സ്‌കോള്‍ കേരള മുഖേന നടത്തുന്ന ഡിപ്‌ളോമ ഇന്‍ കമ്പ്യൂട്ടര്‍ ആപ്‌ളിക്കേഷന്‍ കോഴ്‌സ് മൂന്നാം ബാച്ചിന്റെ നാളെ (11.11.2017) നടക്കുന്ന ക്‌ളാസുകളില്‍  തേവള്ളി സര്‍ക്കാര്‍ ബോയ്‌സ് എച്ച്. എസ്. എസില്‍ രജിസ്റ്റര്‍ ചെയ്ത എല്ലാവരും പങ്കെടുക്കണമെന്ന് ജില്ലാ ഓഫീസര്‍ അറിയിച്ചു. 

ദേശീയ പക്ഷി മൃഗമേളയോടനുബന്ധിച്ച് മാധ്യമ പ്രവര്‍ത്തകര്‍ക്കായി പുരസ്‌കാരം നല്‍കും. പ്രദര്‍ശനത്തിന്റെ റിപ്പോര്‍ട്ടിംഗ് മികവിനാണ് പത്ര-ദൃശ്യ മാധ്യമ പ്രവര്‍ത്തകര്‍ക്ക്   5001 രൂപ വീതം അവാര്‍ഡു നല്‍കുന്നത്.

പത്ര റിപോര്‍ട്ടുകളുടെ പകര്‍പ്പും ദൃശ്യമാധ്യമങ്ങളുടെ റിപോര്‍ട്ടുകളുടെ ഡി.വി.ഡിയും നംബര്‍ 15 നകം ജില്ലാ മൃഗസംരക്ഷണ ഓഫീസര്‍ക്ക് സമര്‍പ്പിക്കണം. 

ദേശീയ പക്ഷിമൃഗ പ്രദര്‍ശനത്തോടനുബന്ധിച്ചുള്ള പെറ്റ് ഷോ നാളെ (നവംബര്‍ 11) ഉച്ചയ്ക്ക് 02.30 ന് നടക്കും.

പൂച്ച, നായ, മറ്റു അരുമ മൃഗങ്ങള്‍ എന്നിങ്ങനെ വിവിധ വിഭാഗങ്ങളില്‍ മത്സരങ്ങളുണ്ട്. രജിസ്‌ട്രേഷന്  9447487677 നമ്പരില്‍ ബന്ധപ്പെടണം. 

വീട്ടില്‍ നിന്നിറങ്ങിയ കുട്ടികള്‍ സ്‌കൂളിലെത്തിയോ എന്ന വേവലാതി രക്ഷിതാക്കള്‍ക്ക് ഇനി വേണ്ട; സ്‌കൂളുകളിലെ ഹാജര്‍ വിവരങ്ങള്‍ എസ്. എം. എസ്. ആയി മൊബൈല്‍ ഫോണുകളിലെത്തും. ദിവസേന വിവരം കൈമാറുന്ന കരുതല്‍ പദ്ധതിയാണ് രക്ഷിതാക്കള്‍ക്ക് തുണയാകുക. ചാത്തന്നൂര്‍ സര്‍ക്കാര്‍ വൊക്കേഷനല്‍ ഹയര്‍ സെക്കന്ററി സ്‌കൂളില്‍ ഇന്ന്(നവംബര്‍ 10) ഉച്ചയ്ക്ക് 1.30 ന് വിദ്യാഭ്യാസ മന്ത്രി സി. രവീന്ദ്രനാഥ് ഉദ്ഘാടനം നിര്‍വ്വഹിക്കും. 

ജില്ലയിലെ തൊഴിലുടമകള്‍ അന്യ സംസ്ഥാന തൊഴിലാളികളെ സംസ്ഥാന സര്‍ക്കാരിന്റെ ആവാസ് പദ്ധതിയില്‍ രജിസ്റ്റര്‍ ചെയ്യിക്കണമെന്ന് ജില്ലാ കളക്ടര്‍ അറിയിച്ചു. ഇതിന് ജില്ലയിലെ അസിസ്റ്റന്റ് ലേബര്‍ ഓഫീസുകളിലും ജില്ലാ ലേബര്‍ ഓഫീസിലെ ഫെസിലിറ്റേഷന്‍ സെന്ററിലും സൗകര്യമുണ്ട്.

നിയമസേവന സ്ഥാപനങ്ങളുടെ പ്രാധാന്യം ജനമനസ്സുകളിലെത്തിക്കുന്നതിന് ലക്ഷ്യമിട്ട് ജില്ലയില്‍ നിയമ സേവന ദിനം ആചരിച്ചു. ഘോഷയാത്രയും ഫ്‌ളാഷ്‌മോബുമൊക്ക ചേര്‍ന്ന ആകര്‍ഷക പരിപാടികളോടയായിരുന്നു ആഘോഷത്തിന്റെ തുടക്കം. ഘോഷയാത്രയ്ക്ക് ജില്ലാ കലക്ടര്‍ ഡോ. എസ്. കാര്‍ത്തികേയന്‍ നേതൃത്വം നല്‍കി. 

