക്കറ്റ് ഫീസ് 100 രൂപ. പിഴയില്ലാതെ 21 വരെ ഫീസടയ്ക്കാം. 20 രൂപ പിഴയോടെ 28 വരെ ഫീസടയ്ക്കാം. പരീക്ഷാ കേന്ദ്രങ്ങളിലാണ് ഫീസടയ്‌ക്കേണ്ടത്. പരീക്ഷാ കേന്ദ്രങ്ങളുടെ പട്ടിക ഉള്‍പ്പെട്ട നോട്ടിഫിക്കേഷന്റെ പൂര്‍ണ രൂപം www.dhsekerala.gov.in ല്‍ ലഭ്യമാണ്.

സംസ്ഥാനത്തെ സര്‍ക്കാര്‍, അര്‍ദ്ധസര്‍ക്കാര്‍ ജീവനക്കാര്‍, അധ്യാപകര്‍, പൊതുമേഖലാ സ്ഥാപനം, യൂണിവേഴ്‌സിറ്റി, സംസ്ഥാന-ജില്ല-പ്രാഥമിക സഹകരണ സംഘം, ദേശസാത്കൃത, ഷെഡ്യൂള്‍ഡ് ബാങ്ക്, സര്‍ക്കാര്‍ നിയന്ത്രണത്തിലെ കോര്‍പറേഷനുകള്‍, ലിമിറ്റഡ് കമ്പനികള്‍ എന്നിവയിലെ ജീവനക്കാര്‍ തങ്ങളുടെ പേരുള്‍പ്പെട്ട റേഷന്‍ കാര്‍ഡുകള്‍ ആഗസ്റ്റ് 20നകം ഡ്രോയിംഗ് ആന്റ് ഡിസ്‌ബേഴ്‌സിംഗ് ഓഫീസര്‍ മുമ്പാകെ പരിശോധനയ്ക്ക് ഹാജരാക്കണമെന്ന് സര്‍ക്കാര്‍ സര്‍ക്കുലര്‍ പുറത്തിറക്കി. റേഷന്‍ മുന്‍ഗണന പട്ടികയില്‍ അനര്‍ഹര്‍ കടന്നുകൂടിയതായി സര്‍ക്കാരിന്റെ ശ്രദ്ധയില്‍പെട്ട സാഹചര്യത്തിലാണ് നടപടി.

യു.എ.ഇ.യിലെ മോഡല്‍ സ്‌കൂളിലേക്ക് അധ്യാപക തസ്തികകളില്‍ നിയമനത്തിനായി ആഗസ്ത് 13 ന് എറണാകുളം കുണ്ടന്നൂരുള്ള ഹോട്ടല്‍ വൈറ്റ് ഫോര്‍ട്ടില്‍ ഒ.ഡി.ഇ.പി.സി. മുഖേന വാക്-ഇന്‍-ഇന്റര്‍വ്യൂ നടത്തും. തസ്തിക, യോഗ്യത എന്ന ക്രമത്തതില്‍ : കിന്റര്‍ഗാര്‍ട്ടന്‍ ടീച്ചര്‍ (സ്ത്രീകള്‍ മാത്രം) : ബിരുവവും പ്രീപ്രൈമറി ട്രെയിനിംഗ് ഡിപ്ലോമ/മോണ്ടിസ്സോറി സര്‍ട്ടിഫിക്കറ്റും, സി.ബി..എസ്.ഇ/ഐ.സി.എസ്.ഇ സ്‌കൂളുകളില്‍ സമാനതസ്തികയില്‍ രണ്ട് വര്‍ഷത്തെ പ്രവൃത്തി പരിചയവും ഉണ്ടാവണം, പരമാവധി പ്രായം 45 വയസ്.

തിരുവനന്തപുരം, കൊല്ലം, തൃശൂര്‍, പാലക്കാട്, കോഴിക്കോട്, മലപ്പുറം, വയനാട്, കണ്ണൂര്‍, കാസര്‍ഗോഡ് എന്നീ ഒന്‍പത് ജില്ലകളിലെ അടിസ്ഥാന സൗകര്യമുള്ള സര്‍ക്കാര്‍/എയ്ഡഡ് ഹയര്‍ സെക്കന്ററി സ്‌കൂളുകളില്‍ പ്ലസ് വണ്‍ പ്രവേശനത്തിന് 10 ശതമാനം സീറ്റു വര്‍ദ്ധനവ് കൂടി അനുവദിച്ച് ഉത്തരവായി. ഇതിനകം പ്രവേശനം നേടിയ വിദ്യാര്‍ത്ഥികള്‍ക്കും വര്‍ദ്ധിപ്പിച്ച 10 ശതമാനം സീറ്റുകളിലേക്ക് അപേക്ഷിക്കാം. അണ്‍-എയ്ഡഡ് ഹയര്‍ സെക്കന്ററി സ്‌കൂളുകളിലെ ബാച്ചുകള്‍ക്ക് വര്‍ദ്ധനവ് ബാധകമല്ല.

പി.എന്‍.എക്‌സ്.3495/17

ചൊവ്വാഴ്ച പൊതു തെരഞ്ഞെടുപ്പ് നടന്ന മട്ടന്നൂര്‍ നഗരസഭയില്‍ 83 ശതമാനം പേര്‍ വോട്ടു രേഖെപ്പടുത്തിയതായി സംസ്ഥാന തെരഞ്ഞെടുപ്പു കമ്മീഷന്‍ അറിയിച്ചു. നഗരസഭയില്‍ മൊത്തം 36330 വോട്ടര്‍മാരുള്ളതില്‍ 30122 പേരാണ് വോട്ടവകാശം വിനിയോഗിച്ചത്. ആഗസ്റ്റ് പത്തിന് രാവിലെ 10 മണിക്ക് വോട്ടെണ്ണല്‍ ആരംഭിക്കും. തെരഞ്ഞെടുപ്പു നടന്ന നഗരസഭ വാര്‍ഡ്, വോട്ടിംഗ് ശതമാനം എന്ന ക്രമത്തില്‍.