പ്രതിഭാ സംഗമം
ജില്ലാ പഞ്ചായത്തിന്റെ ആഭിമുഖ്യത്തില്‍ എസ്.എസ്.എല്‍.സി, പ്ലസ് ടു പരീക്ഷകളില്‍ മികച്ച വിജയം നേടിയ വിദ്യാര്‍ഥികള്‍ക്കും സ്‌കൂളുകള്‍ക്കും അനുമോദനവും അവാര്‍ഡ് വിതരണവും നടന്നു. ജിമ്മിജോര്‍ജ് ഇന്‍ഡോര്‍ സ്റ്റേഡിയത്തില്‍ നടന്ന ചടങ്ങില്‍ മന്ത്രി കടകംപള്ളി സുരേന്ദ്രന്‍ അവാര്‍ഡുകള്‍ വിതരണം ചെയ്തു. 100 ശതമാനം വിജയം നേടിയ 30 സ്‌കൂളുകളില്‍ നിന്നുള്ള അധ്യാപകരും മികച്ച വിജയം കരസ്ഥമാക്കിയ വിദ്യാര്‍ഥികളും പ്രതിഭാസംഗമത്തില്‍ അവാര്‍ഡുകള്‍ ഏറ്റുവാങ്ങി. പ്ലസ് ടു പരീക്ഷയില്‍ മുഴുവന്‍ മാര്‍ക്കും നേടിയ അര്‍ച്ചനാ കൃഷ്ണന്‍, ജുമാന ഹസിം, അപ്‌സര ഇറോസ് എന്നിവരെയും ചടങ്ങില്‍ പ്രതേ്യകം അനുമോദിച്ചു.
ജില്ലാ പഞ്ചായത്ത് പ്രസിഡന്റ് വി.കെ. മധുവിന്റെ അധ്യക്ഷതയില്‍ നടന്ന ചടങ്ങില്‍ വൈസ് പ്രസിഡന്റ് ഷൈലജാബീഗം, പൊതു വിദ്യാഭ്യാസ ഡയറക്ടര്‍ കെ.വി. മോഹന്‍ കുമാര്‍, വിവിധ സ്റ്റാന്റിങ് കമ്മിറ്റി അധ്യക്ഷന്‍മാര്‍, ജനപ്രതിനിധികള്‍, ജില്ലാ പഞ്ചായത്ത് സെക്രട്ടറി വി. സുഭാഷ്, തുടങ്ങിയവര്‍ പങ്കെടുത്തു.
(പി.ആര്‍.പി 1672/2018)
- Log in to post comments