കൊല്ലം ടൗണ്‍ യു. പി. സ്‌കൂളിലെ ലീഡര്‍ അപര്‍ണയും കൂട്ടുകാരും എത്തിയത് കളക്‌ട്രേറ്റിലെ പതിവുകളില്‍പെടാത്ത ഒരാവശ്യവുമായാണ്. സ്‌കൂളിലെ ക്‌ളാസ് മുറികളില്‍ പുതുതായി തുടങ്ങുന്ന ചെറു ലൈബ്രറികളിലേക്ക് പുസ്തകങ്ങള്‍ സമാഹരിക്കുകയായിരുന്നു അവരുടെ ലക്ഷ്യം. വിവിധ ഓഫീസുകളില്‍ കയറിയിറങ്ങി ആത്മവിശ്വാസത്തോടെ തങ്ങളുടെ ദൗത്യം വിശദീകരിച്ച കുട്ടികള്‍ക്ക് ലഭിച്ചത് പ്രോത്സാഹനം നല്‍കുന്ന പ്രതികരണങ്ങള്‍.
സബ് കലക്ടര്‍ ഡോ.എസ്. ചിത്രയെയാണ് അവര്‍ ആദ്യം സമീപിച്ചത്.

മീസില്‍സ് റൂബെല്ല പ്രതിരോധ കുത്തിവെയ്പ്പ് നടപ്പിലാക്കുന്നതിന് ചില സ്‌കൂളുകള്‍ക്കെതിരെ വീഴ്ച വരുത്തുന്നതിനെ തുടര്‍ന്ന് അത്തരം വിദ്യാലയങ്ങള്‍ക്കെതിരെ കര്‍ശന നടപടി സ്വീകരിക്കുന്നതിന്റെ ഭാഗമായി ജില്ലാ മജിസ്ട്‌റേറ്റ് കൂടിയായ ജില്ലാ കളക്ടര്‍  വിദ്യാഭ്യാസ സ്ഥാപനങ്ങള്‍ക്ക് മുന്നറിയിപ്പ് നോട്ടീസ് നല്‍കി.  

ജുവൈനല്‍ ജസ്റ്റിസ് ആക്ട്, കേരള പോലീസ് ആക്ട്, പബ്ലിക് ഹെല്‍ത്ത് ആക്ട്, കേരള പഞ്ചായത്ത് രാജ് ആക്ട് / കേരള മുന്‍സിപ്പാലിറ്റി ആക്ട് എന്നിവയിലെ വിവിധ വകുപ്പുകള്‍ അനുസരിച്ച് പ്രവര്‍ത്തിക്കേണ്ട വിദ്യാഭ്യാസ സ്ഥാപനങ്ങള്‍ ഇത്തരം പ്രവര്‍ത്തനങ്ങള്‍ക്കെതിരെ നില്‍ക്കുന്നത് കുറ്റകരമാണ്.

സര്‍ക്കാര്‍ പദ്ധതിയായ മീസില്‍സ് റൂബെല്ല കുത്തിവെയ്പ്പിന് എതിരെ  വ്യാജപ്രചാരണം ഏറിവരുന്ന സാഹചര്യത്തില്‍  കേരള പോലീസ് ആക്ട് 2011 ലെ 118 (സി) പ്രകാരം നിയമനടപടി സ്വീകരിക്കാന്‍ ജില്ലാ മജിസ്ട്‌റേറ്റ് കൂടിയായ ജില്ലാ കളക്ടര്‍ ഉത്തരവിട്ടു.മീസില്‍സ് റൂബെല്ല കുത്തിവെയ്പ്പിനെതിരെ ജനങ്ങള്‍ക്കിടയില്‍ തെറ്റിദ്ധാരണ പരത്തുന്ന പ്രചരണങ്ങള്‍ ചില വ്യക്തികളും സ്ഥാപനങ്ങളും നടത്തുന്നതായി കണ്ടെത്തിയതിനെ തുടര്‍ന്നാണ് ജില്ലാ കളക്ടര്‍ കര്‍ശന നടപടിക്ക് നിര്‍ദ്ദേശം നല്‍കിയത്.  

ജില്ലയില്‍ വെളിയിട വിസര്‍ജ്ജന വിമുക്ത പദവി നേടിയ ഗ്രാമപഞ്ചായത്തുകള്‍ ഇതു നിലനിര്‍ത്തിക്കൊണ്ട് കേന്ദ്രഗവണ്‍മെന്റില്‍ നിന്നും പരിശോധനാ സര്‍ട്ടിഫിക്കറ്റ് ലഭ്യമാക്കുന്നതിന് അടിയന്തിര പരിശോധന പൂര്‍ത്തിയാക്കണമെന്ന് ജില്ലാ പഞ്ചായത്ത് പ്രസിഡന്റ് അന്നപൂര്‍ണ്ണാദേവി പറഞ്ഞു. ജില്ലാ ശുചിത്വസമിതിയുടെ നേതൃത്വത്തില്‍ നടത്തിയ പൊതു ശൗചാലയം പരിശോധനാവേളയിലാണ് ജില്ലാ ശുചിത്വസമിതി ചെയര്‍പേഴ്‌സണ്‍ കൂടിയായ  ജില്ലാ പഞ്ചായത്ത് പ്രസിഡന്റ് നിര്‍ദേശം നല്‍കിയത്.