കോര്പ്പറേഷന് മെഗാ ആന്റിജന് ടെസ്റ്റ് ക്യാമ്പ് ആരംഭിച്ചു
തൃശൂര് കോര്പ്പറേഷന് പരിധിയിലെ ജനങ്ങളുടെ ഭീതി ഒഴിവാക്കുന്നതിനായി മെഗാ ആന്റിജന് ടെസ്റ്റ് ക്യാമ്പ് ആരംഭിച്ചു. മേഖല അടിസ്ഥാനത്തില് ശക്തന് പുനരധിവാസ ഷെഡ്, ഒല്ലൂര് വൈലോപ്പിള്ളി സ്കൂള്, കാളത്തോട് യു.പി. സ്കൂള്, കൂര്ക്കഞ്ചേരി സോണല് ഓഫീസ്, അയ്യന്തോള് നിര്മ്മല യു.പി. സ്കൂള്, ചേറൂര് എന്.എസ്. യു.പി.സ്കൂള്, തുടങ്ങിയ 6 കേന്ദ്രങ്ങളിലായാണ് ക്യാമ്പ് സംഘടിപ്പിച്ചത്. രോഗവ്യാപനം തടയല്, വ്യാപാര സ്ഥാപനങ്ങളിലെ ജീവനക്കാരുടെ നെഗറ്റിവിറ്റി ഉറപ്പാക്കല്, കോര്പ്പറേഷന് പരിധിയിലെ യഥാര്ത്ഥ ടി.പി.ആര്. ലഭ്യമാക്കല് എന്നിവ വഴി മാത്രമേ ജനങ്ങളുടെ ഭീതി ഒഴിവാക്കല് സാധ്യമാകൂ എന്നു മനസ്സിലാക്കിയാണ് തൃശൂര് കോര്പ്പറേഷന് മെഗാ ക്യാമ്പുകള് ആരംഭിച്ചത്. കുടുംബശ്രീ പ്രവര്ത്തകര് വഴി 55 ഡിവിഷനുകളിലും വീടുവീടാന്തരം കയറി ബോധവല്കരണം നടത്തി രോഗനിര്ണയത്തിന് ആളുകളെ എത്തിക്കുന്ന പ്രവര്ത്തനവും ഇതോടൊപ്പം നടന്നുവരുന്നുണ്ട്. മെഗാ ക്യാമ്പുകള് ആഗസ്റ്റ് 20 വരെ രാവിലെ 9.00 മണി മുതല് 1.00 മണി വരെ തുടരും. മേഖല അടിസ്ഥാനത്തിലുള്ള ക്യാമ്പുകളില് അതാത് മേഖലയിലുള്ള കൗണ്സിലര്മാര് നേതൃത്വം നല്കും. രോഗവ്യാപനം തടയുന്നതിനായി കോര്പറേഷന് ആരംഭിച്ചിട്ടുള്ള ക്യാമ്പുകള് പരമാവധി ഉപയോഗപ്പെടുത്തി സ്വന്തം സുരക്ഷയും മറ്റുള്ളവരുടെ സുരക്ഷയും ഉറപ്പുവരുത്തേണ്ടതാണെന്ന് മേയര് എം.കെ.വര്ഗ്ഗീസ് അറിയിച്ചു.
- Log in to post comments