ഒ ആർ കേളു മന്ത്രിയായി സത്യപ്രതിജ്ഞ ചെയ്തു. രാജ്ഭവനിൽ നടന്ന സത്യപ്രതിജ്ഞാ ചടങ്ങിൽ ഗവർണർ ആരിഫ് മുഹമ്മദ് ഖാൻ സത്യവാചകം ചൊല്ലിക്കൊടുത്തു. മുഖ്യമന്ത്രി പിണറായി വിജയൻ സന്നിഹിതനായിരുന്നു. മാനന്തവാടി എം എൽ എയായ ഒ ആർ കേളു സഗൗരവമാണ് സത്യപ്രതിജ്ഞ ചെയ്തത്.

കൊല്ലം ജില്ലയിലെ ഇൻസ്റ്റിറ്റ്യൂട്ട് ഓഫ് ഫാഷൻ ടെക്‌നോളജി കേരളയുടെ ബാച്‌ലർ ഓഫ് ഡിസൈൻ (ഫാഷൻ ഡിസൈൻ) കോഴ്‌സ് പ്രവേശന പരീക്ഷയുടെ റാങ്ക്‌ലിസ്‌റ്റ് പ്രസിദ്ധീകരിച്ചു.

ഫോ൪ട്ട്കൊച്ചി റവന്യൂ ഡിവിഷണൽ ഓഫീസിൽ ഭൂമി തരം മാറ്റവുമായി ബന്ധപ്പെട്ട് സെക്ഷനുകളിൽ നേരിട്ടുള്ള അന്വേഷണം ജൂൺ 24 തിങ്കളാഴ്ച ഉണ്ടായിരിക്കില്ലെന്ന് ഫോ൪ട്ട്കൊച്ചി സബ് കളക്ട൪ അറിയിച്ചു. അന്വേഷണം ജൂൺ 25 ലേക്ക് മാറ്റിയിട്ടുണ്ട്.

കാക്കനാട് സിവിൽ സ്റ്റേഷനിൽ പ്രവർത്തിക്കുന്ന എറണാകുളം വനിതാ സംരക്ഷണ ഓഫീസറുടെ ഔദ്യോഗിക ആവശ്യത്തിനായി 2024 ജൂലൈ മുതൽ 2025 ജൂൺ വരെ കരാർ അടിസ്ഥാനത്തിൽ വാഹനം (കാർ) വാടകയ്ക്ക് നൽകുന്നതിന് താല്പര്യമുള്ള വാഹന ഉടമകളിൽ നിന്ന് ടെ൯ഡർ ക്ഷണിച്ചു. ടെ൯ഡർ സമർപ്പിക്കേണ്ട അവസാന തിയതി ജൂലൈ ആറ് ഉച്ചയ്ക്ക് രണ്ടു വരെ. കൂടുതൽ വിവരങ്ങൾക്ക് ഫോൺ 8281999057. 

ഹൈബി ഈഡ൯ എംപിയുടെ ഫണ്ട് ഉപയോഗിച്ച് നടപ്പാക്കുന്ന വിവിധ പദ്ധതികൾ ജില്ലാ കളക്ട൪ എ൯.എസ്.കെ ഉമേഷിന്റെ അധ്യക്ഷതയിൽ ചേ൪ന്ന യോഗത്തിൽ അവലോകനം ചെയ്തു. പതിനേഴാം ലോക്സഭാ കാലാവധിയിലുളള പദ്ധതികളാണ് യോഗം അവലോകനം ചെയ്തത്. പദ്ധതികൾ ഉട൯ പൂ൪ത്തീകരിക്കുന്നതിനുള്ള നടപടി സ്വീകരിക്കാ൯ ജില്ലാ കളക്ട൪ നി൪ദേശം നൽകി.