കാവുകളുടെ സംരക്ഷണത്തിന് ധനസഹായം

കേരളത്തില്‍ വനം-വന്യജീവി വകുപ്പിന് കീഴില്‍ ജൈവവൈവിധ്യ സംരക്ഷണ പദ്ധതിയുടെ ഭാഗമായി സാമൂഹ്യ വനവത്കരണ വിഭാഗം മുഖേന കാവുകളുടെ സംരക്ഷണ പദ്ധതി നടപ്പിലാക്കി വരുന്നു. ഈ പദ്ധതിയുടെ ഭാഗമായി 2021-22 വര്‍ഷത്തില്‍ ഇടുക്കി ജില്ലയില്‍ കാവുകളുടെ സംരക്ഷണത്തിന് ധനസഹായം നല്‍കുന്നതിന് കാവുകളുടെ ഉടമസ്ഥരില്‍ നിന്നും അപേക്ഷകള്‍ ക്ഷണിച്ചു. അപേക്ഷാഫോറം വനംവകുപ്പിന് ഔദ്യോഗിക വെബ്സൈറ്റില്‍ (www.forest.kerala.gov.in) ലഭ്യമാണ. ഇടുക്കി ജില്ലയില്‍ ധനസഹായം നല്‍കുന്ന തിലേക്കായി കാവുകളുടെ ഉടമസ്ഥരായിട്ടുള്ള സ്വകാര്യവ്യക്തികള്‍, ദേവസ്വങ്ങള്‍, ക്ഷേത്രങ്ങള്‍ മുതലായവര്‍ പൂരിപ്പിച്ച അപേക്ഷാ ഫോറം അസിസ്റ്റന്റ് ഫോറസ്റ്റ് കണ്‍സര്‍വേറ്റര്‍ സോഷ്യല്‍ ഫോറസ്റ്റ് ഡിവിഷന്‍, ഇടുക്കി സഹ്യസാനു ഫോറസ്റ്റ് കോംപ്ലക്സ്, വെള്ളപ്പാറ, പൈനാവ് പി.ഒ, 685603 എന്ന വിലാസത്തില്‍ ഓഗസ്റ്റ് 10ന് മുമ്പായി സമര്‍പ്പിക്കണം. കൂടുതല്‍ വിവരങ്ങള്‍ക്ക് ഇടുക്കി ജില്ലാ സാമൂഹ്യ വനവല്‍ക്കരണ വിഭാഗം അസിസ്റ്റന്റ് ഫോറസ്റ്റ് കണ്‍സര്‍വേറ്ററുടെ ഓഫീസുമായി  ബന്ധപ്പെടാം. ഫോണ്‍  04862 232505.