പട്ടികജാതി-വര്‍ഗ വിഭാഗക്കാര്‍ക്ക് സൗജന്യ കംപ്യുട്ടര്‍ പരിശീലനം 

ദേശീയ തൊഴില്‍ സേവനകേന്ദ്രം പാലക്കാട് കെ.എസ്.ആര്‍.റ്റി.സി. ബസ് സ്റ്റാന്‍ഡിന് സമീപത്തുള്ള കെല്‍ട്രോണ്‍ എജുക്കേഷന്‍ സെന്‍ററില്‍ നടത്തുന്ന ഒരുവര്‍ഷം ദൈര്‍ഘ്യമുള്ള സൗജന്യ 'ഒ' ലെവല്‍ കംപ്യുട്ടര്‍ കോഴ്സിന് (ഡി.സി.എ. കോഴ്സിന് തുല്യം) അപേക്ഷ ക്ഷണിച്ചു. 18 നും 30നുമിടയില്‍ പ്രായമുള്ള കുടുംബ വാര്‍ഷിക വരുമാനം മൂന്ന് ലക്ഷത്തില്‍ താഴെയുള്ള പ്ലസ് റ്റു യോഗ്യതയുള്ളവര്‍ക്ക് അപേക്ഷിക്കാം. പ്രതിമാസം 1000 രൂപ സ്റ്റൈപ്പന്‍റ് ലഭിക്കും. വിശദ വിവരം സബ്-റീജനല്‍ എംപ്ലോയ്മെന്‍റ് ഓഫീസര്‍, നാഷനല്‍ കരിയര്‍ സെന്‍റര്‍ ഫോര്‍ എസ്.സി./ എസ്.റ്റി., തൈക്കാട്, തിരുവനന്തപുരം -14 വിലാസത്തില്‍ ലഭിക്കും. ഫോണ്‍: 0471 2332113