മാലിന്യ മുക്ത കേരളം: ജില്ലാതല ഉദ്ഘാടനം
ആലപ്പുഴ: സംസ്ഥാന സര്ക്കാരിന്റെ വലിച്ചെറിയല് മുക്ത കേരളം കാമ്പയിന്റെ ജില്ലാതല ഉദ്ഘാടനം 26-ന് രാവിലെ 9.30-ന് ആലപ്പുഴ ലൈറ്റ് ഹൗസിന് സമീപം ജില്ല പഞ്ചായത്ത് പ്രസിഡന്റ് കെ. ജി. രാജേശ്വരി നിര്വഹിക്കും. നഗരസഭ വൈസ് ചെയര്മാന് പി.എസ്.എം. ഹുസൈന് അധ്യക്ഷത വഹിക്കും.
നവകേരളം കര്മ പദ്ധതി 2-ന്റെ ഭാഗമായി തദ്ദേശ സ്വയംഭരണ സ്ഥാപനങ്ങളുടെ സഹകരണത്തോടെ ഹരിതകേരളം മിഷന്, ശുചിത്വമിഷന്, കുടുംബശ്രീ, ക്ലീന്കേരള കമ്പനി എന്നിവര് ചേര്ന്നാണ് കാമ്പയിന് നടത്തുന്നത്. 2017 ആഗസ്റ്റ് 15-ന് ആരംഭിച്ച മാലിന്യത്തില് നിന്നും സ്വാതന്ത്ര്യം പ്രചാരണത്തിന്റെ രണ്ടാം ഘട്ടമാണ് ഈ റിപ്പബ്ലിക്ക് ദിനത്തില് തുടങ്ങുന്നത്.
പൊതു ഇടങ്ങളില് മാലിന്യങ്ങള് വലിച്ചെറിയാതിരിക്കാനുള്ള സന്ദേശം ജനങ്ങളിലേക്ക് എത്തിക്കുകയാണ് കാമ്പയിന്റെ ലക്ഷ്യം.
ചടങ്ങില് ജനപ്രതിനിധികള്, വ്യാപാരി വ്യവസായി പ്രതിനിധികള്, സാമൂഹിക സാംസ്കാരിക സംഘടന പ്രതിനിധികള്, റസിഡന്റ്സ് അസോസിയേഷന് പ്രതിനിധികള്, വിദ്യാര്ത്ഥികള് ഹരിതകര്മ സേനാംഗങ്ങള്, തൊഴിലുറപ്പ് തൊഴിലാളികള് എന്നിവര് പങ്കെടുക്കും.
- Log in to post comments